Serchhip-a DIET Office rawk

Serchhip Chanmari Vengthar-a DIET Of-fice chu Zirtawpni zan khan misual tu tih hriatloh ten rawkin pawisafai engemaw zat rukchhuah a ni.
Serchhip Chanmari Vengthar-a District Institute of Education and Training (DIET) Office rawk a nih thu hi Inrinni zing khan hriatchhuah a ni a, he Office rawktu hian tuna DIET Office leh building sak thar inkar, building sak thar avanga Administrative Office chhuat dawlna lungrem chhia a\anga Office chhung chhuat, PCC Slab chu tichhiain heta \ang hian a lut niin a lang a. Admi-nistrative Office-a a luh hnu hian a chhunglam a\anga he Room kalh chu kawngkhar Kawpza tichhia in Principal PA Room kalhna Tala a chhu chhe leh a, heta \ang hian Principal Room-ah hian lutin pawisa an dahna (Safe) chu PA Room-ah hian an chawichhuak a, pawisa dahna safe hi Thir zaina hmanga zai chhiain a chhunga pawisa awm zawng zawng chu an la fai vek a ni. He Office-a thawk te hian an pawisa dah zat chiah hi la chhutchhuak lo mah se Rs. 200,000/- erawh a tlinglo deuh turah an ngai tih an sawi a, he Office rawktu hi Room dangah a luh hriat a ni lova, pawisafai lo hi thil bo dang a awm hriat a ni lo bawk.
He Office rawk a nih thu hi hriat a nih velah Serchhip Police-ah FIR thehluh nghal a ni a, Inrinni vek khan Police te chuan DIET Office hi tlawh nghalin a hmunah thil awmdan an enfiah bakah pawikhawihtute chhuichhuahna atana thil \ul hrang hrang an dapkhawm nghal a, Office rawktu hi manchhuah ngei tumin hma an la nghal a ni.
Serchhip DIET Office building hi sak thar mek a ni a, hei vang hian Office pawh hi Room te zawkah chep takin an invawmkhawm rih a, pawikhawihtu hian Office sakna atana hmanrua an dah hrang hrangte chu a hmang bawk niin a lang.

Popular News

Mizoram-ah Faina Hapta hman \an leh a ni

Retailer bukna diklo 3 man