Serchhip-a Chapchar Kut hman dan tur ruahman \an

Serchhip District Bawrhsap hova \hukhawm in kumin a Serchhip-a Chapchar Kut hman dan tur ruahmanna siam tura Serchhip Sub-Hqrs. YMA a ruat angin Inrinni zing khan Serchhip Sub-Hqrs. YMA OB te leh Cultural Committee chuan Chapchar Kut hman dan tur an sawiho.
Serchhip-a Chapchar Kut hman dan tur sawihona hi Serchhip Sub-Hqrs. YMA Vice President, Kawl\huama te In-ah neih niin Sub-Hqrs. YMA Cultural Committee Chairman, Lalawmpuia chuan a kaihruai a, he hunah hian Bawrhsap kaih-hruaina hnuaia Chapchar Kut hman dan tura rua-hmanna lo siam tawh te chu sawiho a ni.
He \hutkhawm a tel te hian Chapchar Kut hman dan tur ngaihtuah tur bikin Chapchar Kut Organising Committee chu Sub-Hqrs. YMA Cultural Committee kaihhruaina hnuaia a thara dinin Chairman, Secretary leh Treasurer atan Cultural Committee ami te chu ruat zui nghal an ni a, heng bakah hian Vice Chairman atan Zonunsanga Kawlni, Asst. Secretary atan Lalrin-khuma Chenkual leh Fin. Secretary atan R. Lalduhsanga te chu ruat an ni bawk a. Committee Member atan Sub-Hqrs. YMA Cultural Committee Member te bakah Serchhip Sub-Hqrs. OB te chu ruat nghal an ni bawk.
He \hutkhawm a tel te hian Serchhip-a Chapchar Kut hman dan tur ruangam pawh din in a hmasa ber atan Town Branch YMA zinga item nei turte tichiangin, heng bakah hian Serchhip Sub-Hqrs. YMA hnuaia Group pathum te a\angin item nei tur sawm nise an ti a. Serchhip Officers Club te pawh item pakhat rawn buatsaih tura sawmin, MUP Sub-Hqrs. Serchhip leh MHIP aiawh te pawh item nei turin an beisei bawk a, kumdanga Chapchar Kut Miss thlanna neih \hin pawh kumin hian neih leh tum nise an ti a. Hun hmasa lamah Mizo Hnam Lam leh zai te entir bakah chawhnu lamah zaithiam rualte sawmin Concert te pawh buatsaih tum nise an ti a ni.

Popular News

Mizoram-ah Faina Hapta hman \an leh a ni

Retailer bukna diklo 3 man