SCRET buatsaihin Serchhip-ah Meeting on Adolescence Education Programme hman a ni

State Council of Education Reasearch & Training (SCERT) hnuaia Population Education Cell buatsaihin nimin khan Serchhip DIET-ah Tleirawl leh rawlthar te nun kal chho zel atan a inzirtirna, 'Tentative Programme on Adolescence Education for Interactive Meeting Leaders of Church Youth Fellowship' chu neih a ni.
SCERT Aizawl-a Population Cell bultuma tunlai khawvela tleirawl ten an nun-a harsatna leh rilru hahna te, chona chi hrang hrang an tawhte thiam tak leh dik taka an lo hmachhawn theihna tura hrilh theitu turte hnenah inrawntawnna hun, 'Meeting on Adolescence Education Programme' ah hian Lalthanfala, Project Co-ordinator, SCERT Aizawl in kalkhawmte lawmna thu a sawi a. Chawhma lamah Vanlalruati, Lecturer SCERT in Serchhip khawpui chhunga Kohhran hrang hranga tleirawl leh \halai hruaitute leh Sunday School Zirtirtu kalkhawmte chu tleirawl leh rawlthar te nunphung leh an rilru puthmang leh sukthlek dan chi hrang hrangte bakah tleirawl leh rawlthar huna enkawl dan tur dikte a zirtir a ni.
Chawhnu lamah Zozikpuii, Lecturer, SCERT in rilru hriselna (Mental Health) chungchangah zirtirna pe lehin tleirawl ten an nun a harsatna, lungngaihna, manganna leh thil chi hrang hrang lo thleng \hina an rilru put dan tur dik chungchangte, an taksa leh rilru a danglamna lo thleng te thiam tak leh dik taka an lo hmachhawn theihna tura enkawl leh zirtirna pek dan turte sawiin, heng tleirawl leh rawlthar te inzirtirna hun leh hmun atan a \ha ber chu Kohhran hrang hrangten Sunday School zirna In leh Tleirawl chawhnu inkhawm na te hi anih thu a sawi a, sawihona hun hlawk tak an hmang ho bawk a ni.
Nimin a tleirawlte nun kaihhruaina tura inzirtirna hun hman ah hian Serchhip khawpui chhunga Kohhran hrang hrang 14- Mizoram Presbyterian Church, Baptist Church of Mizoram, Salvation Army, United Penticostal Church, Roman Catholic leh Kohhran dangte a\angin \halai hruaitute leh Sunday School zirtirtu 90 chuang an tel a ni. Population Cell, SCERT Aizawl te hian hetiang kawnga inzirtirna hi Aizawl khawpui chhung hmun hrang hrang bakah kumin Feb. 7 khan Kolasib-ah an lo buatsaih tawh a, nimin khan Serchhip District-ah neih leh niin, sorkar kumthar a\ang khian Mizoram District hrang hrangah neih chhunzawm zel tura ruahman a ni bawk.

Popular News

Mizoram-ah Faina Hapta hman \an leh a ni

Retailer bukna diklo 3 man

MZU-a VC tur ruat thar a ni