Mizoram Chief Minister leh CIJW School hotu inkawmin CIJW School chungchang an sawidun

Counter Insurgency and Jungle Warfare School Vairengte hotupa, Commandant, Maj. Gen. M.S. Ghura chuan nimin khan Chief Minister, Lal Thanhawla chu a chenna In-ah kawmin CIJW chu Indian Army hmun chhuanvawr anih thu a sawi. 
He an inkawmna ah hian Chief Minister chuan CIJWS chu Mizoram Sorkar leh mipui ten hun rei tak a\angin an hmelhriat tawh thu sawiin, rambuai hmain Mizote chu sipaiah kan tam a, Officer pawh \hahnem tak kan nei a, mahse rambuai leh an boruak tawn te avangin \halai te rilru ah sipai laka rilru helna apiang a, mahse remna leh muanna kan neih hnuin \halaite rilru pawh a \ha lamin a inthlak chho a, tunah chuan Mizo \halai sang tam tak chu Indian Army ah awmin, ram tana venhima hna \hahnemngai takin an thawk mek a ni, a ti. Chief Minister leh Maj. Gen Ghura chuan Myanmar rama China hmalak dante sawiin, an luh thuk zel chuan nakinah India tan harsatna an thlen thei thute an sawi dun a. Chief Minister chuan Myanmar nen inlaichin sawhnghet turin Mizoram sorkarin theihtawp a chhuah thu a hrilh bawk.
He hunah hian Gen. Ghura chuan an Sikul, De-addiction Centre leh an damdawi In te chu khawtlang in an hman \angkai thu sawiin, mipui leh CIJW inkara inunauna leh inlaichinna \ha a awm zel nan theihtawp a chhuah tur thu a sawi a. CIJWS hmunhma zauhna atana ram an lak tur chu a fel \ep tawh thu sawiin, he ram hi tihfel anih loh vangin helai hmuna Training Centre changkang tak a sak tur chu a khawtlai a, hun hmasa lamah Assam Sorkar chuan CIJWS atan an duh zat ram an pek theih thu an dawng tawh a, mahse Mizoram hi an chhuahsan loh tur thu a sawi bawk.
Counter Insurgency and Jungle Warfare hi Indian Army hnuaia Category A establishment a ni a, hel leh ramhnuaia ral te dona kawnga inzirtirna hmunpui pawimawh tak a ni a. Kum 2001 a\ang khan khawvel ram hrang hrang sipai te tan he School ah an training theihna tur ruahman a ni a, United States, United Kingdom, Russia, France, Israel, Africa ram \henkhatte leh ramdang bakah ram \henawm Nepal, Bangladesh leh Bhutan pawhin an sipaite helai hmunah training turin an tir tawh a ni; ram 41 sipai te hian CIJWS ah an training tawh a, tunah hian Egypt leh Afghanistan sipai te training an nei mek a ni. CIJWS hi kum 1967 khan Meghalaya-a Jaintia Hills-a Mynkre khuaah bul\an niin khatih hunlaia Eastern Army Command-a General Officer Commanding-in-Chief (GOC-IN-C) leh a hnua Field Marshal hmasa ber ni ta, Gen. Sam Manekshaw ngaihtuah chhuah a ni. Kum 1970 khan Vairengte-ah suan choh niin hetah hian an inbengbel ta a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai