‘LE&IT Minister leh MYC Chairman te hi Party hotute nawr vanga bang an ni lo’ - R. Lalzirliana

MPCC Vice President, R. Lalzirliana chuan tunhnaia LE&IT Minister, Lalrinmawia Ralte leh MYC Chairman, T. Sangkunga ten banna an thehlut chu an party hotute nawrna vang ni lovin, an chhia leh \ha hriatna vang liau liaua ti an nih thu a sawi a. Heng mi pahnih te hian nimin khan an banna chungchang hi an sawifiah bawk.

Mizoram Pradesh Congress Committee in nimin a Aizawl Congress Bhavan Golden Hall-a Political Session an neih ah MPCC Vice President leh Home Minister ni bawk, R. Lalzirliana chuan thu sawiin LE&IT Minister, Lalrinmawia Ralte leh MYC Chairman, T. Sangkunga te chuan an dinhmun pawimawh zia an hria tih a sawi a, an nihna ni miah lovah pawh Party-in a chhiat puih theih dawn avanga inthiarfihlim nachang hria, Minister, MLA leh Board Chairman an awm \hin chu National Party an nihna tichiangtu leh ram hmangaihtu diktak an nihzia lantirtu nia sawiin, Sorkar hmasa hun laiin Dr. Thansanga chu a zin hlana HSLC Question paper leakout vangin a nihna a lo bansan tawh a, Ministry kal mekah pawh Lal Thanzara'n a nihna a lo bansan tawh nia sawiin, Lalrinmawia Ralte leh T. Sangkunga'n banna an thehlut chu puh an nihnaah chhuichian an nih theihna tur a nih avangin he thil hi vawn \hat a, hun lo kal zel turah sorkar thar a lo piang a nih pawhin an thil tihah chiang taka mipuiin an puhnaah ban nachang an hre ve em tih chu an zawhlet theih nan he thil hi dah\hat tur a ni tih chu a ngaihdan a nih thu a sawi.
Home Minister nibawk, R. Lalzirlaina chuan bang tura nawrtute zinga mi hian engnge an tih ve tawh tih chu an inhriatpui em tih a zawt a, MNF sorkar lai khan kuthnathawktu ten an chin duh leh duh loh pawh hre lovin Aieng tam tak an lei a, an chin duh loh avangin a \awih ral ta mai mai nia sawiin, Mawza manto te, Kelpal, Toilet Van, Tuirial Hydel Project leh Health Care Scheme sum chingpen-ah te pawh a mawhphurtu zingah mawhphurhna la ngama bangta sawi tur an awm ve lo niin a sawi a, MNF hun laia an thiltih leh Congress Sorkar chhunga an thil tih chu khaikhin chi pawh a ni lo hrim hrim niin a sawi.
Home Minister, R. Lalzirliana chuan, NI-AS-a zirlai 32 tirh an nih chungchanga Officer 2 an hna a\anga chawlh lailawk tir an ni chu hremna tak tak a la tling lo nia sawiin, he thil hi chiang zawka chhui a nih dawn avangin a chhuituten awlsam zawka an chhui theih nan an hna a\anga chawlh lailawk tir mai an ni a, a mawhphurtute chu sorkar-in an chungah hremna a la lek chho zel dawn niin a sawi bawk.
He hunah hian LE&IT Minister a\anga bang ta, Lalrinmawia Ralte leh MYC Chairman, T. Sangkunga te chuan an ban chhan an sawi a, Minister of State, Lalrinmawia Ralte chuan banna a thehluh chu thawk thut thil tih ni lovin, a chhia leh \ha hriatna hmang liau liau-a ti a nih thu a sawi a. Banna thehluh tur a nih leh nih loh chu tunkar Thawh\anni a\ang khan a lo ngaihtuah tawh nia sawiin, an party hotuten banna thehlut tura an tih vang ni lovin, a chhia leh \ha hriatna hmanga thilti a nih thu a sawi a. Hetiang dinhmuna dahtu Pathian leh an Party hotute chungah thinlung takin a lawm tih sawiin, tunhnaia buaina leh harsatna an tawh chungchanga a thlavang hauh a, thlawp tlattu Congress Party chungah pawh lawmthu a sawi bawk. 
He hunah hian MYC Chairman a\anga bang ta, T. Sangkunga pawhin Political Training nei lo chunga Pathian leh an hotute duhsaknaa hetiang dinhmun a thleng thei chu lawmawm a tih thu sawiin, tuna harsatna an tawh mek chu amah leh an chhungkaw tan pawh Political Trai-ning \ha tak nia a hriat thu a sawi a. He thil thleng hi an hmalam hunah fimkhurna atan a tha dawn hle niin a sawi bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai