Latest News

LE&IT Minister leh MYC Chairman te banna pawm a ni

NIAS-a zirlai buaina chungchang chhuichian a nih theihna tura LE&IT changtu Minister, Lal-rinmawia Ralte-in Chief Minister hnena a banna thehluh chu Chief Minister chuan pawm a nih thu nimin khan thuthar lakhawmtute a hrilh a. Hemi hmalam hian Mizoram Youth Commission Chair-man, T. Sangkunga banna chu pawm a ni tawh bawk a ni.
Minister of State, Lalrinmawia Ralte hian NIAS-a thil thleng avanga buaina chu zalen tak a chhui a nih theih nan a banna thehlut a nih thu a lo sawi tawh a, Minister te hna chawlhsan tak te hi dan angin Chief Minister hian a lo hmui rih dawn a ni.
Chief Minister chuan thuthar lakhawmtute zawhna chhang in Labour Welfare Board chu chhui-chian a nih tur thu a sawi a, Kolkata Join Residence Commissioner chu NIAS lo va thlithlaia thil awmdan lo chhui chiang tura a tirh thu a sawi a ni. Hetihlai hian NIAS lam pawhin Mizoram sorkar in pawisa engemaw zat an lo pek tawh pawh hetianga a buai tak si ah chuan Install-ment-a peklet leh an lo tum thu leh, tun dinhmun ah NIAS-ah hian Mizo Hmeichhe Zirlai pahnih an la awm mek thu Chief Minister chuan a sawi.

Comments

Popular News (Last 30 Days)