Kumin ah Tuirial Hedel Project hawn hman beisei a ni

Tuirial Hydro Electric Power Project chu kumin kum laihawl velah siam zawh a, kumtawp hmaa hawn hman beisei a ni.
Tuirial HEP hi Ai-zawl West-III Congress Mahila Block huaihawtin an huamchhunga Unit hrang hrang hruaitute leh thuthar thehdarhtu \henkhatin niminpiah khan an tlawh a, a siamtu NEEPCO Ltd. hotuten an hmalak tawh chin lo hrilhfiahin, lui tui khuahna tur siam mek chu thla reilote hnuah zawh theih beisei a nih thu an sawi. NEEPCO hotute sawi danin, Tuirial HEP-ah hian Power House-ah Turbine pahnih, kawlphetha Megawatt 30 ve ve pechhuak thei bun tur a ni a, nikum October thla khan siam zawh tum ni mah se, hnathawktute sawi danin kawng chhia leh lung lâk tur van vangin huntiam chhunga zawh hman a ni ta lo a ni.
Cheng Vbc. 913.63 senna tur Tuirial HEP hi zawh a nih hun chuan kawlphetha Megawatt 60 pechhuak thei tur a ni. Kawlphetha a siamchhuah zinga megawatt 12 chu Mizoramin a thlawnin a nei anga, a bak zawng chu NEEPCO kutah a awm thung dawn a, Mizoram sorkar-in a duh a nih chuan Unit khat cheng 4.25 velin a lei thei dawn a ni. Tuirial HEP hi kum 1998 khan thawh \an a ni a, zangnadawmna leh thildangah buaina neuh neuh a awm avangin kum 2004-ah hluihlawn a ni a, kum 2011 tìr lamah khan tharthawh leh a ni.

Popular News

Mizoram-ah Faina Hapta hman \an leh a ni

Retailer bukna diklo 3 man