Khawlai-a inthiar awmlohna District-a puang turin Serchhip District-ah chak taka hmalak mek zel a ni

Serchhip District chu khawlai-a inthiar awmlohna, Open Defecation Free (ODF) District-a puang turin hmalak mek zel a ni a, District chhunga chhungkaw 1346 te tan Sanitized Latrine sakna tur dil mek niin he sum hi tihfel a nih chuan Serchhip District chu khawlai-a inthiar awmlohna, Open Defecation Free (ODF) District-ah puan theih a ni ang.

Tunhnaia Serchhip District Development Co-ordination and Monitoring Committee (DDCMC), DISHA \hutkhawm, Serchhip DC’s Conference Hall-a neih ah he thu hi tarlan a ni a. He hunah hian PHE Department leh UD&PA Department in Serchhip District chu khawlai-a inthiar awmlohna District, Open Defecation Free District-a puang tura hma an lak dan thlirho niin Swachh Bharat Mission hnuaia PHE Department in thingtlang khua zawng zawngte vantlang hmun, khawlai-a inthiar an awmlohna tura hma an lak dan leh UD&PA Department in khawpui, Cencus Town pathum-a hma an lak dan te tarlan a ni a. Serchhip District chhunga chhungkaw tin te chu vantlang hmuna inthiar lo leh mahni-a Ek In nei vek tura hmalakna chak taka kalpui a nih hnuah sorkar laipui in he ruahmanna kaihhruaina chu thlak lehin Individual Household Latrine (IHHL) zawng zawngte Sanitised Latrine vek tura tih a nih leh tak si avangin hemi hi bawhzui leh a ni a. Sanitised Latrine ni tur hian Zopa Ek In, Pit Latrine te chu chhiar tel theih ni lovin inthiarna te chu a khur a\anga rim chhuak theilo leh ran pawhin a khur an khawih theihloh tur a nih bakah inthiarna ah hian sahbawn nena Kut silna awm ngei tur a ni a. Hetiang la nei phaklo hi khaw \henkhat ah an la awm avangin ODF-ah hian puan theih ala ni lo a ni.
Tunah hian District chhunga Individual Household Latrine (IHHL) hmang mek te inthiarna chu Sanitised Latrine-a thlak leh vek tura hmalak mek niin heng chhungkaw 1346 te tan hian sum dil mek a ni a, Ek In pakhat siamna atan hian Rs. 12,000 zel niin a vaia sum mamawh tur hi Rs. 161,52,000 vel a ni a, he sum hi tihfel a nih veleh Serchhip District chu Open Defecation Free District–a puan mai theih a ni dawn tih he hunah hian tarlan a ni bawk.
Serchhip District chhunga chhungkua zawng zawng ten inthiarna mumal an neih theih nan hian nasa taka hmalak a lo ni tawh a, tunah hian District chhunga thingtlang khaw \henkhat te chu ODF atan hian puan mai theih an ni tawh bawk a, hemi atan hian Rural Development Department lam pawhin nasa taka hma lain Ek In \hahnem tak sak a lo ni tawh bawk a, PHE Department in Total Sanitation Campaign an kalpui \hin a\angin Ek In engemaw zat an sak tawh bakah zirna In hrang hrangah te pawh sak a ni tawh bawk a ni.
PHE Department hian mipuite tana Tui in tur pekna hna pawh National Rural Drinking Water Programme hnuaiah kalpui mekin Serchhip District-a Khawlailung leh Khawbel Tuilak hna an thawk a, Khawbel khaw chawmna atana Tui lak hna hi zawhfel tawh niin Khawlailung khaw tana tui lak hna pawh hi chak taka thawh mek a ni a, Project dang pawh thehluh leh niin approval nghah mek a nih thu DISHA \hutkhawm ah hian tarlan a ni bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai