Kangmei laka him theihna turin Magistrate in thupek chhuah

Serchhip District Magistrate, Dr. Lalrozama, IAS chuan kangmei laka mipuite kan him theihna turin thupek a tichhuak.
Hemi chungchang a thuchhuah a siamah District Magistrate chuan, “Kumtina sik leh sa inthlak dan angin tunlai hi |hal lai niin khua a lo ro \an ta hle mai. In lam leh ram lamah kangmei a chhuak duh em em a. Kan eizawnna avangin Lo kan vat lo thei lova, kan Lo hal avang leh In lama kan fimkhur tawk loh avangin kumtin in ramngaw zau tham tak mai a kang chhe \hin a, tin, kan In leh bungrua hlu tak tak a kang ral \hin bawk,” a ti a. Ram kang leh In kangte hi a tam ber chu fimkhur tawkloh vang leh kan inthlahdah vang a nih thu tarlangin, Kang-mei laka kan In leh bungrua leh nungchate kan him tlan nan khapna thupek tichhuah a nih thu a tarlang a.
Hemi ang hian mi tumahin meilam \ha tawk sial hmasa lo chuan lo/huan leh leipui hal tur a nih loh thu te; Mi tumahin mihring nunna leh bungrua/ro thil tana hlauhthawnawm chi reng rengin kangmei an tichhuak tur a nih loh thu te; Mi tumahin eirawngbawlna leh ran chaw chhumna leh intih-lumna atana hman- Thuk, meihawl, khawnvartui, Gas, Electrict thuk leh a dangte kangmei duh-awmlo tichhuak thei zawngin an chelek/hmang tur a nih loh thu leh mi tumahin ramhnuaia an meichhem ti mit lovin an kalsan tur a ni lo tih te a tarlang a. He thupek zawmlo te chu Section 188 IPC hmanga hrem theih an nih tur thu a tarlang bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai