Hrangturzo Bialtu MLA in Tuichang Lei siam\hat tlawh

Hrangturzo bialtu MLA, Vanlalawmpuii Chawngthu chuan niminpiah khan Kei\um leh Khawlailung inkara Tuichang Lei siam\hat hna thawh mek chu a enfiah.
Tuichangral tlangdung mite chak lakna ber Serchhip District chhung Kei\um leh Khawlailung khaw inkar a Tuichang Lei siam\hat hna thawh mek bialtu MLA in a enfiahna ah hian bialtu MLA hi PWD Serchhip Division-a EE chuan \awiawmin hnathawh zel dan turte an sawiho bawk. He hunah hian bialtu MLA hian hnathawktute chu \ha tak leh rinawm taka hna thawk turin a chah a ni. Serchhip District chhung Kei\um a\anga khawchhak lam panna Tuichang Lui-a motor-a kal kaina Lei hi nikum Sept. ni 25 khan PWD SE (Eastern Circle) pawhin alo tlawh tawh a, he Lei hi a upat tawh avangin quintal 100 aia rit phur tan zawh phal a ni lova, Truck ke nei tam chi phei chu a thilphurh unload lovin an kalkaitir ngai tawhlo bawk.

Tuichang Lei hi kum 1982 a dawh niin kum 33-a upa  a ni tawh a, tun dinhmunah chhe lutuk ni lo mahse dimdawih a ngai tawh hle a. Lei dawhna thir kilhna te chu \ha taka char vek a nih avangin Lei dang angin a thir chu ruk a ni ve ngai lo tih Lei vengtu chuan sawiin, Lei hi nitin lirthei 70 chuangin an zawh \hin niin sawi a. Tun hma deuh khan Tuichang Lei hi a thar dawh turin hna bul \an a nih hnuah engemaw rokhawlhna avangin chawlhsan a ni leh tawh bawk a ni.