Horticulture Department buatsaihin Serchhip-ah District Level Horticulture Crop Exhibition neih a ni.

Serchhip District Level Horticulture Crop Exhibition chu nimin khan Serchhip Town Hall-ah neih \an a ni a, Horticulture Department Director, R. Zotawna chuan he Exhibition hi hawngin he huna thlai leh pangpar phochhuah te chu Vawiin chawhnu lam thleng hian a duh apiangte tan tlawh theih turin phochhuah a ni ang.

Serchhip-a Horticulture Department in Mission for Integrated Development of Horticulture (MIDH) sum hmanga an buatsaih he Exhibition hawngtu, R. Zotawna chuan Horticulture Department changtu Minister hova Meeting an neih ah Central a\anga sum an hmuh hmangin District tina Horticulture Crop Exhibition neih hi an rel thu leh hemi tih hlawhtlin a ni leh kuthnathawktute thawhrah a taka hmuh tur a awm chu lawmawm a tih thu a sawi a. Horticulture Crop Exhibition hi tunhma lam a\anga lo buatsaih a nih tawh thu pawh sawiin, hnathawktu ten an thil neih leh an thiamna an phochhuahna hun anih bakah, an la neihloh, midangte hnen a\anga an hmuh theihna hun leh an inzirna hun pawimawh tak a nih thu a sawi a, lawmman lak ngawr ngawr chu Exhibition hlawhtlinna a nih loh thu a sawi bawk. Hroticulture Department Director chuan Serchhip khua chu ‘Rice Bowl of Mizoram’ leh ‘Vegetable Bowl of Mizoram’ tih ngam a nih thu sawiin, tuna buh leh thlai chi hrang hrang chin mek bakah Purunsen pawh uar zawka chin tum a nih thu a sawi a, kuthnatawktu ten tam zawk an tharchhuah theih nan sorkar chuan a theihna ang angah puih zel a inhuam thu leh vawilehkhat a tih vek theih a nih loh avangin a tahtawla hmalak zel a nih thu a sawi a, rinawm leh taima taka mahni hna \heuh thawk turin he huna kalkhawm kuthnathawktute chu a chah bawk.
Serchhip Division Horticulture Officer, Zosiamliani kaihhruai he hunah hian Horticulture Department Joint Director, Lalliankima pawhin Serchhip District-ah Mizoram chhim leh hmar, chhak leh thlang a thlai chi hrang hrangte hmuh tur a awm thu sawiin, ‘Mizoram-ah a aia \ha a awm lo ang’ tih mai tur khawpa \ha pawh hmuh tur tam tak a awm thu a sawi a, hetianga kuthna-thawktute thawhrimna rah hmuh tur a awm chu lawmawm a tih thu a sawi bawk.
Nimin a \an tak he Exhibition-ah hian Pangpar chi hrang hrang 248 leh chawhmeh chi thlai chi hrang 68 leh Thei lam chi 46, a vaiin item chi 362 phochhuah a ni a, heng thil te hi mi hrang 109 te phochhuah niin he Exhibition hawnna neih zawh a nih a\ang hian mipuite tan tlawh theih tura hawn nghal a ni a, item hrang hrangah hian a ti\ha thlanchhuah tur niin lawmman pakhatna in Rs. 1000, pahnihna in Rs. 700 leh pathumna in Rs. 500 an dawng anga, Consolation Prize pawh Rs. 400 zel pek an ni bawk ang. He Exhi-bition hi Vawiin chawhnu dar 1:00-ah a kharna leh lawmman semna hun hman a ni ang.

Popular News

Mizoram-ah Faina Hapta hman \an leh a ni

Retailer bukna diklo 3 man