Essay inziahsiakna a ti\hate hnenah lawmman hlan a ni

Nimin khan Serchhip District Court Conference Hall-ah College leh School zirlai naupang te tana inelna, State Level Essay Writing Com-petition-a ti \hate hnenah lawmman hlanna Serchhip District Legal Service Authority buatsaihin neih a ni.
Essay inziahsiak lawmman hlanna inkhawm hi Lalngaihmawia Zote, MJS, Secretary, Serchhip District Legal Services Authority in a kaihhruai a, khuallian nia he hun hmanpuitu, VL. Remliana MCS, Project Director, DRDA Serchhip chuan zirlai naupang kalkhawmte chu zirna ah taima taka beitute tan hlawhtlinna a awm thu leh mihringte chu a \ha zawnga inthlak danglam chho zel tur kan nih thu a sawi a, he Essay Com-petition buatsaih anih chhan ber chu khawtlang tana mi\ha chherchhuah nan a ni, a ti bawk.
State Level Essay Writing Competition ah hian College Level-ah 'If you could start a charity' tih thupui hmangin Ruthi Lalnunsangi Govt. Serchhip College chuan lawmman pakhatna la in, High School Level-ah 'Who are your most influential people and why' tih thupui ah hmangin Cynthia Zomuanpuii, Marian High School Serchhip in lawmman pakhatna a la a. Middle School Level-ah 'The type of the person you want to be' tih thupui ah hmangin R. Lalchhantluanga, Little Flower Convent School, Serchhip chuan lawmman pakhatna la in, heng lawmman pakhatna latute hian Certificate leh pawisa fai Rs.10,000/- \heuh an dawng a, Primary Level ah 'The things that your parents special' tih thupui ah hmangin CV. Lalrinmawia, Chawngbuangi Memeorial School Serchhip in lawmman pahnihna a la in Certificate leh pawi-safai Rs.7000/- a dawng bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai