District Level Standing Committee on EMRS in School mamawh leh hmasawnna tur an thlirho

Nimin khan District Level Standing Committee on Eklavya Model Residential School chu an Chairman, Dr. Lalrozama, IAS hovin an \hukhawm a, he School mamawh leh hmasawnna tur hrang hrang an sawiho.

He Meeting Bawrhsap Pisa-a neih hi Bawrhsap, Dr. Lalrozama chuan kaihruaiin thingtlang mi harsa zawk ten a thlawna zirna \ha an dawn theihna tura sorkar laipui ruahmanna a kalpui, EMRS chu a chhawrtu tur ten ruahmanna anga hlawk taka an chhawr theih nana \hahnem ngai taka kalpui turin a chah a ni. He hunah hian he School Principal leh District Level Standing Committee-a Member Secretary, Mona M. Sahi chuan an School dinhmun tlangpui leh harsatna an neih te sawiin, he Meeting-a ngaihtuah tura thu chhawpchhuah te a tarlang bawk.

He Meeting-ah hian Serchhip Kawlri tlang-a Eklavya Model Residential School inrelbawlna atana sum mamawh leh thawktu te hlawh-a harsatna awm bakah Gate leh School ram hungna tura sum mamawh chungchang bakah a panna kawng leh School Uniform leh zirlaibu-a harsatna chungchang te tarlan niin heng harsatna hi Central a\anga sum hmuh a nih loh avanga lo thleng a nih thu leh hei hi Secretary inthlak avanga awm a nih thu tarlan a ni a, he harsatna hi chinfel a nih theih nan a theih anga hmalak dan turte pawh sawiho a ni a. He School-a lut te tana tui harsatna awm \hin sutkian a nih theih nan District Level Standing Committee on EMRS in PHE Department-ah hma lo la se, School Playground laih mek pawh tun aia zau awka laih a nih theih nan hmalak nise an ti bawk.

Serchhip Kawlri tlang-a Eklavya Model Residential School-ah hian tun dinhmun ah Class VI a\anga Class-IX thleng zirna awmin zirlai 103 an awm mek a, thawktu Principal 1 bakah Zirtirtu 7, Warden 2, Cook 2, Peon 2, Chowkidar 1 leh UDC 1 awmin Session thar a\angin Class-X hawn thar tum a ni bawk. Nimin a DLSC on EMRS \hutkhawm ah hian an Chairman, District Bawrhsap, Dr. Lalrozama bakah Member Secretary leh School Principal ni bawk, Mona M. Sahi leh DEO, CDPO aiawh leh YMA aiawhte an tel a, Social Welfare Department a\angin Deputy Director, Aileen Vanlalzawni chuan a rawn telpui bawk a ni.