DAY-NULM Serchhip District Executive Committee in Serchhip District chhunga hmalakna tur an thlirho

Nimin khan Serchhip District Bawrhsap Pisa-ah Deendayal Antyodaya Yojana-National Urban Livelihoods Mission (DAY-NULM), Serchhip District Executive Committee chu \hukhawmin Serchhip District chhunga hmalak dan tur hrang hrang an rel.

He \hutkhawm DAY-NULM Serchhip District Executive Committee Chairman, Dr. Lalrozama, IAS kaihhruai a neih ah hian Bawrhsap chuan sorkar in khua leh tui te a ngaihsak em em tih sawiin, kawng hrang hrangin miharsa leh chenna In neilote khaichhuah tumin a bei reng a ni, a ti a. “Tunah pawh khawpuia mi harsate dapchhuah a, thiamna leh theihna neih tira mahnia ding thei tura tuamhlawm te, chenna In neilote pawh chenna In an neih theih nana ruahmanna siam sakte a tum mek a. Serchhip District ah pawh chutiang hmalakna chu DAY-NULM hmangin kalpui mek a ni,” a ti. He hmalakna hi State Level Executive Committee chuan Mizoram-a khua (Town) 7 ah hma thar a la leh dawn a, chung zingah chuan Serchhip District chhung ami Thenzawl pawh rawn telh a nih thu sawiin, a mamawh dik takte dapchhuaha, \angkai taka he ruahmanna kalpui ngei a nih theih nan theihtawp chhuah a pawimawh thu member kalkhawmte hmaah a tarlang a ni.
Serchhip District Executive Committee \hukhawm hian State Level in Thenzawl-a hmalak thar a tumna chu lawmawm an tih thu sawiin, a \ha thei ang bera hnathawh zui a nih theih nan District Level-ah theihtawpa bawhzui nise tiin a rel a. Hengte bakah hian Urban Homeless Survey a rang lama neih dan tur te, Thenzawl-a Bene-ficiary Survey leh training kalpui thuai a nih theih dan turte pawh sawihoin, heng hmalak bul \anna kawng hrang hrangah hian a \ul anga tlawmngai pawl te pawh thawhpui ah sawm nise an ti a ni.
Heng bakah hian hmalak mekna hrang hrang, Shalom Special School tana ruahmanna siam te, Serchhip IOC Veng, Quarry Road-a Urban Homeless Shelter sakna tura ruahmanna kal mek te, Street Vending hote \anpuina tur ruahmanna te leh hmalakna kal mek dangte an thlirho bawk.
He hunah hian DAY-NULM City Manager leh District Executive Committee Secretary ni bawk, Grace Lalrinfeli leh Member te an tel a ni.

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn