Latest News

‘Commercial Silkworm Rearing and Disease, Pest Management’ training Serchhip-ah neih a ni

State Agricultural Management & Extension Training Institute (SAMETI), Mizoram buatsaihin nimin khan Agriculture Conference Hall, Serchhip-ah ni 2 awh tur ‘Commercial Silkworm Rearing and Disease, Pest Management’ tih thupui hmanga training chu neih \an a ni.
He training hi District Bawrhsap leh ATMA Serchhip District Governing Board Chairman ni bawk, Dr. Lalrozama, IAS chuan hawngin mithiamten kan tualchhung ngeia min rawn kalchilha, zirtirna min rawn pe thei chu lawmawm a tih thu sawiin, training hi phur thut thila buatsaih mai theih thil a ni lo tih hre chungin chhawr \angkai ngei turin kalkhawmte chu a ngen a, midangte pawh la zirtir chhawng thei tura an thil zir te ngai pawimawh turin a chah bawk. Bawrhsap chuan Agriculture Department leh a kaihhnawih Department dangte hmalakna chu nitina kan mamawh leh kan fairelbel nena inzawm tlat thil a ni tih sawiin, a pawimawhna leh a \ulna kan hriat a, kan hlut zual deuh deuh pawh a \ul a ni, a ti bawk.
District Sericulture Officer, V. Zothansanga kaihhruai he hunah hian RK. Nithanga, Director, SAMETI pawhin SAMETI kalphung a sawifiah a. He Training hi an Campus pawn lama Training an buatsaih \umkhatna a nih thu leh Agriculture leh a kaihhnawih Department dangte hi a hrangin hna thawk \hin mah se, loneitute tana thawk tlang vek an nih thu a sawi a, loneituten hlawk zawka an hnathawh rah an seng chu an duh ber vek a nih thu a sawi bawk.
He Training-ah hian Sericulture Department a thawktute leh Serchhip leh Chhiahtlang-a Silk Pangang khawitu mi \hahnem tak an tel a. Dr. Lalthlamuana, Scientist ‘C’ Central Silkboard, C. Laldinpuii, Deputy Project Director/Faculty, SAMETI leh S. Lalrintluangi, Sericulture Extension Officer Serchhip ten thupui \hen hrang hrangah zirtirna an pe a. Naktuk ah Chhingchhip-a Sericulture Department hmalakna hmun an tlawh leh ang a, Silk Pangang enkawl dante a taka entir chungin an in zirtir leh ang. 

Comments

Popular News (Last 30 Days)