Bru hruaikir tura ruahmanna ti puitling rihlo turin hriattir

Tripura Bru Relief Camp 6-a Mizoram Bru awm te lakkir dan tur ruahman chu Supreme Court in tihpuitlin rihlohna tur thupek a chhuah.
Hemi chungchanga Supreme Court thuchhuak hi Mizo-ram Bru Displaced People Forum Ukil, Choudhari Ali Zia Kabir chuan niminpiah khan Delhi Mizoram House-a Resident Commis-sioner a hriattir a, hei hi Resident Commissioner chuan Mizoram Chief Secretary leh Home Sec-retary a rawn thawn chhawng leh a ni. MBDPF te rawih, Supreme Court Advocate chuan Bru Relief Camp-a awmten an awm anga awm zui rih an phutna chungchanga Supreme Court-a thu an thehluh chu ngaihtuah fel hma chuan bawhzui rih lo turin a ti niin a sawi.
MBDPF hruaitute chuan he hriattirna hi an dawn tawh thu sawiin. Tripura-a Bru Relief Camp 7-a awm chhungkaw hrang hrang 6,688-a chhungkaw pa ber ten Supreme Court-a an thu thehluhah chuan hming an ziak tih te an sawi a, an thilphut tih hlawhtlin a la nih loh avangin an tih theih awm chhun Supreme Court-ah an zualko ta niin an sawi bawk.
Tripura-a Bru ten laklet an nih hun atana an thilphut zingah hian Mizoram-a an awmna hmun tura khaw thar dinsak, chhungkaw tin eizawnna atan ram hectare 5 \heuha zau pek, Tripura a\anga Mizoram-a an lo kirna hmun tura an chenna In tur sak lawk, Electoral Roll-a thun vek, sorkar hnathawk thei chin an phu tawk ang sorkar hna pek vek, Relief Camp-a awm chhung tin thla tin Rs. 5,000/- pek, Mizorama lokir chhung tin cheng nuai 15 \heuh pek leh thildang eng emaw zat a tel a, an thilphut chungchangah hian Union Home  Ministry-a Special Secretary chuan awm ze neia ngaihtuahna hmang turin Mizoram Bru Dis-placed People Forum (MBDPF) hruaitute chu a hrilh a ni.

Popular News

MZI ten thisen an pe

Serchhip-a dah tur Gas ti chingpen man a ni

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn