Aizawl-a Labour & Employment Directorate-ah Bomb ni ngeia hriat tihpuah a ni

Zirtawpni zan dar 9:00 pelh hret khan Aizawl Upper Republic-a Labour & Employment Directorate ah mi tu tih hriatloh ten geletine nia hriat Bomb an tipuak a, Office bang leh darthlalang engemaw zat a chhia a, he thil thleng chungchang hi Police ten chhui mekin a ti tu nia rinhlelh man erawh an awm hriat ala nilo thung.

Zirtawpni dar 9:10 bawr vela Aizawl Republic-a Labour & Employment Directorate, Labour Commissioner Office bula bomb ni ngeia rin ring taka puak hian Office building chhawng chung lam kawngpui zawl leh a hnuai chiaha Establisment Room bang tile 16 a tichhia a, tukverh 47 a tihchhiat bakah Office building \henawma Vanhlira In-a tukverh 2 leh Ventilation 4 a tichhia a. Vanneihthlak takin mihring thi leh hliam an awm lo. Bomb puahna hmunah hian rang takin Police Officer te bakah DGP, Thianghlima Pachuau, IPS leh SP Aizawl, Lalhuliana Fanai te an thleng a. Home Minister, R.Lalzirliana, LE&IT Minister, Lalrinmawia Ralte, DC Aizawl, Director LE&IT leh Department Officer te an thleng nghal bawk. Labour Commissioner & Director Employment Office bula thil puak hi Geletine niin rin a ni a, tlawn khat aia tam telkhawm a nih an rin thu kan thudawnna chuan a sawi a, he thil puak hian thil te nau Office bungrua, computer leh bungraw \henkhat te a ti chhia a. Thil pawimawh lian tham lutuk chhia a awm lo niin kan thudawnna chuan a tarlang bawk.
He thil thleng chungchangah hian Ai-zawl Police Station-ah thubuai ziahluh nghal a ni a, chanchin buatsaih lai thleng hi chuan a ti tu awm ang man an la awm lo a. Foresic Science Lab. a thawktu ten uluk takin thil puak them leh bung-raw chhia te uluk takin a hmunah an endik bawk.
Thu kan dawn danin Office hi Zirtawpni tlai khan LE&IT Director in a chhuahsan hnu-hnung ber a, Chowkider in Office a khar fel vek tawh hnu zan lam dar 9:10 bawrvel khan bomb ni ngei a rin hi a puak a. Office bul hnaia cheng te chuan he thil puak ri hi a ring hle niin an sawi a, hmun hrang hrang a\angin a ri hi hriat a ni a. Venthawn thil thuah hemi zan hian Office chhung ah hian tumah luh phal a ni lova, Inrinni chhun khan he Office a hnathawk te chuan bungraw seng-hawi leh tih tur \uldang te tiin an hnatlang a ni.
PRISM chuan Inrinni khan thuchhuah siamin Aizawl Upper Republic-a LE&IT Directorate Building, Bomb hmanga beih a ni chu an dem thu sawiin, he thila mawhphurtute chu zawng chhuaka an phu tawk hremna pek an phut tih a sawi a. Ram hruaituten Mizoram chu State ralmuang bera an chhal ngam khawpin a ralmuang a, mipui tithlabar khawp bomb puak leh ralthuam dang chelek pawh hriat tur avang hle a. Hetih rual hian bomb puak a awm changa tipuaktute man leh dan hmanga hrem an nih thu hriattur a awm ngai meuh lo nia sawiin, Zirtawpni zan-a LE&IT Directorate Building, Bomb hmanga bei a, sorkar building tihchhiat a ni leh mipui tam tak thlabara siam a ni chu an dem takzet tih sawiin, tun hnuah hetiang thil duhawm lo hi thleng nawn tawh lo se an duh niin an sawi.

Popular News

Mizoram-ah Faina Hapta hman \an leh a ni

Retailer bukna diklo 3 man