AH&Vety Deptt. leh Sericulture Deptt. ten hma la mek

Serchhip-a AH&Vety Department chuan kum kalta chhung khan ran chi hrang hrang 17,776 damdawi hmangin an enkawl a. Sericulture Department pawhin Pangang khawitute tan theihtawp chhuahin hma an la mek bawk.

District Bawrhsap, Dr. Lalrozama chuan he thu hi kumin a India Republic Day Serchhip-a hmanna ah sawiin Bawrhsap chuan Serchhip-a AH&Vety Department hian NLUP hnuaia \an an lak bakah ranvulhtute \an nasa takin \an an la a, kum kalta chhung khan ranvulh 17,776 chu damdawi hmanga enkawlin District chhung khaw hrang hrangah Animal Health Camp \um 13 an buatsaih a, AH&Vety Farm a\angin Artui pum 66,315 tharchhuah niin a hralhna sum Rs. 2,34,095 chu sorkar ah an chhunglut a ni. Hei bakah hian AH&Vety Department hian RKVY a\angin Vawkvulh \anpuina chu chhungkaw 6 hnenah Rs. 250,000 zel an pek bakah Ar note 6600 zet an semchhuak bawk a ni.

Bawrhsap sawi danin Sericulture Department pawhin NLUP hnuaia hna an thawh mek bakah Integrated Sericulture Development Project hnuaiah chhungkaw 100 hnenah Pangang khawi \anpuina an pe bawk a, Integrated Muga Silk Development Project hnuaiah pawh chhungkaw 80 chu Muga pangang khawi tura thlan niin RKVY sum a\angin Sericulture Farm hrang hrangte hung hna thawh mek a ni bawk. Sericulture Department hian Serchhip District chhunga Pangang vulhtute Cocoon tharchhuah pawh lei sak mekin kum 2016 chhung khan Cocoon Kg. 1925.9 zet  sorkar rate siamsa angin an lei sak a ni.