NSAP hnuaia \anpuina dawng tur thlanna neih a ni


Nimin (Jan. 27, 2017) khan Serchhip District Level Committee on National Social Assistant Programme (NSAP) te chu an Chairman Dr. Lalrozama, IAS, Serchhip Bawrhsap ni bawk hovin an \hukhawm a, Serchhip District chhunga National Family Benefits Scheme dawng thei turte an ngaihtuah.
Serchhip District Level Committee on National Social Assistant Programme (NSAP) \hutkhawm ah hian Chairman, Dr. Lalrozama chuan, Natio-nal Family Benefits Scheme chu chhungkuaa eizawngtu berte an boral avanga chhungkaw baihvai te \anpuina tura sorkar laipui siam a nih thu leh, District tinte chuan kum khata he \anpuina dawng thei tur zat bituk, Census 2011 a District chhunga mihring awmzat a\anga chhutchhuah a awm thu a sawi a. Kumin atana Serchhip District in a pek theih zat chu mi 12 te hnenah a nih thu a tarlang bawk.

He \hutkhawm hi Tuikum bialtu MLA, Er. Lalrinawma pawhin rawn hmanpuiin National Family Benefits Scheme chu chhung-kaw eizawngtu ber boral avanga a kalsan chhungkaw baihvai mangang te tuamhlawmna programme a nih thu leh a hlut thu a sawi a. District chhunga a diltu, dawng awm tak takte ngeiin an dawn chu a pawimkawh thu a sawi bawk.
Kum 2016-17 chhunga Family Benefits Scheme Serchhip District chhung atanga diltu hi East Lungdar CDPO bial a\angin 7 leh Ser-chhip CDPO bial a\angin 6, an vain mi 13 an awm a, nimin Meeting hian heng zinga a dawng awm chhungkaw 12 te an thlangchhuak ang a. Chung chhungkua an thlanchhuahte chuan \anpuina Rs. 20,000/- \heuh an dawng dawn a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai