Bank Account neilo ten Account an hawn theih nan Serchhip-ah ‘Bank Account Hawn Mela’ neih a ni dawn

Bank Account neilo ten Bank Account an hawn theih nan tun thla ni 19 khian Serchhip-ah 'Bank Account Hawn Mela' neih a ni dawn.
Serchhip-a Bank Account Hawn Mela neih tur chungchang ngaihtuah hian nimin khan Serchhip District Bawrhsap Dr. Lalrozama, IAS hovin a Pisa-ah Serchhip-a Bank hrang hrang aiawh leh sorkar official pawimawh te an \hukhawma, 'Bank Account hawn MELA' hi tun thla ni 19 zing dar 9:00 a\angin Serchhip DC Conference Hall-ah neih tur a ni a, pantu an tam dan a zirin DC Office tualah pawh dawhkan dah belh a ni ang. He hunah hian Serchhip District chhunga Bank awm, State Bank of India, Mizoram Rural Bank, Mizoram Co-operative Apex Bank leh UBI ten Dawhkan an hung anga, Account hawng duh apiang te Pawisa Deposit ngai lovin Account hi an hawn sak dawn a. Pawisa dahlut nghal duh tan pawh harsatna a awm chuang lo a ni.
    Account hawng duhte chuang Passport photo copy hnih (2) ken tur a ni anga, Identity Proof atan EPIC, PAN Card, sorkar Department ID siam chi hrim hrim, Driving License, Postal ID, Adhaar Card) Original Copy leh a Xerox Copy a engemaw ber, Address Proof-na atan Ration Card, Bill pekna lehkha mahni hming chuanna, VC Hriatpuina lehkha, Adhaar Card a engemaw ber, Original leh Xerox Copy ken tur a ni anga, Adhaar Card hi Identity Proof-ah leh Address Proof atan hman kawp theih a ni anga. Bank Account hawngtu Signature a \ul avangin mahni ngei kal tur a ni.
    Nimin a \hutkhawm ah hian Bawrhsap chuan sorkar kalphung a inthlak zela, Direct-Benefit Transfer kan uar tial tial a, khawvelah IT hman \angkaina a sang zel a, Bank Account neilova awm chu thil buaithlak tak a ni chho ta tih sawiin, Chutihlaiin mipui, Bank Account neih duh ngawih ngawih, a hranpaa Bank dawrna hun nei remchang thei lote pawh kan awm ve thei bawk tih a sawi a. Chung thilte ngaihtuah chung leh thuneitu sang zawkte a\anga ngenna an hmuh angin Bank Account hawn Mela hi buatsaih a ni dawn a tih a sawi a ni.

Popular News

Mizoram-ah Faina Hapta hman \an leh a ni

Retailer bukna diklo 3 man