Aizawl leh Serchhip inkara Maxi Cab service chesual-ah mi pathum in nunna an chan

Aizawl leh Serchhip inkara Maxi Cab tlan pakhat chu nimin (Jan. 27, 2017) zing dar 9:00 vel khan Khumtung leh Phulmawi inkarah chesualin he Motor a chuang mi 3 te chu a hmunah an boral nghal.
Mi 5 chuanna he Maxi Cab, MZ-01/K-5592, Hmingthantluanga, Luangmual Aizawl ami ta hi Serchhip District chhung, Aizawl a\anga Khumtung luh dawnah Aizawl lam pana tlan Truck nen an inpel tur chu a dinna kawngthlang lama kawng ko in zo lovin kawngthlang ah a tla a, Motor hi meter 105 vel lumin a chhe hneh hle a, he vanduaina a thi mi 3 te pawh hi ka pawh chhawn lovin an boral a ni. He vanduaina thleng a nunna chan te hi Sialhau Branch YMA President, K. Lalhruaitluanga (32) s/o K.Than\huama; Lalkhumi (58) w/o Hlunkunga, Thentlang leh Linda Lalsangzuali (25) d/o Spencer Vanlalchhuanga te an ni a. He Motor chesuala chuang mihring leh an bungrua te lakchhuah hna hi Khumtung YMA leh mi tlawmngai ten thawk nghalin vanduaina a nunna chan te ruang hi Khumtung Community Hall-a lak an nih hnuah Chhingchhip damdawi In ah Postmortem an ni a, hemi hnu hian anmahni khua \heuh ah lak a ni.
He Motor khalhtu A. Lalrinawma, Aizawl Chhangurkawn chuan a hmai velah hliam tuarin, Chhingchhip Damdawi in panpui a ni a, he Motor a chuang ve dang, Jenny Vanlalkrawsmawii (27), Lunglei pawhin a hmai-ah hliam tuarin Thingsulthliah Damdawi In panpui a ni a, anni pahnih hi chu ngaihtuahawm lo tura ngaih a ni. Thi zinga mi Sialhau Branch YMA President hian a lu na taka sawhin, midang pahnih te hian an ring ruh an sawh tliak a, an taksa hmun hrang hrangah hliam an tuar bawk a ni. Chetsualna a thlen hriat a nih veleh mi tlawmngai te leh Serchhip Police te bakah thuneituten helai hmun hi an pankhawm a, Tuikum Bialtu MLA, Er. Lalrinawma pawhin chetsualna hmun hi a pan nghal a. Serchhip DC Office a\angin Sub-Deputy Commissioner (SDC), Nengthianlal, MCS leh Sub-Hqrs. YMA Serchhip President, R.Sanghmingthanga leh a thawhpuite pawhin vanduaina thlenna hmun hi an pan nghal a ni.
Khumtung mi te sawi danin tun \uma chetsualna thlenna hmun hi kawng zim, chep tak a ni a, \um 4 chetsualna a thlenna niin, kum 5 kalta vel khan 407 Truck a lo chesual tawh a, tunhnai kum 2 kalta vel khan motor pahnih pawh a lo chesual tawh bawk a, nimin a mi tih loh chetsualna thleng \um 3 ah erawh chuan thihna a thleng lo thung a ni. He vanduaina a nunna chan, Sialhau Branch YMA President, K. Lalhruaitluanga hi tunhnai hian Aizawl-ah pem tuma inbuatsaih mek, Aizawl-a In luah tur zawnga kal haw lam niin, Kolasib mi, Linda Lalsangzuali hi Serchhip-a Zoram Entu Pawl-in Drop-in-Centre a thawk tur an lak-a dil, Interview tura rawn kal a ni thung.

Popular News

Mizoram-ah Faina Hapta hman \an leh a ni

Retailer bukna diklo 3 man