Posts

Showing posts from 2017

PWNM kum 10 tlin lawmna Health Minister in hmanpui

Positive Women Network of Mizoram (PWNM) ten kum 10 an tlin lawmna chu nimin khan Whitestone Conference Hall, Ramhlun North-ah Health Minister, Lal Thanzara hovin neih a ni.

Mizoram RD Block pathum-a SHG te hman turin AGEY hnuaiah lirthei 18 vailiam a ni

Rural Development Department in a kalpui mek Mizoram State Rural Livelihoods Mission (MzSRLM) hnuaia Scheme pakhat Aajeevika Grameen Express Yojana (AGEY) a\angin Mizoram-a RD Block pathum-a lirthei hman tur 18 chu nimin khan Aizawl a\angin vailiam a ni.

ILP neilo an lo lut nasa tih sawi

MNF |halai Hqrs. hruaitute chuan Mizo-ram chhungah hnam dang ILP nei lo an lût nasa hle niin an sawi.

Naupang tana hmalak dan tur rel

District Child Protection Unit (DCPU) Serchhip buatsaihin naupangte venhimna leh an dikna humhalhna kawnga thawktu hrang hrangte chuan nimin khan an hnathawhna kawngah \ha zawka hna thawh a nih theih dan tur chungchang sawihona an nei.

CM in Rel kawng chungchang NERF hotute sawipui

Chief Minister, Lal Thanhawla chuan niminpiah tlai khan a chenna In-ah North East Frontier Railway (NEFR) General Manager (Construction), NK Prasad leh a thawhpuite kawmin Mizoram chhunga Rel kawng phah mek chungchang a sawipui.

Mizoram sorkar hnuaia thawk ten 7th Pay hman ve phutin hna an thawk duhlo

Mizoram-a sorkar hnathawk intelkhawm pawl te chuan Mizoram sorkar hnuaia thawk ten 7th Payanga hlawh an lak ve phutin nimin a\ang khan lungawilohna an lantir leh ta. Hetihlai hian PRISM chuan hlawh pun ngiata hna thawk lo, sorkar hnathawk zawng zawngte chu hna thawk turin an ngen.

Rural Homestay chungchang zirhona neih a ni

New Economic Development Policy 2016-17 hnuaia hmalakna, Tourism Department leh ICFAI University Mizoram \angkawp buatsaih ni hnih awh tur Capacity building and Rural Homestay Training Programme chu nimin khan Champhai-ah neih \an a ni.

Ni 4 chhung awh tur DAY-NULM neih \an a ni

Ni li (4) chhung awh tur Deendayal Antyodaya Yojana-National Urban Livelihoods Mission (DAY-NULM) Mela chu nimin khan Aizawl-a Millenium Centre Roof Top-ah neih \an a ni a, UD&PA Minister, Zodintluanga chuan a hawng a ni.

Village Council Conference cum Panchayat Sammelan Serchhip-a neih dan tur chungchang sawiho a ni

Serchhip District Bawrhsap, Sangchhin Chinzah hovin thla thar December 12 leh 13-a Village Council Conference cum Panchayat Sammelan neih dan tur chungchang ngaihtuahin nimin khan Meeting neih a ni.

Vawk note thi 44 tling tawh

Tun thla ni 7-a AH&Vety Department in NLUP 3rd Phase leh 4th Phase hnuaia Vawk vulh thlangtute hnena Serchhip-a Vawk note an semchhuah zinga thi chu 44 zet a tling tawh.

Chief Minister, Lal Thanhawla hovin MZU Convocation vawi 12-na neih a ni

Mizoram University (MZU) chuan Vawiin khan an zirlai Exam-a hlawhtling te hnena degree hlanna hun, MZU 12th Convocation chu MZU Multipurpose Hall-ah an hmang a. He hunah hian Mizoram Chief Minister, Lal Thanhawla chu khuallian niin Mizoram University Vice Chancellor thar, Prof. KRS Sambasiva Rao pawhin a hmanpui a ni.

Kum 2012-2017 chhungin HIV pai hmuhchhuah 7113

Kum 2012-2017 chhungin Mizoram-ah HIV hrik pai 7,113 hmuhchhuah an ni a, HIV inkaichhawnna tam ber chu mipat hmeichhiatna hman a\angin a ni.

Kohhran Puitling-ah hlangkai

Serchhip Chanmari Vengthar-a Presbyterian  Branch Church chu nimin khan Kohhran Puitling-ah hlankai a ni a. Kohhran Puitling-a hlankaina hun hi Chhimchhak Presbytery Moderator, Pastor Dr. PR. Hmuaka chuan kaihruaiin Kohhran hi a indan tir nghal a, Chhimchhak Presbytery-a Secretary (Sr.), Upa C. Pachhunga chuan Kohhran chanchin leh indan chungchang a sawi bawk a ni. Chanmari Vengthar Branch Church hi nikum Jan. 17 khan din \an niin kum 2 vel a liam hnuah Kohhran Puitling-ah hlankai an ni a, nimin vek khan Kohhran Upa tur thlanna neih nghal a ni. Serchhip Chanmari Vengthar Kohhran thar hi Serchhip Pastor Bial hnuaia awm tur niin an Kohhran-ah hian chhungkua 53 an awm a, Kohhran member 205 awmin an zinga 120 chu Dan Zawhkim an ni.

Pawisa rutu nia hriat man tawh

Pathianni hmasa zan inkhawm hlana Serchhip Dinthar Veng-a Upa T. Lalrawngbawla te In-a lut-a pawisa, Rs. 60,000/- vel latu nia hriat, Lalchawimawia (23), Serchhip Vengchung nia inchhal chu man a ni tawh a, a kut a\ang hian Rs. 3290/- leh Mobile Handset hmuhlet niin amah hi Sekhum khua ah man a ni.

Retailer bukna diklo 3 man

Serchhip-a Legal Metrology Enforcement Staff te chuan tunhnai khan Serchhip khawpui chhunga Retailer \henkhat te bukna an enfiah a, heng Retailer an enfiah zingah hian Retailer pathum te chu an bukna a diklo tih hmuhchhuah niin heng Retailer te hian Kg. 10 zelah gram 500 in an ti tlinglo nia thudawn a ni. Serchhip-a Legal Metrology Inspector chuan hetianga Retailer te bukna a dikloh chhan ah hian Retailer te hian Kudam a\angin Weightbridge hmang lova buhfai an lakchhuak vangah an puh thu sawiin, Kudam a\anga an lakchhuah ah buhfai hi a dik tawkloh avangin an ti tlinglo ve nia an sawi thu kan palai a hrilh a. Retailer te hi an la endik zui zel dawn tih a sawi bawk.

Serchhip Block Congress Committee in Vawkte sem zinga thi awm pawi an tih thu an sawi

Serchhip Block Congress Committee Media Cell chuan NLUP hnuaia vawkte thi chu a semtu leh sem tur te tih theih bak thil a nih thu sawiin, pawi an tih thu an sawi a. MNF te chu Chief Minister ni mek thlangtlingtu an nih loh thu leh a tlin loh nana theihtawpa beitu an nih thu an sawi bawk.

Buh thartu zawng zawng te |in khat zelah lawmman Rs. 100/- zel kan pe ang - Vanlalruata, President PRISM

People’s Representation for Identity and Status of Mizoram (PRISM) President, Vanlalruata chuanan Party chuan ei leh bara intodelh hi ram tana \ul hmasaah an ngai tih sawiin, an sorkar hunah chuan Buh thartu zawng zawng te |in khat zelah lawmman cheng za (Rs. 100/-) zel an pe dawn tih a sawi.

MZP in hnamdang dan lova awm te dapchhuak

Inrinni khan Mizo Zirlai Pawl (MZP) bultumin Mizoram hmun hrang hrangah Dan lova Mizoram-a hnamdang rawnlut te dapchhuah hna thawh niin Mizoram pumah ILP neilo leh dan lova sumdawng engemaw zat hmuchhuakin thuneitute hnenah hlan an ni.

District Re-organisation Committee report thehlut tawh

Mizoram-a District awmsa te dinhmun zirchianga tih danglam ngai a awm pawha rawtna siamtu atana din, District Re-organisation Committee chuan sorkar-ah a report a thehlut tawh.

L&L Football Tournament Kick-Off neih a ni

Serchhip District Football Association buatsaih, Lalsawmliani & Lal Thanchunga Memorial Football Tournament (L&L) chu tun thla ni 21 a\ang khian khelh a ni dawn a, nizan hmasa khan he Tournament Kick-Off leh Tie Draw chu Hmar Veng YMA Hall-ah neih a ni.

CM Hawla Affidavit chungchangah mipuiin thudik kan hre chak!

CM Hawla Affidavit chungchangah mipuiin thudik kan hre chak! - Kapliana Pachuau, Serchhip

MPCC President in In hmun a neih a zep ngailo tih sawi

MPCC President leh Chief Minister, Lal Thanhawla chuan New Town, Kolkata-a Inhmun a neih chungchang chu a puan a puan \hin tawh thu a sawi.

Krismas leh kumthar vuakvet-a Dan leh thupek kenkawh dan tur chungchang sawiho a ni

Kumin Krismas leh kumthar 2018 vuakvet-a Serchhip District chhunga Dan leh Thupek kenkawh dan tur chungchang leh Halpuah, Halmawi leh silai lem mu kap chhuak thei khuahkhirh dan tur chungchangah meeting nimin khan District Bawrhsap hova neih a ni.

Discover NE Programme zofel

Serchhip District chhung hmun pali (4)-a Discover North East-Mizoram-2017 hman chu nimin khan Serchhip P&E Veng-a Leisekawt Mual-ah chhunzawmin zawhfel a ni a, he hun hi Serchhip District Bawrhsap, Sangchhin Chinzah chuan khuallian niin a hmanpui a ni.

Agriculture Department in \anpuina sum semchhuak

Serchhip-a Agriculture Department chuan nimin khan NLUP-NEDP Convergence a\anga \anpuina sum Rs. 848,600/- chu chhungkaw 13 hnenah an hlan.

NLUP hnuaia vawk note sem thi tam tih sawi

MNF East Block Serchhip chuan tunhnaia Serchhip khawpui chhunga NLUP hnuaia Vawkte sem zinga 30 chuang chu a thi tawh niin an sawi.

Swachh Survekshan hmalak zelna tur sawiho niin chhungkaw tinah Sanitation Fee khawn a ni dawn

Serchhip District Sanitation Task Force hmalakna in nimin khan Serchhip DC’s Conference Hall-ah Swachh Survekshan-2018 hnuaia hmalak zelna tur chungchang sawihona neih a ni a. Serchhip khawchhunga chhungkaw tinah Sanitation Fee, thla tin cheng 10 \heuh khawn turin rel a ni.

Education Complex luah \an

Tun thla ni 7-a Chief Minister, Lal Than-hawla’n a hawn, Serchhip AOC Veng-a Education Complex chu luah turin bungrua thiarluh mek a ni a. Ruahmang ang chuan tuna mimal In luah a awm mek District Education Officer (DEO) Office leh Sub-Divisional Education Officer (SDEO) Office te chu he building-ah hian an awm dawn a. Rashtriya Madhyamik Shiksha Abhiyan (RMSA) District Project Coordinator Office pawh awm tura ruahman a ni bawk.

Chhiahtlang-ah hun hmang

India hmarchhak State-a hnam hrang hrang te nunphung leh ziarang phochhuahna atana ruahman, Discover North East-Mizoram 2017 chu nimin khan a ni thumna atan Chhiahtlang-a Govt. Middle School Ground-ah neih a ni a. He hun hi Chuauhnuna, Addl. DC, Serchhip chuan khuallian niin a hmanpui a. Khuallian chuan India rama hnam hrang hrangte chu in enhrang tur kan nih loh thu leh lungrual taka kal zel tur kan nih thu a sawi bawk. He hunah hian Hnam lam chi hrang hrang entir a ni a, Vawiin hian Leise-kawt Mual-ah he Programme kharna hi hman leh tura ruahman a ni.

Halpuah leh thildang khapna District Bawrhsap in tichhuak

Serchhip District Magistrate chuan halpuah, halmawi chi hrang hrang leh naupang silai lem mu nei chi reng reng kawl, zawrh, hman leh lakluh khapna thupek a tichhuak.

Village Level Child Protection Unit (VLCPU) hnathawh dan tur zirhona Serchhip-ah neih a ni

Image
District Child Protection Unit (DCPU) hnuaia Serchhip khawpui chhunga Village Level Child ProtectionUnit te tan an hmalak dan tur an hnathawh dan tur zirhona chu nimin khan Serchhip DC’s Conference Hall-ah neih a ni a, District Bawrhsap, Sangchhin Chinzah chuan khuallian niin a hmanpui a ni.

Discover North East Mizoram

Art & Culture Department leh North East Zone Cultural Centre, Dimapur te \angkawp buat-saih 'Discover North East Mizoram 2017' chu nimin khan Kei\um Playground-ah hman leh a ni a, BSF, Dawngzawl-a Deputy Commandant, Lalrinchhana Pachuau chuan khuallian nia he hun hi hmanpuiin India rama Hnam hrang hrang ten inpumkhatna \ha an neih theihna tura hetiang hun buatsaih a ni leh Kei\um khua ah ngei hetiang hun pawimawh nghah a ni chu lawmawm a tih thu sawiin, he programme hi a hawng a ni. He hunah hian State pawh a\anga Cultural Troupe rawn kal te bakah Kei\um a\angin Cultural Club, Branch YMA leh Presbyterian English School ten Hnam lam an entir a, mipui \hahnem tak an tel bawk. He Programme hi Vawiin hian Chhiahtlang-a Govt. Middle School Field, Chanmari-ah chhunzawm leh a ni ang.

Auto Rickshaw Stand siam belh

Serchhip District Superintendent of Police chuan tunhnai khan Serchhip-ah Auto Rickshaw Stand siam belh a nih thu thuchhuah siamin a tarlang a. SP thuchhuah chuan New Serchhip College Peng-a Lalziki In a\anga R. Zakapa In thleng, meter 30-a thui chu Auto Rickshaw Stand atan ruat a nih thu leh Serchhip P&E Veng-a J. Romandinga In kawt, Marian High School peng a\anga hmarlam meter 30 chu Auto Rickshaw Stand atan siam a nih thu a tarlang a. Heng thu-pek siam thar te hian a hmaa thupek lo awm tawh te chu a thlak thu leh thupek dang a awm leh hma zawng chu hman tur a nih thu a tarlang bawk.

MRP hmang diklo man an tam

Serchhip-a Legal Metrology Enforcement Staff ten tunhnaia Serchhip-a Motor Parts leh Electronics leh Electrical parts zawrhna dawr hrang hrang an enfiahna ah dawr 25 zinga dawr 23 ah te Maximum Retail Price (MRP) diklo taka hman a ni tih hmuhchhuah a ni.

Ramchhung hmundangte rualin Serchhip-ah Electoral Roll Special Drive neih tan a ni

Nimin a\ang khan rampumah Electoral Roll Special Drive neih \an a ni a. He Special Drive pual hian Serchhip District chhunga BLO te pawhin an bial chhung \heuha ruahmanna awm sa angin hma an la dawn a ni.

MNF in Chief Minister bang turin an phut

MNF Party chuan Chief Minister, Lal Thanhawla chu chhechham meuha Mizo mipui leh Election Commission of India bumtu ah puhin, MLA a\anga a ban an phut thu an sawi.

Hawla hekna Dan hnuaia thu tlinglo nia sawiin, A ram neih dan MPCC in an sawifiah

Mizoram Pradesh Congress Committee (MPCC) Media Department chuan Election Commission ofIndia-a an President, Chief Minister hekna chu Dan hnuaiah thu tlinglo niin an sawi a. An President, Lal Thanhawla’n Kolkatta-a ram a neih dan chu an sawifiah bawk.

Ramchhung hmundangte rualin Serchhip-ah 'Children's Day' urhsun taka hman a ni

Naupangte Ni, 'Children's Day' chu nimin khan ramchhung hmun hrang hrangah hman a ni a, Serchhip-ah pawh District Child Protection Unit (DCPU) huaihawtin he Ni hi urhsun taka hman a ni.

Discover North East-Mizoram, 2017 hman \an a ni

Ni 4 chhunga Serchhip District-a Discover North East-Mizoram, 2017 hman tur chu nimin khan Govt. Serchhip College Basketball Court-ah neih \an a ni a, he hun hi Serchhip District Superintendent of Police, Lalringdika chuan khuallian nia hmanpuiin Hnam Lam chi hrang hrang entir a ni.

Assembly Thlasik \hutkhawm neih \an Ni-ah MNF ten Session-a House Leader kal tur an dang

Mizoram Legislative Assembly Session chu nimin khan Aizawl-a Assembly House-ah neih \an a nia. MNF chuan Affidavit diklo hmangtu Chief Minister, Lal Thanhawla chu Assembly House-a \hu tlakah an ngaihloh thu sawiin, Chief Minister in Assembly House a pan tur chu an lo dang a. Hei hi Congress chuan mawilo an tih thu an sawi.

Education Campaign nei leh

Serchhip Sub-Hqrs. YMA hnuaia Education & Youth Affairs Committee hmalakna in nimin khan Chhingchhip-a St. Peters School-ah Education Campaign chu neih chhunzawm leh a ni a, he Campaign-ah hian Dr. Lalrintluanga Sailo, Asst. Prof., Govt. Serchhip College leh Lalnunmawii Varte, SDPO te chuan Civil Service hrang hranga \halaite luh theih dan tur kawng te zirlaite hnenah an zirtir a. He hun hi Serchhip DEO, Lawmawma leh Vanlalchhunga, Coordinator, RUSA bakah Kawl\huama, Vice President, Sub-Hqrs. YMA te pawhin an hmanpui a ni.

Serchhip-ah National Achievement Survey nei

Nimin khan rampumah National Achievement Survey neih a ni a, he Survey hi Mizoram-ah pawh neih niin Serchhip-ah pawh DIET buatsaihin National Achievement Survey hi neih a ni.

Dinthar Veng-ah In rawk a ni

Pathianni zan inkhawm hlan khan Serchhip Dinthar Veng-a Upa T. Lalrawngbawla In-ah misual lutru in pawisafai Rs. 60,000/- vel rukchhuah a ni a, he In rawktu nia hriat hi Police te chuan an umzui mek.

MPSC Chairman ruat thar

Mizoram Larsap, Lt. Gen (Rtd) Nirbhay Sharma chuan Mizoram Public Service Commission (MPSC) Chairman atan Rev. Zosangliana Colney a ruat a, member thar atan PHE Department Secretary ni lai, V. Remthanga, IAS a ruat bawk. Hemi chungchang hriattirna hi nimin khan sorkar chuan a chhuah a, MPSC Chairman, PC. Lawmkunga a chhuah hnuah member Rev Zosangliana Colney hian Chairman hna lo chelh lailawkin, Chairman atana dah nghehna order sorkar chuan a ti chhuak ta a, member thar atan V. Lalremthanga pawh a dah nghal bawk a ni.

ZNP President in midang rilru alo tihnat tawhna zawng zawngah ngaihdam a dil

ZNP President, Lalduhoma chuan midang, an rilru alo tihnat tawh te chungah ngaihdam dilin, a bikinMNF leh Congress hruaitute leh an mipuite hnena ngaihdam dilin, Zoram mipuite pawh ngaihdam a \ulna apianga ngaidam turin a ngen.

Vawiin ah Assembly \hutkhawm \an dawn

Ni thum chhung awh tur Mizoram Legislative Assembly Session chu Vawiin hian neih \an a ni dawn ta.

KMMTTP kawng siam hna thawh mek zel a ni

India leh Myanmar insumdawn tawnna tur KMMTTP kawngpui laih mek chu chhunzawm mek zel a ni a, he hna thawh mekah hian hnathawh tur zatve aia tam thawh tawh a ni.

Serchhip-ah NMMS Exam nei

Ministry of Human Resource Development (MHRD) bultumin Inrinni khan Serchhip District-a Class-VIII zirlaite tan National Means-cum-Merit Scholarship (NMMS) Exam chu neih a ni.

Inthlanpui atan PRISM an inpeih tawh; Chief Minister bial telin bial 27 vel lak beisei

PRISM hruaitute chuan MLA inthlanpui lo awm tur atan an inpeih tawh thu an sawi a. Chief Minister, Lal Thanhawla bial telin Bial 27 vel la thei tura an inngaih thu leh a aia tam zawk la thei tura hma an lak thu an sawi.

MZU-a VC tur ruat thar a ni

Mizoram University Vice Chancellor atan sorkar laipui chuan Professor KRS Sambasiva Rao chu a rawn ruat thar ta. Mizoram University in hun engemaw chen Vice Chancellor nghet a neihloh avanga zirlai ten lungawilohna an lantir hnuah leh sorkar leh tlawmngai pawl bakah zirlai pawl te pawhin sorkar laipui hnena thu thlena hma an lak hnuah Zirtawpni khan sorkar laipui-a Ministry of Human Resource Development chuan Vice Chancellor thar ruatna hi a tichhuak a ni. MZU VC thar tur, Prof. Krothapalli Raja Surya Sambasiva Rao hian kum 2014 October a\ang khan Acharya Nagarjuna University-ah Rector hna chelhin, kum 2015 April a\anga August thleng khan he University-ah vek hian Vice Chancellor hna alo chelh tawh bawk, amah hi Biotechnology Department Professor leh Chairman a ni.

MNYF Hqrs. huaihawtin Serchhip-ah ‘Vangpui Fehchhuah' hun hman a ni

MNF |halai, Mizo National Youth Front (MNYF) buatsaihin Inrinni khan Serchhip-ah 'Vangpui Feh-chhuah' hun hman a ni a, he hun hi MNYF President, Er. Lalrinawma, MLA leh Dr. K. Beichhua, MLA ten an rawn hmanpuiin zaithiam te nen Serchhip Bazar-ah hun hman a ni.

Buhfai chhia pekchhuah tum?

MNF |halaite chuan Zuangtui Kudam-a buhfai ei tlak loh, mipuite hnena semchhuah loh tura hnawl (reject) nia an sawi buhfai Ip \hahnem tak, West Phaileng Kudam-a dah tura Motor (Truck)-a hlan chu an nangching tih an sawi.

Mizoram-ah Malaria vanga thihna tlem telh telh tih sawi

Bye Bye Malaria Foundation hmanga khawvela Malaria a bo theih nana hmalatu, Stuart Spani-a chuan Mizoram-ah Malaria vanga thihna a tlem chho telh telh niin a sawi.

MJA Member atan pawm thar

Nimin khan MJA General Hqrs. chuan Ai-zawl-ah Executive Committee Meeting neiin MJA Member dilna hrang hrang lut zingah MJA Member atan mi 8 lakluh an remti a. Heng zingah hian Serchhip District a\angin Liantluanga Renthlei, Editor Vantawng (Thenzawl) leh R. Lalhminghlua, Editor Hrangturzo (North Van-laiphai) te chu an tel a ni.

Cheng nuai 122 seng Serchhip khua a Education Complex sak Chief Minister in a hawng

Serchhip AOC Veng-a School Education Complex Building sak thar chu nimin khan Chief Minister,Lal Thanhawla chuan a hawng a. He Building sak thar lawmna hi P&E Veng YMA Hall-ah neih chhunzawm niin Chief Minister chuan Zirtirtute chu kawng engkim ah Zirlaite tan ‘Role Model’ nih tum turin a chah.

NITI Aayog Vice Chairman in Minister te a kawm

Chief Minister, Lal Thanhawla leh NITI Aayog Vice Chairman, Dr. Rajiv Kumar te chu nimin tlai khan Aizawl-a Chief Minister Bangla ah inkawmin hemi hnu hian Minister te leh sorkar mi pawimawhte Chief Minister's Conference Hall-ah an kawm nghal bawk.

In 2-ah mi tu tih hriatloh lutru

Pathianni zan thimhlim khan Serchhip Ram-thlun Veng-a chenna In pahnih-a misual tu tih hriatloh lutin pawisafai a ruk sak a, hemi chungchang hi Serchhip Police ten ngawrh takin an chhui zui mek a ni.

Mi tlawmngai te sum thawhkhawm atanga lei Serchhip damdawi In-a hman tur khawl hlan a ni

Image
Serchhip-a mi tlawmngai \henkhat te sum leh pai thawhkhawm a\anga lei, Serchhip damdawi In-a inzaina atana hman tur Monitor thar chu nimin khan damdawi In thuneitute kutah hlan a ni.

Serchhip-ah Crime Review Meeting neih a ni.

MLPC Act vangin kumin ah thubuai ziahluh a pung nasa
Serchhip Police te chuan nimin khan Superintendent of Police, Lalringdika hovin a Office-ah kumin kum kal meka thubuai hrang hrang ziahluh dan thlirin Crime Review Meeting an nei a. He huna tarlan a nih danin nikum aiin kumin ah thubuai ziahluh nasa taka pungin hei hi MLPC Act hnuaia thubuai ziahluh nasa taka a pun vang niin a lang.

Khawvel Sunday School Ni

Nimin, November thlaa Chawlhni hmasa ber kha Mizoram Presbyterian Kohhran leh Baptist Church of Mizoram (BCM) te chuan 'Khawvel Sunday School Ni' atan an hmang a, he Ni pual hian a bika hun hman a ni.

Orphanage Sunday hmang

UPC (NEI) chuan November thla Chawlhni hmasa ber chu 'Orphanage Sunday'-ah hmangin he Ni hi Serchhip-ah pawh urhsun taka hman a ni.

Two Wheeler in kawng zawh

Kumin a Central Kristian |halai Pawl Rorel Inkhawm in 'Zu/ruihhlo leh a kaihhnawih, Mipat hmeichhiatna hman khawloh leh HIV/AIDS darh zel tur ven nan Central K|P in Awareness neih ni rawh se' tia a lo rel angin hemi pual hian Inrinni khan Serchhip-ah lirthei ke hnih nei hmanga kawngzawh neih a ni.

Mizoram politics kalphung siamtha turin Mizoram-ah ‘PRISM Party’ din a ni ta

Mizorama politics kalphung siam\ha tur leh MLA Inthlanpui lo awm tura mipui nghah leh beisei ang sorkar din tumin 'PRISM Party' din a ni.

Serchhip khawpui chhungah ZPM in beihpui thlak tumin an hruaitu thar te hlanna hun an hmang

Zoram People’s Movement (ZPM) Steering Committee Serchhip buatsaihin Inrinni khan SerchhipBazar-ah ZPM beihpui thlakna, Operation November khuhhawnna leh ZPM Serchhip hruaitu thar te hlanna hun hman a ni a. He hun hi Aizawl lam a\ang pawhin ZPM hruaitu rual \hahnem takin an rawn hmanpui a ni. Zoram People’s Movement (ZPM) Steering Committee Serchhip in Serchhip khawpui chhung Veng hrang hranga ZPM Local Body din tura beihpui thlakna 'OPERATION NOVEMBER' khuhhawnna leh Serchhip ZPM hruaitu thar hlanna Vantlang inkhawm (Public Meeting) an buatsaih hi ZPM Serchhip Steering Committee Chairman, V. Rozamliana chuan kaihruaiin he hunah hian ZPM Serchhip-a Secretary, Kapliana Pachuau chuan inhmelhriattirna leh an hmalak tawh dan te a tarlang a. Kum 2018 MLA General Election lo awm tura Serchhip, Tuikum leh Hrangturzo Constituency-ah te ZPM in hnehna chang ngei tura hmalak an tum thu a sawi a ni. Hemi hnu hian ZPM General Hqrs. Chairman, Upa Lalliansawta chuan inlawmna thu sawiin, Rev. …

Eirawngbawlna Gas man thar

Mizoram sorkar-a FCS&CA Department chuan November thla atan Mizoram-a eirawng-bawlna Gas man tur bithliah thar lehin Mizoram chhungah Vairengte tih khawdang zawngah Domestic Gas bur khat man chu Rs. 862/- a ni anga, bur khat zelah hian subsidy Rs. 371.54 pek tur a ni ang. Home delivery a nih chuan Rate bituk bakah Rs. 7.53 in a pung anga, showroom a hralh a nih chuan Rs 18 paih tur a ni ang. Hetih-lai hian Kg. 19-a rit Commercial Cylinder chu bur khat zelah Rs. 1537.50 a ni dawn thung a ni. Commercial Cylinder-ah hian Subsidy pek a ni ve lo thung a ni.

Vawk Rulhut hlo pekna Ni hmang

Nimin khan AH & Vety Department Ser-chhip buatsaihin State Vety Dispensary Serchhip-ah Vawk tana Rulhut hlo pek beihpuit-hlakna Ni hmn a ni a, Vawk \hahnem tak Rulhut hlo pek an ni.

In luah theihin peihfel ta

Tun Pathianni zing-a kangmei vanga chenna In chan, Lalchawimawia te chenna In chu nimin khan luah theih tura peihfel a ni ta.

Serchhip Sub-Hqrs. YMA Coordination Committee in an pawl hmalakna tur hrang hrangte an rel

Serchhip Sub-Hqrs. YMA Coordination Committee \hutkhawm chu nimin khan neih a ni.

CBI in Mizo Carbon chung-chang an chhui dawn

Mizo Carbon Pvt. Ltd. in diklo taka Central Transport Subsidy sum tam tham tak a la \hin nia sawi chu CBI chhuitir turin Gauhati High Court, Mizoram Bench chuan nimin khan thupek a chhuah.

Zofate Duhlian tawng hmanga inbe thei deuh vek kan ni hi kan vanneihna a ni - Chief Minister

Chief Minister, Lal Thanhawla chuan Zofate Duhlian \awng hmanga inbe thei deuh vek kan ni chu kan vanneihna a nih thu a sawi.

PHE Serchhip hmalakna in Buangpui khua ah faina-a hmalakna atan Bawlhhlawh bawm sem a ni

Image
PHE Serchhip WATSAN Division hmalakna in nimin khan Buangpui khua ah pawnler-a inthiar awmlohna khuaa an inpuanna chhawmnung zel tura inzirtirna hun hman a ni a, he hun hi PHE Serchhip WATSAN Division-a Sr. EE, Er. F. Lalsanglura chuan a hmanpui a, chhungkaw tin te hnenah Bawlhhlawh bawm sem nghal a ni bawk.

In sak hna chhunzawm leh

Pathianni kalta-a kangmei vanga In leh an bungrua chantu, Lalchawimawia te chenna tur In sak hnatlang chu nimin khan chhunzawm leh a ni a, he hnatlang ah hian mi 100 dawn thawkin Presbyterian English School zirlaite pawh thingpui lumin an thawkchhuak leh a. Nimin a hnatlang a thawkchhuak te hian In hi a chung an chih zawh bakah a bang pawh an bel zo a, a chhuat phah  pawh zawhfel a ni a, tukverh vuah leh Inchhung lam tihfel chiah hmabak a awm tawh a ni. He In sak hi peihfel thawkhat a nih avangin Vawiin lam hi chuan khawtlang huap hnatlang neih a ni tawh lo ang.

Power la khaihlak mek

Niminpiah tlai a\ang khan Serchhip Bazar leh a chhehvel chawmtu Tuizemdum kawn-a Four Pole Transformer-a 250kV chu a chhia a, hemi tlai a\ang hian siam\hat tumin thawktu ten bei mah se siam\hat theih a ni lova, nimin thleng khan a chhiatna lai hi zawn ni mah se nizan-a he thu buatsaih lai thleng hian hriatchhuah ala ni lo a. Hei vang hian nizan hmasa a\ang khan Serchhip Bazar leh a chhehvel ten Power Supply an la hmu mumal theilo a ni.

Serchhip District Volleyball Championship-ah Chhim Veng

Serchhip District Volleyball Championship chu Inrinni khan khelh zawh a ni.

Kum 10 kalta chhunga naupiang tlem ber kum 2016; District hrang hrang zingah Serchhip-ah piang tlem ber

Nikum 2016 chhung khan Mizoram-ah naupiang 22,497 an awm a, mitthi 6422 an awm bawk a. Kum 2016 hi kum 10 kalta chhunga Mizoram-a naupiang an tlem ber kum a ni.

YMA in hnatlang in Buh seng

Kei\um Branch YMA chuan Zirtawpni khan an khawchhunga vanduaina tawk, V. Lalnghinglova chhungte chu hnatlang in Buh an sengpui a, he hnatlang ah hian mi 70 vel thawkchhuakin an Buh seng tur ang ang chu an seng zawh sak vek a ni. Tarlan tawh angin kar kalta Thawhlehni khan V. Lalnginglova hi buh seng turin a riaklut a, a tuk-a a fanu feh chuan an vau-ah thi in a zuk hmu a, hetianga buh an seng zui theih tak loh avang leh seng a hun tawh si avangin YMA te hian hnatlang neiin Buh hi an seng pui ta a ni. Hetihlai hian Kei-\um Branch YMA chuan Tuichang Lui an hum-halh huamchhungah Sangha te pawh kumin hian him takin an fuan tawh tih an sawi bawk a, heng Sangha te hi \ha taka an fuan theih nan YMA Member te luidung-ah an duty bawk a ni.

Serchhip ABC inkhawmpui \iak

Baptist Church of Mizoram (BCM) chuan nimin Pathianni hmang khan Mizoram chhung hmun hrang hrang 14-ah a rualin Area Baptist Council (ABC) Inkhawmpui an nei a, Ser-chhip ABC inkhawmpui pawh BCM Rawpui Biak In-ah neih a ni.

Serchhip-ah kum Upa ten Table Tennis-a inelna nei

Nikhat awh Mizoram Veteran Table Tennis Tournament chu Inrinni khan New Serchhip Indoor Stadium-ah neih a ni a, kum 40 chin chunglam Table Tennis khel \hin ten intihsiakna an nei a ni.

Serchhip Chanmari Veng-ah chenna In pakhat kangral

Nimin Oct. 29, 2017 tuk\huan eikham, dar 8:30 vel khan Serchhip Chanmari Veng-ah chenna In pakhat chu bungrua engmah chuh hman lohin a kangral.

India ram-a dan lo-a lo pemluh duhlohna lantirin ‘Demonstration Against Illegal Immigration in India’ neih a ni

Delhi Mizo Zirlai Pawl (DMZP) leh Central Young Mizo Association (CYMA) buatsaihin Inrinni tlai khan New Delhi-a Mizoram House, Vasant Vihar-ah ‘Nation-Wide Demonstration against Illegal Immigration in India’ neih a ni a, he Demonstration hi Mizoram-ah leh India ram khawpui hrang hrangah pawh thlawpna lantir a ni.

PRISM in Zu khuahkhirhna Dan ennawn ngai an tih thu an sawi

PRISM chuan Mizoram-a Zu khuahkhirhna Dan chu ennawn ngai hlea an hriat thu an sawi.

Serchhip-a Eirawngbawlna Gas harsatna thleng mek sutkian dan tur sawihona neih a ni

Serchhip khawpui chhunga eirawngbawlna Gas harsatna thleng mek sutkian dan tur chu nimin tlai khan sawihona neih a ni a, he sawihona a tel te hian eirawngbawlna Gas phur tur hian Truck pakhat lak belh a nih theih nan hmalak nise an ti.

Election lamah Quiz nei dawn

Election Commission of India in ruahmanna a siam anga zirlai naupangte tana National Quiz neih dan tur chungchang chu nimin khan Bawrhsap mawhphurhna la mektu Addl. DC, Chuauhnuna hovin a Office-ah sawiho a ni.

UPC (NEI) District Mission Department inkhawmpui \an

 UPC (NEI) Aizawl East District Mission Department Conference vawi 24-na chu nizan a\ang khan UPC Biak Inpui, Serchhip-ah neih \an a ni a, naktuk Pathianni zan thleng a awh ang.

Mihring ten leilungin min dâwl theih chin ang zela \han chhoh kan zir a ngai - Larsap

Mzoram Lt. Gen. (Rtd) Nirbhay Sharma chuan mihring ten leilungin min dâwl theih chin ang zela \han chhoh kan zir a ngai a ni, a ti.

Medical College atana mamawh tifel vek tawh

Mizoram sorkarin Mizoram Institute of Medical Education & Research (MIMER) din tura theihtawp chhuah mekin, Medical College atana mamawh zawng zawng sorkarin a tifel vek tawh tih Chief Minister, Lal Thanhawla chuan a sawi.

Volleyball S/F khel dawn

Serchhip District Volleyball Championship khelh mek chu Vawiin chawhma dar 9:30 a\ang hian Semi Final khelh a ni dawn a. Hmeichhia in khel hmasa berin Friends Club, New Serchhip leh Biakmuana Memorial VC te intuminThen-zawl VC leh Vengchung VC an intum anga. Mipa ah Chhim Veng VC leh Thenzawl VC intumin Hlute-i VC leh Thentlang G&SA an intum ang. Under-19 ah Friends Club Vs Hlute VC intumin Darnam VC leh Hriangtlang VC an intum bawk ang.

Lirthei tlan dan ti danglam

Zanin tlai a\ang hian Serchhip Bazar a\anga Ramthlun Veng panna kawng chu zan lamah lirthei tan One-Way-ah puan a ni.

ZEP buatsaihin Serchhip-ah rualbanlo chhungte tan rualbanlote enkawl dan chungchang zirho a ni

Zoram Entu Pawl (ZEP) buatsaihin nimin khan Serchhip-a rualbanlo chhungte tan rualbanlo te enkawl dan leh anmahni chhawmdawl theihna tura hmalak dan tur hrang hrang zirhona neih \an a ni a, Vawiin ah chhunzawm lehin zawhfel a ni ang.

Talent Hunt buatsaih a ni

District Child Protection Unit (DCPU) Serchhip buatsaihin nimin khan Govt. High School Serchhip-a zirlai naupang kum 10 a\anga kum 16 chin te tan an theihna leh thiamna te haichhuahna hun, Talent Hunt buatsaih a ni.

Ministry of Housing & Urban Affairs hnuaia Mizoram-a Mission/Scheme chhunzawmna tur sum sanction a ni

Union Minister of State (Independent Charge) for Housing and Urban Affairs, Hardeep Singh Puri chuan nimin khan Mizoram sorkar-a UD&PA Minister, Zodintluanga hnenah Ministry of Housing & Urban Affairs hnuaia Mission/Scheme hrang hrang thawh chhunzawmna tur cheng Vbc. 22.89 sanction Order a hlan.

Halpuah leh Silai lem khap a ni leh dawn

Krismas leh kumthar vuakvet lo thleng turah halpuah leh silai lem, a mu kapchhuak thei (a kah na) chi lakluh, zawrh leh hman reng reng khap a ni leh dawn.

District Hospital thar sak thuai kan va mamawh tawh em!

District Hospital thar sak thuai kan va mamawh tawh em!

Press Tour nei \an dawn

Mizoram sorkar Information & Public Relations Department bultumin Vawiin a\ang hian Mizoram District hrang hranga thuthar theh-darhtute chuan Press Tour an nei \an dawn a. Press Tour hi thawh li (4)-a neih tura ruahman niin a hmasa ber ten Vawiin hian Aizawl chhuah-sanin Uttarakhand an pan dawn a. Vawiin a zin turte zingah hian Serchhip a\angin Lalremruata Ralte, Editor Ramlai Arsi chu telin thla thar ni 1 khian Mizoram rawn thleng leh hman tura beisei an ni a. A thawh hnihna chu thla thar ni 16 vel khian an kal leh dawn a ni.

Serchhip-a PWD ten khawpui chhung inkalpawhna kawngpui siamthat hna ngawrh takin an thawk mek

Serchhip-a PWD chuan Serchhip khawpui chhunga inkalpawhna kawng te siam\hat hna tunlai hian an thawk mek a, |hal chhungin a theih anga tam siam\hat hman an tum thu an sawi.

Khawpui fai ber neih tumin sorkar in hma la

Khawpui fai ber neih tuma Mizoram sorkar hmalakna, Swachh Survekshan 2018 Roadmap chu nimin khan Urban Development & Poverty Alleviation (UD&PA) Minister, Zodintluanga'n a pisa-ah a tlangzarh.

MZP in Assembly neiin hruaitu tur thlanna an nei

Mizo Zirlai Pawl (MZP) chuan nimin khan Aizawl-a Electric Veng YMA Hall-ah Assembly neiin hruaitu thlanna an nei a, MZP Gen. Hqrs. President thar atan L. Ramdinliana Ren-thlei chu thlan a ni.

Congress chu bukin a awm a, a tlingzo ta lo a, a hun a tawp hnai ta - Zoramthanga

MNF President, Zoramthanga chuan Congress chu bukin a awm a, a tling zo ta lo a, an hun a tawp ta niin a sawi.

Bazar Branch K|P in thisen pe

Presbyterian Serchhip Bazar Branch K|P te chuan nimin khan JN Hospital Serchhip Blood Bank-a dah turin thisen Unit 26 an pe.

Serchhip District Volleyball Championship khelh \an a ni

Serchhip District Volleyball Association buatsaih Serchhip District Volleyball Championship chu nimin khan Vengchung Volleyball Court-ah khelh \an a ni a, Serchhip Sub-Hqrs. YMA President, R. Sanghmingthanga chuan khuallian niin a hawng a ni.

AMVCA ten kum 25 a liam hnu thlengin VC te thuneihna leh mawhphurhna sang pek an nilo tih an sawi

All Mizoram Village Council Association (AMVCA) chuan Mizoram-ah Village Council te chu kaihhruaina siam a ni chungin kum 25 ral hnu, tun thlengin VC thuneihna leh mawhphurhna sang pek a la ni lo tih an sawi a. Hei vang hian Mizoram-a VC te Chhiah (Tax) a lakkhawm ve \hin pawh kum khatah cheng nuai 30 pawh a tling theilo tih an sawi.

NEDP hnuaia Serchhip District chhunga Purunsen ching turte tan training buatsaih a ni

Nimin khan Agriculture Department Conference Hall, Serchhip-ah Department of Agriculture (Crop Husbandary) Aizawl leh District Agriculture Office, Serchhip \angkawp buatsaihin Serchhip District-a NEDP Purunsen ching turte tan Training buatsaih a ni.

ZPM in beihpui thlak an tum

Serchhip Zoram Peoples’ Movement (ZPM) Steering Commiteee chu nimin khan \hu-khawmin thla thar, November 2017 chhungin Serchhip khawpui chhung Veng hrang hrangah Operation November neih nise an ti.

MIMER din tura hmalakna ah tihfel ngai zinga zaa 99 vel tihfel a ni tawh

Falkawn-a State Referral Hospital hotuten Mizoram Institute of Medical Education and Research  (MIMER) din tura hmalakna ah thil tihfel ngai zinga zaa 99 vel zawhfel a ni tawh tih an sawi a. Medical Council of India hotuten lo endik pawh nise, an pawmpui theih tawh ngei an beisei tih an sawi.

Zirlai naupang Mit enfiah sak

Presbyterian English School, Serchhip chuan tun thla ni 12-a World Sight Day pualin National Programme for Control of Blindness & Visual Impairment, Serchhip District te nen \ang-kawpin an School-a zirlai naupangte Mit an enfiah sak a, Class IV a\anga Class X thleng mi 400 bawr vel Mit chu a thlawna ensak niin, heng zirlai naupang Mit enfiah zinga 20 te chu an Mit a \ha tawklo tih hmuhchhuah a ni a, sorkar a\angin a thlawnin Tarmit an dawng dawn a ni.

Vawiin atangin School tan hun tlai

Mizoram sorkar in ruahmanna a siam angin Vawiin, Oct. 16, 2017 a\ang hian zirna In hrang hrang te kai hun chu darkar chanve-a tih tlai a ni dawn a, hei hi nakum February ni 16 thleng hman tur a ni ang.

Mizoram State Boxing Championship vawi 39-na zawhfel niin Serchhip District an champion

Mizoram State Boxing Championship vawi 39-na chu Zirtawpni tlai khan Serchhip Boxing Hall-ah zawhfel a ni a. He Championship kharna hun hi Chief Minister, Lal Thanhawla chuan a hmanpui a ni.

Buh chin turah a hlawk aia a tui la thlang an tam avangin Zawlpui-a buh thar a pung hleithei lo

Mizoram Journalists Association (MJA) Serchhip District Member te chuan Zirtawpni kalta khan Serchhip Zawlpui phai-a Agriculture Department hmalakna hrang hrang an tlawh a. Agriculture Department-a thawk te chuan Leilet neitu ten an Buh chin ah hralhchhuah tura hlawk chi aia a tui ringawt an la ching duh chu buaithlak an tih thu an sawi.

Ramkalna-a chesual vuiliam

Chhiahtlang Hmar Veng-a cheng Lalhmuakliana chu niminpiah tlai khan a ram-kalna ah chesualin kham-ah a tla a, a tlakna ah hian boral nghalin nimin khan vuiliam a ni.

Serchhip-ah Congress Party in Workers Meet an hmang

Serchhip Block Congress Committee chuan nimin khan Workers’ Meet an nei a, he hun hi bialtu MLA leh MPCC President ni bawk, Lal Thanhawla chuan a hmanpui a ni.

Mizoram in kawlphetha MW 10 vel pechhuak

Power & Electricity Department leh Irrigation Department Secretary, H. Lalengmawia chuan Mizoram chhungah Kawlphetha Megawatt 30 zet pechhuak thei tur duan a ni chungin heng a\anga pekchhuah hi Megawatt 10 vel chauh ala nih thu a sawi.

Mizoram chu State bila Education Reform nei awmchhun a ni - Minister, School Education