Serchhip-ah SAGY chungchang zirhona neih a ni

Saansad Adarsh Gram Yojana (SAGY) hnuaia MLA ten Model Village a siam tura an thlan khua te enkawl dan tur chungchang zirhona chu nimin khan Serchhip-ah neih a ni. SAGY chungchang zirhona nimin a Serchhip DC’s Meeting Room-a neih hi Teresy Vanlalhruaii, MCS, Project Director, DRDA, Serchhip chuan hawngin he hunah hian District Team of Trainers te leh MLA ten Serchhip District chhunga Model Village atana siam tura an thlan khaw hrang hrang vil tura ruat Charge Officer te an tel a ni.

    He hunah hian Teresy Vanlalhruaii, MCS, Project Director, DRDA, Serchhip chuan SAGY hlawhtling taka kalpui tur chuan \hahnemngaih tak takna nen a thawh a ngai tih sawiin, he scheme atan hian a hranpa a tangka dah anih loh avangin ngaihtuahna sen uluk a ngai hle tih a sawi a, Model Village a siam tura thlan khua a cheng mipuite pawhin rilru zau tak leh thuawihna an neih a pawimawh dawn thu a sawi a, Infrastrucuture development ringawt nilova rilru leh taksa hriselna lam a hmasawnna te thlenga ngaihpawimawh a \ul thu sawiin, thil \ha lam kawng tinrengah khaw dang te entawn tlak tura siam chu an thil tum ber anih dawn thu leh NLUP Line Department te leh SAGY Line Department te pawhin an scheme neih te nen convergence a, hautak lutuk si lova hnathawh anih theih na tura ngaihtuahna an sen a \ul dawn thu a sawi bawk.
    He hunah hian Paul L. Khuma, MCS, Under Secretary, Rural Development Department chuan Powerpoint presentation hmangin Saansad Adarsh Gram Yojana (SAGY) hnuaia MLA ten Model Village a siam tura an thlan khua te an enkawl dan tur leh hna an thawh dan tur hrang hrangte a zirtir a ni.

Popular News

Mizoram-ah Faina Hapta hman \an leh a ni

Retailer bukna diklo 3 man