SAGY hnuaiah Serchhip District chhunga khaw 7 te Model Village-ah siam tum a ni

Serchhip District chhunga Assebly bial 3 awm ah MLA ten Model Village a an siam tur khua 5 a awm a, hei bakah hian Mizoram in MP pahnih kan neih ten Model Village atana siam turah Serchhip District chhunga khua an thlan ve ve avangin Serchhip District chhunga Model Village a siam tur khua 7 a awm a ni.
Sorkar laipui in ruahmanna a siam angin Saansad Adarsh Gram Yojana (SAGY) hnuaiah MLA ten an bial chhunga Model Village a siam tur khua an thlang thei a, hemi ang hian Serchhip Assembly Constituency bialtu Chief Minister, Lal Thanhawla chuan Buangpui chu Model Village-a siam turah thlangin Charge Officer atan K. Lalhmuakliana, MCS, SDO(C) Thenzawl ruat a ni a. Hrangturzo Assembly Constituency bialtu MLA, Vanlalawmpuii Chawngthu chuan a bial chhung ami North Vanlaiphai thlangin Charge Officer atan C. Laltleipuii, MCS, BDO, East Lungdar ruat a ni a, Er. Lalrinawma, Tuikum Assembly Constituency MLA chuan a bial chhung ami Chhingchhip thlangin Charge Officer atan Vanlalrova, MCS, BDO, Serchhip ruat a ni bawk.
    Heng bakah hian Tuikum Assembly Constituency huamchhunga khaw pahnih Baktawng leh Khumtung te chu Aizawl District a\angin MLA Model Village atan thlangtu an awm a, Baktawng hi Aizawl West-III bialtu MLA, Vanlalzawma’n thlangin Charge Officer atan Er. Lalhruaia, Sr. EE, PHED Serchhip ruat a ni a, Khumtung hi Aizawl West-II bialtu MLA, Lalruatkima’n thlangin Charge Officer atan Vanlalrova, MCS, BDO, Serchhip ruat a ni bawk a. Hetianga Aizawl lam a\anga Serchhip District a khaw pahnih Model Village atana thlan an nih chhan hi heng MLA pahnih te bial chhung hi Urban area an nih ve ve avang leh Model Village-a siam turah Urban area thlan theih anih si loh vang a ni. Hetianga MLA ten Model Village tura an thlan bakah hian Lok Sabha MP, CL. Ruala chuan Khawlailung chu Model Village-a siam turah thlangin Rajya Sabha MP, Ronald Sapa Tlau chuan Chhiahtlang chu Model Village-a siam turin a thlang bawk a ni.

Popular News

Mizoram-ah Faina Hapta hman \an leh a ni

Retailer bukna diklo 3 man