Chief Minister in AROGYA Mela 2015 hawng.

Kumin ah Thenzawl-a AYUSH Hospital hawn beisei.

Union Ministry of AYUSH leh Mizoram sorkar Health & Family Welfare Department (AYUSH) buatsaih AROGYA Mela 2015 vawi 4-na chu nimin khan Aizawl-ah neih \an a ni a, ni 4 chhung neih a ni ang.
AROGYA Mela-2015 hawnna inkhawm Assembly Annexe Conference Room-a neih hi Chief Minister, Lal Thanhawla chuan hmanpuiin hetiang Mizoram-a Mela neih \hin chu Mizoram mipui ten kan \angkaipui in kan hlawkpui hle nia a hriat thu a sawi a. AYUSH chu Mizoram in kan la hmelhriat lutuk lo nain a lar chho \an mek tih sawiin, India chhulchhuak, Indian System of Medicine AYUSH hi kum tam tak kalta a\anga India miten an lo chhawr tawh a nih thu leh AYUSH chu natna benvawn leh inkaichhawn theihloh natna enkawl nan a \hat bik thu mithiam ten an sawi thu a sawi a ni. Chief Minister chuan sorkar in mipuiten hriselna \ha an neih chu a duh ber a ni tih sawiin, ‘Hnam changkang leh ropui ni tur chuan hriselna \ha neih a pawimawh hmasa ber a ni,’ a ti bawk.
    He hunah hian Khual zahawm, Lal Thanzara, Minister of State for Health & Family Welfare chuan AYUSH in AROGYA Mela a buatsaihna chhan ber chu AYUSH hmalakna pholang a, mipui ten hriselna \ha neih a pawimawhzia tihlan a ni tih sawiin, ‘Ram changkang tehna pakhat chu hriselna a ni a, he tehnaah chuan Mizote chu kan sang lo hle a ni,’ a ti a. Tunah hian Mizoram-ah AYUSH Doctor 52 an awm thu sawiin, hmun kilkhawr zawka dah tum an nih thu leh Allopathy doctor pakhat awmnaah AYUSH Doctor pakhat zel dah tum anih thu a sawi a. Directorate hrana AYUSH awm tura hmalak mek a nih thu a sawi bawk. AYUSH hi Mizoram-ah kum 1984-ah bul \an niin kum 2000 a Mizo AYUSH Doctor an rawn awm \an a\angin mumal zawka kalpui a ni a, AYUSH Hospital puitling khum 50 awmna tur chu Thenzawl-ah peih fel \ep tawh niin kumin hian hawn hman beisei a ni bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai