Education Director inthlak zing MZP in \ha an tilo

Kum 2009 a\anga tun thleng (kum 6 chhung) in Mizoram sorkar School Education Department chuan Director 9 a nei tawh a, hei hi MZP chuan \ha an tihloh thu an sawi.
MZP Gen. Hqrs. hian nimin khan Aizawl-a MZP Conference Hall-ah Executive Meeting neiin School Education Department Director inthlak zing lutuk chungchang hi an sawiho a. He hunah hian School Education Department ah hian kum 2009 a\anga tun thlengin Director pakua(9) lai an nei hman tih sawiin, hei hian Department inrelbawlna leh zirna kawnga pawh nghawng \halo tak a nei nia an hriat thu an sawi a. School Education Department chu Department pawimawh leh lian tak a nih avangin sorkar department dang anga Director nghet in \hutchilh thei se an duh thu sawiin, Department hmasawn leh chak zawk a nih theih nan School Education Department Director chu hun rei zawk an awm theih nana hma la turin sorkar thuneitute an ngen bawk. MZP Gen. Hqrs. chuan ‘Mizoram chhunga hnamdang dan lova sumdawngte dapchhuah a, a \ul anga hmalak ni rawh se’ tia an lo rel tawh tih hlawh-tling tura hma an lak mek laia dan lova sumdawng lungawilo te thlawp ni awm fahrana Lailapur khuaa NH 54 danchah a ni chu an hrethiamlo hle tih pawh an sawi a. Kawngpui dan chah a nih avang hian Mizoram chhunga sumdawngte chu an thil zawrh chheprelha ti to lo turin an ngen bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai