Tripura-a Tuikuk hruailet tur enfiah nan Kum 1995 Electoral Roll behchhan ah la hmang.

Home Minister, R Lalzirliana chuan Mizoram a\anga Tripura a pem thla, Tuikuk hruaikir leh turte chu Mizoram mi an ni ngei em tih enfiah nan kum 1995 Electoral roll behchhana hman a la ni reng tih a sawi.
Nimin a Mizoram Legislative Assembly Budget Session chhunzawm-ah zawhna leh chhanna huna MNF Member, Lalruatkima zawhna chhanga he thu hi sawiin Home Minister, R. Lalzirliana chuan Feb. 4, 2015-a Union Home Minister in Tripura a tlawh \uma Mizoram aiawh tirh an nih ve loh chhan chu hnawhsarum taka Mizoram sorkar in sawmna a dawn vang a ni, a ti a, Sawmna dawn a nih lai hian Chief Minister chu hmundanga a zin lai a nih thu pawh sawiin, 'Khatianga inpal mai mai kha kan duh lo a ni,' a ti bawk. Home Minister chuan Feb. 14-a Union Home Minister in Tripura a tlawh \uma Tuikuk hruaituten Memorandum an thehluha a lan dan chuan thil phut 10 Mizoram leh Central sorkar tih puitlin tur phut an nei tih pawh sawiin, Bru Coordination Committee in kum 2010-a Mizoram sorkara a thehluh dan chuan Tripura ah hian chhungkaw 5481, mihring 29,625 an awm a, Tripura Camp-a awm Mizoram Electoral roll-a hming chuang chu mi 11,014 an nih thu pawh a sawi bawk.
    Hei bakah hian Home Minister, R. Lalzirliana chuan Tuikuk te hruaikir tur hian a thawh 4-na atan thla 6 chhunga hruai kir turin Mizoram sorkar chuan ruahmanna a siam tih a sawi a, kumin March 3 a\ang khan hmalak \an tawh a nih thu leh kumin Jan. 30-a Ministry of Home Affairs in Mizoram leh Tripura Sorkar aiawhte meeting a koh \um khan thla 6 chhunga Mizorama lo let duhlo te chu Tripura-a cheng ngheta ngaih tawh turin thu an ti tlu a ni, a ti bawk.

Popular News

Mizoram-ah Faina Hapta hman \an leh a ni

Retailer bukna diklo 3 man