Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Serchhip-ah World TB Day hman a ni.

Kumin ah TB vei 23 hmuhchhuah an ni tawh.

Nimin March 24, 2015 kha World TB Day niin Serchhip-ah pawh he Ni pual hian zingkar ah inkhawm neih a ni a. Kumin chhungin Serchhip ah TB vei 23 hmuhchhuah an ni tawh tih he hunah hian tarlan a ni.
Nimin a Serchhip-a World TB Day puala inkhawm, CMO Conference Hall-a neih hi District Bawrhsap leh District TB Control Society-a Chairman ni bawk, Juhi Mukherjee, IAS chuan hmanpuiin TB Day chu kum 1882-a TB natna thlentu hrik hmuhchhuah Ni hriat-rengna atan hman a nih thu sawiin, TB hian mihring khawsak phungah harsatna nasa tak a thlen thu leh a bikin ram \hanglai ah he natna hi a hluar thu a sawi a. Khawvel pumah TB natna vei mi mtd. 9 vel awm anga chhut a nih thu leh heng zinga mtd. 3 vel te chuan enkawlna an dawnglo nia chhut a nih thu pawh sawiin, hei vang hian he natna chungchang leh a enkawl dan inzirtirna pawh uar zawka kalpui zel a \ul thu a sawi a. Hemi kawngah hian Health Department-a thawk ten theihtawp chhuahin hma la mah se he natna vei thar hmuhchhuah leh thi an la awm zel avangin mipui ten theihtawp kan chhuahpui a \ul thu pawh sawiin, mipui ten kan theihtawp kan chhuah a nih chuan he natna hi kan umbo theih ngei tur thu a sawi bawk.
    Dr. Laldawngliana Sailo, CMO kaihhruai he hunah hian Dr. Lalhlunpuii, TB Officer chuan kum 2014 chhungin Serchhip District chhungah Chuap TB vei 51 leh TB dang vei 37, an vaiin 88 hmuhchhuah an nih thu sawiin, mi 3 in nunna an chan tih an sawi a. Kumin a thla thum (Jan-March) chhungin Chuap TB vei 10 leh TB dang vei 13 hmuhchhuah ni tawhin TB vei boral mi pakhat an awm tawh thu sawiin, MDR-TB vei mi 4 enkawl mek bakah TB damdawi eilai mi 36 an awm thu a sawi bawk. He hunah hian TB vei enkawlna kawnga hma la \ha te hnenah chawimawina hlan niin Health Department Staff zingah Lalinmawii, Chhingchhip leh Voluntary-a hna thawk zingah Sangluaii, Chhiahtlang chuan chawimawina hi a dawng a. Heng mite bakah hian TB damdawi ei \ha, CMAI hnuaia TB enkawlna-a hna thawk \ha leh TB Forum-a hnathawk \ha te hnenah pawh chawimawina hi hlan a ni bawk.

Comments

Popular News (Last 30 Days)