Chhiahtlang dai-ah Truck chesual ah 1 thi

Inrinni (March 21, 2015) zan dar 6:30 leh 7:00 inkar vel khan Chhiahtlang leh Chhingchhip inkarah balu phurtu Truck pakhat chu chesualin Truck khalhtu hi a hmunah a boral.
He Motor hi Hmun\ha leh Khawbel inkar kawng siam\hat (Blacktop) hna thawk mektu Zorby Company ta niin Inrinni khan Tuichang-ah Balu la turin Truck dang 3 nen an kal a. Inrinni zan dar 6:30 leh 7:00 inkar vel khan Chhiahtlang a\anga Chhingchhip lam KM 6 vela hla, Thing-hmunkawn thlen dawnah chesualin kawngthlang ah a tlan-liam a, kawngthlang ah hian meter 10 vel lumin he Motor khalhtu Laldikliana (37) h/o Lalthanmawii, Falkawn chu a hmunah hian a boral nghal a ni. He Motor a chuang 2- Jacob Lalhunmawia (22) s/o J. Rohmingliana leh Philip Lalchhuanmawia (19) s/o Robert R. Lalsangzuala, Khawbel khua ve ve te chu kawngpui-ah vakchhuakin helai hmuna kal lirthei remchang hmangin Serchhip damdawi In rawn panpui an ni a, an dinhmun enfiah anih hnuah admit niin ngaihtuahawm erawh an nilo a. He Motor a chuang ve bawk, Lalnunkima s/o Lalchhuanga, Khawbel leh Lalrengpuia (Handyman), Champhai lam mi te chu Chhingchhip PHC panpui niin ngaihtuahawm an nih loh avangin First Aid pek an nih hnuah In lama inenkawl tura chhuahtir leh nghal an ni. He Motor khalhtu Laldikliana hi Samtlang lam chhuak nia sawi niin Falkawn-ah hian a nupui fanaute nen an khawsa a, a ruang hi Chhiahtlang khua in Kuang siam sakin Inrinni zan vek khan Falkawn panpui a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai