VC leh LC inthlanpui buatsaih turin inbuatsaih mek a ni.

Mizoram District 6-a Village Council leh Local Council inthlanpui chu February thla tawplam a buatsaih turin Mizoram State Election Commission chuan hma a la mek.
State Election Commission hotute hnen a\anga thudawn danin Mizoram-a VC leh LC term hmanlai chu Feb. 23, 2015 khian a tawp dawn a, a term a tawp hmaa inthlanna buatsaih tur hian State Election Commission chuan hma a la mek a ni. Mizoram sorkar chuan tunhnai khan VC inthlan dan siam \hain VC Electoral Roll siam\hat hna chu Mizoram State Election Commission kutah pein VC Electoral Roll siam nan Mizoram Assembly Electoral Roll hman a phal bawk a. Assembly Electoral Roll hi VC Draft Roll atan hman a ni anga, heta \ang hian VC inthlannaa vote thlak thei turte chu lakchhuah an ni dawn a ni. VC Electoral Roll ennawn hna chu tun thla ni 30 a\angin thawh \an a ni anga, hemi ni a\anga February 4 thleng thunbelh dilna leh sawisel nei te tan dilna thehluh theih a ni anga, chungte chu Feb. 5 leh ni 7 inkarah chinfel a ni anga, hemi hnu hian VC Electoral Roll thar chhutchhuah hna thawh zui a ni anga, Electoral Roll thar hman theih tur chu Feb. 16-ah peihfel a ni ang. VC inthlanna neih turah hian Photo Identity Card hman ve dilna chu phalsak a ni bawk. Ruahmanna thar ang chuan Village Council term hi kum 5 a ni tawh ang a, hmeichhiate tan seat hauhsak a ni dawn bawk a. Local Council erawh a term pangngai kum 3 a la ni ang. VC hi tun dinhmun ah 508 awm mekin 30 tihbelh tum a ni a, Local Council hi 82 a awm mek thung.

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn