Social Network hmang fimkhur turin Home Minister in chah.

Home Minister R. Lalzirliana chuan Mizoram mipuite chu Social Network chi hrang hrang hman kawngah fimkhur turin a ngen tih a sawi a, ni 13.01.2015-a Tuikhuahtlang nula pawngsual rawna thi ni awm a WhatsApp lama thawndarh-a bul tumtu ni a ngaih Ruth Chalthansawmi (22), Saron Veng-a khawsa chu man a nih tawh thu a sawi.
Nimin khan Aizawl Press Club ah chanchinthar lakhawmtute kawmin Home Minister, Tuikhuahtlang-a nula pawngsual rawn anga dawt thu thehdarh chungchangah hian mi 5 man anih thu a sawi a, hemi chungchanga bul tumtu ber hian an Group mi 12 vel awmnaah fiamthu anga a phuahchhuah a nih thu Police te a hrilh a, Pu Zira chuan fiamthu ang pawh nise mi ti thlabar zawnga thu a thehdarh avang hian IT Act sec 66 leh IPC 203 hmanga thubuai siam sak an nih thu a sawi.
    Home Minister chuan Social Media hman chungchangah Mizoram mipui te fimkhur tura chah in, Social Network hrang hrang hmanga mipui ti chiai thei- mithi leh saruak thlalak thawndarh avangin lung In tan leh pawisa tam tak chawi tir theih an nih thu a sawi a. Mizoram thil thleng eng pawh mai chu vahchap kang ang maia a darh chak thu sawiin, motor accident-a hliam tuar thlalak te khawimaw laia mi ruang chhar, a awmdan ang anga thlalak thawndarh te, thuthang a dik leh dikloh finfiah lova thawn chhawn, vawrh darh kan pawisa mai lo te chu pawi a tih thu a sawi a. Social Media hmanga thu thehdarh chu IT Act leh a dang dang hmanga hrem theih an nih thu a sawi a. Tunhnaia Mizoram chhunga tualthahna rapthlak tak tak thleng chuan Home Minister a nih anga a tih lungngaih thu sawiin, mimal sualna avanga thihna rapthlak tak tak chu khawvel hmun hrang hrangah a thlen reng thu a sawi a, heng tualthihna thleng avang hian Home Minsiter in mawhphurhna a neilo tih sawiin, tualthihna thleng avanga Minister an nih a\anga banna thehluh a tum ve lo tih a sawi bawk.
    He hunah hian Aizawl SP, C.Laldina chuan, kum 2009 a\angin IT Act hmangin case 50 ziahluh a nih tawh thu sawiin, tun kumhnih khat chhung hian case ziahluh a tam belh hle a ni, a ti a. Case 50 ziahluh zingah CID Crime lama pekluh 17 a awm thu leh heng zingah hian 7 chu chargesheet an ni a, 9 pending awmin 1 chu hnawl a ni, a ti bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai