Serchhip-a END in chhiah chhung hnem

Serchhip-a Excise & Narcotics Department chuan kum kalta (2014) chhung khan zu leh ruihhlo chi hrang hrang \hahnem tak manin sorkar-ah chhiah Rs. 15,66,715/- zet an chhunglut.
Serchhip-a Excise & Narcotics Department hotute hnen a\anga thu kan dawn danin Serchhip-a END hian kum kalta chhung khan Rakzu litre 1767.050 zet manin Zu bilhlai |in 1302 an man a, Dawidim Kg. 4.77 manin Sapzu (IMFL) um puitling (750ml) 480 zet an man bakah ramdang a\anga lakluh Canned Beer um 1556 zet an man bawk a ni. Hemi hun chhung hian Zu siamna bel 102 leh barrel 9 manin heng an thil man kaihhnawih ah hian lirthei ke 2 nei 2, LMV 7, Auto Rickshaw 8 leh HMV 1 an man bawk a, MLTP Act hnuaiah mi 211 manin Case 188 an ziaklut bawk a ni. Hetihlai hian Serchhip-a END te hian hemi hun chhung vek hian Ganja Kg. 44 zet an man bawk a, Heroine pawh 0.012 Kg. an man bawk a, ND&PS Act hnuaiah hian mi 6 manin Case 3 an ziaklut bawk a ni. Serchhip-a END te hian kum 2014 chhung khan sorkar-ah chhiah Rs. 15,66,715/- zet an chhunglut a, heng zinga Rs. 15,32,795/- hi Foreign Liquor & Spirit a\anga an hmuh niin hei hi Sapzu leh a kaihhnawih a\anga sum hmuh niin heng zingah hian Assam Rifles a\anga Chhiah an hmuh te pawh a tel bawk.

Popular News

Mizoram-ah Faina Hapta hman \an leh a ni

Retailer bukna diklo 3 man