Latest News

Serchhip-ah Electoral Roll 2015 tlangzarh.

'Serchhip District-ah vote nei thei 831 in a pung.'
Kumin January ni 1-a kum 18 tling chinte laa Electoral Roll siamthar hna chu zawhfel a nih hnuah nimin Jan. 15, 2015 khan Electoral Roll thar tlangzarh a ni a, Serchhip District pumah vote nei thei (General Voters) 46,388 leh Service Electors 334 an awm a ni.
Election Commission of India in ruahmanna a siam anga Electoral Roll Special Summary Revision neih zawh taka Serchhip District chhunga Assembly Constituency pathum (Serchhip, Tuikum leh Hrangturzo) a hman tur Electoral Roll siam thar tlangzarhna hi nimin khan Serchhip DC’s Meeting Room-ah neih a ni a. He Electoral Roll thar a\anga a lan danin Serchhip District-a Assembly Constituency pathum ah Polling Station 77 a awm a, General Electors 46,388 (mipa-22,816, hmeichhia-23,572) leh Service Electors 334 (Mipa-297, Hmeichhia-37), an vaiin Voters 46,722 an awm a, Electoral Roll hmasa a tello Voters 1564 (Mipa-756, Hmeichhia-808) telh thar niin Voters 733 (Mipa-378, Hmeichhia-355) paih an ni thung a, Electoral Roll hmasa aia voters punna hi 831 (Mipa-378, Hmeichhia-453) niin, Electoral Roll hmasa a\anga Roll thara Voters te punna zat hi 1.79 % a ni. Heng Assembly Constituency pathuma Voters zawng zawngte hi EPIC (Electoral Photo Identity Card) siam sak vek an ni a, Electoral Roll a thun thar te erawh chu tun thla tawp a National Voters’ Day hman anih hunah an EPIC hi hlan an ni ang.
    Assembly bial malah 26-Serchhip (ST) AC-ah Polling Station 23 awmin General Electors 16,535 (mipa-7971, hmeichhia-8564) leh Service Electors 139 (mipa-120, hmeichhia-19), an vaiin Voters 16,674 an awm a. Roll-a thun thar 597 awmin Roll-a awmsa mi 210 paih an ni thung a, vote nei thei punna hi 387 (2.34%) a ni. Tuikum (ST) AC-ah Polling Station 29 awmin General Electors 14,797 (mipa-7361, hmeichhia-7436) leh Service Electors 98 (mipa-90, hmeichhia-8), an vaiin Voters 14,895 an awm a. Roll-a thun thar 498 awmin 238 te paih an ni thung a, vote nei thei punna hi 260 (1.76%) a ni. 28-Hrangturzo (ST) AC-ah Polling Station 25 awmin General Electors 15,056 (mipa-7484, hmeichhia-7572) leh Service Electors 97 (Mipa-87, Hmeichhia-10), an vaiin Voters 15,153 an awm a. Roll-a thun thar 469 awmin mi 285 te paih an ni thung a, vote nei thei punna hi 184 (1.22%) a ni bawk.

Comments

Popular News (Last 30 Days)