OFC phum chungchang sawihona nei

Airtel Company ten Serchhip khawpui chhunga 3G Fibre Cable phumna tur an laih avanga mipui ten har-satna an tawh chungchang chu nimin khan sorkar thuneitute nen sawiho a ni.
He sawihona hun Serchhip District Addl. DC, VL. Remliana Office Chamber-a neih ah hian Airtel Company ten OFC phumna tur an laih avanga mipui ten harsatna an tawh te sawilan niin he huna tel te chuan Airtel Company ten OFC an phum tawhna hi \ha taka chhilhin, muk \ha takin (Motor dai ngam turin) hnawh zel se an tih bakah kawngpui-a leivung leh vaivut awm te pawh fai takin kalsan zel se an ti a. He Cable phum turin a la hmabak, Serchhip Bazar laia kawngpui chu laihchhiat rem an tihloh tlan avangin Tuizemdumkawn a\anga Leisang Veng-a chhuak turin, Serchhip Hmar Veng kaltlangin he Cable phumna tur hi survey nise tiin hemi atan hian Survey Committee an din nghal a, tukin a\ang hian Survey hi neih nghal a ni ang. He sawihona hunah hian sorkar a thuneitute, Airtel Company leh YMA aiawhte an tel a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai