‘NLUP hi kan hek lova, Congress sorkar tih dikloh kan sawi mai a ni’ - ZNP Vice President

Zoram Nationalist Party (ZNP) Vice President K. Liantlinga chuan, "NLUP hi kan hek lova, NLUP dawngtu tur an thlan dan leh pek dan ah Congress sorkar tih dikloh kan sawi mai a ni," a ti.

ZNP Vice President hian Inrinni kalta, Jan. 17, 2015 khan Aizawl-a thuthar lakhawmtute kawmin ZNP Vice President chuan tunhnaia Mizoram Chief Minister in mi \henkhat ten Central a NLUP an hek nia a sawi chu an sawifiah. He hunah hian ZNP Vice President chuan NLUP chu sorkar Flagship Programme anih angin mipui ten rualkhai taka an chantlan tur a nih laiin Congress Party chuan an party mi leh sate duhsakna hmanrua ah an hmang a ni, an ti a. A thlangtu te pawh Congress Unit hruaitute nia sawiin, "NLUP dawngtu 88.6% chu Congress mi leh sa an ni a, a dang 11.4% chu neutral leh Congress a lut tura thlem nana pek a ni. He kalphung hi diklo kan ti a, an thiltih dan hi central ah kan thlen a. Central in a phut angin sawifiah se kan ti a ni," an ti a. Mipui tan nilo, party induhsakna atana Central sum cheng vbc. 1400 chuang an hmang hi chhui chiang turin Enquiry Commission din nise an duh hial zawk tih a sawi bawk.
    Hei bakah hian ZNP Vice President chuan MLPC Act hnuaia Zu permit lachhuah nana form Rs 20/- a hralh leh Zu lei phalna Rs 1000/- a tlanchhuah ngai te; Food Security buaipuia a tlawm thei ang bera Buhfai lei theih tura ruahman anih lai meka Congress sorkar in 58% lai Buhfai man a ti to te; Blood bag pakhat Rs. 550/- a hralh a ni te; School naupang chhun chaw tur kum chanve atan nuai zasarih chuang zet an bat sak mek a ni te; Parliamentary Secretary te enkawlna senso atana kumtin cheng vbc. 10 sen a nih laiin inremchen nana lirthei lei an khap leh si te; Aizawl hmasawnna thawhna tura Central in nuai 490 a rawn pek tawh AMC ah tun thlenga an la pe thei lo leh Sorkar hnathawk hlawh tur cheng nuai 3576 Department hrang hrang a\anga an pawtkhawm chunga sorkar hnathawk hlawh pek theihloh tam tak an la awm te chu State Plan Budget a\anga NLUP an hman dik loh avang leh Financial Management an thiamloh avanga cheng vbc. 5000 leiba awmte leh sum awm tawh lova K deposit-a cheng vbc. 880 an dah in a nghawng te niin a sawi bawk.