Mizoram larsap thar atan Dr. Aziz Qureshi lalut dawn

Uttarakhand Larsap \anglai, Dr. Aziz Qureshi chu sorkar laipuiin Mizo-ram Larsap atan a sawn a, hemi atan hian Dec. 30, 2014 zan khan khan sorkar laipui chuan hriattirna a chhuah a, Larsap a nih hun chhung chhiar zawmin kum 2017 May thla thleng, Mizorama awm tura tih a ni.
Thudawn danin Mizoram Larsap thar tur, Dr. Aziz Qureshi hi tun thla ni 9 khian rin-awmna thu tiam tira lakluh a ni dawn a, ruahman lawk ang chuan Dr. Aziz Qureshi hian naktuk Jan. 7 khian Uttarakhand khawpui Dehradun a\angin Delhi a thleng anga. Naktip-ah Delhi a\anga chhuakin Kolkata a\angin Lengpui Airport-ah rawn \um in Helicopter in |huampui Helipad-ah a rawn \um leh anga.  Hetah hian sorkar mipawimawh engemawzat in an lo hmuak ang. Lakluhna inkhawm (swearing- in- ceremony) chu Jan. 9, tlai dar 6 ah Raj Bhavan-a Durbar Hall-ah neih tura ruahmanna siam a ni.
     Dr. Aziz Qureshi hi kum 74 a upa a ni a. Lehkha thiam tak, Subject pathum-a Master Degree nei, LLB a nih bakah Political Science a doctorate degree nei a ni. Ukil hna thawk \hin Dr. Qureshi hi Madhya Pradesh a Congress hruaitu hlun a ni a, Minister a nih tawh bakah Lok Sabha MP a ni tawh a, May 15, 2012 a\ang khan Uttarakhand Governor hna thawk \anin Dec. 30 khan a hun hmang zo turin Mizoram-ah sawn a ni
    Dr. Aziz Qureshi hi Mizoram in tunhnaia Larsap a neih 6-na tur a ni a, Pu Vakkom Purushothaman chu sorkar laipuiin Nagaland-a a sawn avangin a bang a. July 9-a Mizoram a chhuahsan ni-ah Gujarat Larsap hlui, Pi Kamla Beniwal-i chu Larsap atan lakluh a ni a, mahse, ani pawh hi Aug. 6 zan khan sorkar laipuiin a ban leh ta mai a. Manipur Larsap, Pu Vinod Kumar Duggal chu Mizoram hmui tura tih a nih angin Aug. 8 khan lakluh a ni a, hemi hnu, Aug. 24 khan Maharashtra Larsap, K. Sankaranara-yanan chu Mizoramah sawn ni mah se, a hna hi rawn zawm lovin a bang a, hemi hnu deuhah hian a hmaa Mizo-ram hmuitu, Pu VK. Duggal pawh hi Manipur Larsap a nihna a\angin a bang bawk a, Meghalaya Larsap, Dr. KK Paul, Mizoram enkawl tel tura tih chu Sept. 16 khan Raj Bhavan-ah lak luh a ni a, tunah hian Uttara-khand Larsap, Dr. Aziz Qureshi chu Mizoram Larsap atan ruatin lakluh leh tura ruahman mek a ni.

Popular News

Mizoram-ah Faina Hapta hman \an leh a ni

Retailer bukna diklo 3 man