DBTS hman hnuah Bank Account tifello ten eirawngbawlna Gas an dawng thei dawnlo.

Sorkar laipui in mipuite hnena eirawngbawlna Gas a man tlawma a pekchhuah ah April 1, 2015 a\angin Direct Benefit Transfer Scheme hman a nih dawn avangin hemi hmaa inziaklut fel hmanlo ten eirawngbawlna Gas an dawng thei dawnlo.
Sorkar in Direct Benefit Transfer Scheme a kalpui tur chungchangah hian District Civil Supplies Officer, Pu Rosangmawia chuan nimin Jan. 6, 2015 khan a Office-ah tualchhung thuthar thehdarhtute kawmin an sawifiah a. He hunah hian MIZOFED (LPG) Serchhip Branch Manager, Pu FC. Malsawmtluanga chuan he ruahmanna kalpui a nih dan hrang hrangte tar-langin he huna tarlan a nih dan chuan Direct Benefit Transfer Scheme (Adhar) chu kumin January ni 1a\anga kalpui tur ni tawhin hemi atan hian tunah pawh eirawngbawlna gas bur 200 a rawn thleng tawh bawk a, mahse mipui lam an la inpeih loh avang in Mizoramah chuan sorkar kumthar April ni 1, 2015 a\anga kalpui tum a ni a, tunah chuan a sem dan pangngaiin sem leh rih phawt a ni dawn a. Mipuite chu a rang lama he Scheme hmang \angkai tura tihtur awm te tifel tura ngen an ni bawk.
    He ruahmanna hi a taka kalpui a nih hunah chuan eirawngbawlna Gas hralhruk thleng \hin chu ziaawm tawh tura beisei a ni a, sorkar in a man tlawma eirawngbawlna Gas a pekchhuahna avanga hlawkna pawh a dawngtu tur dik tak ten an dawng thei tawh dawn a ni. He hunah hian North Vanlaiphai, Thenzawl leh Chhingchhip-ah LPG Distributor an awm ve tho avangin heng khuaa MIZOFED a\anga LPG Connection nei te chu an khuaa Distributor te hnenah hian insawn ta se khawpui chhungah Gas a hnianghnar thei angem? tih zawhna chu Pu FC. Malsawm-tluanga chuan chhangin heng khuaa Gas Distributor te hi Consumer an neih theih zat limit siam vek a nih bakah Connection thar siamna chu Distributor te hlawkna a nih avangin Distributor te hian an duh veklo niin a sawi bawk.

Popular News

Mizoram-ah Faina Hapta hman \an leh a ni

Retailer bukna diklo 3 man