Chhungkaw pakhat-a Member 5 te rawng taka thah an ni.

Zirtawp zan dar 7:30 bawr vela Aizawl Republic Veng a misualin chhungkaw pakhat-a mi 5 a thah te ruang chu Inrinni khan Republic Veng Community Hall-ah vui niin tlai lamah phum a ni.
Thudawn danin Zirtawpni zan khan Laltlanchhuaha (37) s/o Parzuala Republic veng chu Aizawl Republic Veng-a Spingfield School building neitu, Sangliansiama (57) te In-ah Sunrider product zuar anga lutin In neitute hian nidang ah an lei sak \hin avangin an leisak theilo tih an lo hrilh a. Amaherawh chu pawisa dil zuiin Rs.1000 pek a nih chu duhtawk loa a dil belh hlawmchham hnuah eirawngbawlna gas bula Sangliansiama ding chu chemte in a vit zui ta mai nia thudawn a ni a, an awmpui hmeichhia chuan a Pu vittu hi namthluin a hlau thlabar chu Bathroom-ah a tlanzut zui ta nia thudawn a ni bawk. Hetiang thil a thlen hnu hian Sangliansiama farnu an In-a cheng, Vanlalchhungi (54) hlau tlanchhuah tum chu Laltlanchhuaha hian hnuk lutin a vit zui a, kawngkapui chu chhung lamah kalh zuiin an chhungkaw nu ber, Khualthangi, kum 57, (SBI Serchhip Branch-a Manager hna pawh lo thawk tawh) Bedroom a tlanlut chu um zuiin, a vihhlum hnuah a farnu fa, Samuel Lalrinchhana (14) s/o Chalkunga leh an fapa neihchhun Isaac Lalrinnunga (5) chu a vit zui leh a, Issac Lalrinnunga tihloh hi a hmunah hian boral nghalin Issac-a hi damdawi In panpui a nih laiin a boral ve leh bawk a, Sangliansiama te chhungkaw member zing ami, Architect Lalhriatpuia s/o Vanlalchhungi erawh chu hemi tlai hian hmundang ah zanriah a ei avanga a awm ve loh avangin a him hlauh thung a ni.
    He thil thleng thawm hria hian mi engemaw zat an pungkhawm nghal a, tualthattu a puh, Laltlanchhuaha hi pawn-ah chhuak theiloa a awm hnuin Sangliansiama te kawmthlang lam tukverhah zuang thlain, Springfield School bathroom chungah a \um ri chu hriain Hostel zirlai te chuan an man a. Veng mipui pungkhawm hian man in kut pawh an thlak hman nual nia thudawn a ni a, Police an lo thlen hnuah Police te hian lain In hnai ber, Lalhluti te In ah dahlutin Police leh khawtlang hruaitu ten an veng nghal a ni. He thil thleng hi mipui ten an hriat in helai hmunah hian mi tam tak an pungkhawm nghal a, heng mi pungkhawm te hian pawikhawihtu hi lakchhuah tumin thuneitute nen nasa taka innawrin pawikhawihtu an dahna In pawh hi tihchhiat nual a ni a. Amaherawh chu Police te hian dar 5:00 hnu vel, zing 2:30 vel khan a rukin him takin an chhuahpui thei a, tihtur \ul te tih a nih hnuah Jail-ah dah nghal a, Police te hian tualthah thubuai an siamsak nghal a ni.
    He vanduaina thlenga boral mi 5 te hi he thil thlen zan la la hian an ruang chu Aizawl Civil Hospital-ah Postmortem nghal niin a tuk, Jan. 10, 2015 (Inrinni) khan Republic Veng Community Hall-ah vuina neih a ni a. He vanduaina a boral ve,  Samuel Lalrinchhana erawh a ruang hi an khua, Chungtlang-ah lak a ni thung a. Midang 4 te hi Thlan pahnih (2) ah ruang pahnih (2) ve ve daha phumin Veng 22 a\angin \halai 1400 velin Thlan hi an laih sak a ni.
    Hetihlai hian Aizawl Police te chuan tualthattu a puh Laltlanchhuaha hi thu an la zawt zui mek zel a, a thusawi bawhzuia thil awmdan an chhuizuina ah a thusawi a\angin thu dik a awm mumallo nia sawiin, thu an la zawtfiah zui zel dawn niin an sawi. Hetihlai vek hian Laltlanchhuaha te chenna In hal tumtu a puh, Lalthangkhuma S/o Lengvenga, Republic chu Police ten an man niin kan thudawnna chuan a tarlang a. Amah hi Zu a rui hle nia thudawn niin In hi khawnvartui pawh a leih tawh niin kan thudawnna chuan a sawi bawk.

Popular News

Mizoram-ah Faina Hapta hman \an leh a ni

Retailer bukna diklo 3 man