Latest News

Boruak muanawm tak hnuaiah Hunpui hmang

Kristian te hunpui Krismas 2014 leh Kumthar 2015 lawmna chu Serchhip-ah pawh boruak muanawm tak hnuai ah neih a ni.
Heng Hunpui pahnih hman chhung hian Serchhip khawtlangah thil duhawmlo liantham thleng a awm lova, Veng \henkhat ah thihna tawk te awm bawk mah se khawtlang boruak tichhe khawp thil thleng a awm lova. Kohhran hrang hrangte pawhin kum hmasa lam aiin zaikhawmna boruak an neih \ha zawk niin a lang a, Kohhran \henkhat ten Kumthar lawmna ruai hi an nawn laiin Jan. 2-a ruai \heh chauh Kohhran engemaw zat an awm bawk a ni.Hunpui kan hmanliam takah chhung hian Dan bawhchhiaa chetna thleng pawh a awm lemlo tih Serchhip Police Station OC chuan kan Palai hnenah a sawi a, Serchhip mipuite pawhin hma kan sawn zel thu leh mipuite thuawihna chu lawmawm an tih thu a sawi bawk. Serchhip District Magistrate in Halpuah leh halmawi chi hrang hrang kawl, zawrh leh hman khapna thupek a siam chu mipui nawlpui in an zawm laiin Kumthar 2015 lawma halpuah hal erawh veng \henkhat ah hriat tur a awm thung a ni. Mizoram sorkar in ruahmanna a siam angin ‘Kumhlui Thlahna Concert’ pawh Dec. 31, 2014 khan neih a ni leh bawk a, Serchhip DC Office leh Serchhip Joint VC ten Dec. 31, 2014 tlai-a Serchhip Bazar-a he Concert huaihawt an tum chu khua in a bumro avangin zan lamah Serchhip DC’s Conference Hall-ah Concert hi neih niin zaithiam hrang hrangte an zai bawk a ni.

Comments

Popular News (Last 30 Days)