Posts

Showing posts from 2015

Serchhip-ah SAGY chungchang zirhona neih a ni

Saansad Adarsh Gram Yojana (SAGY) hnuaia MLA ten Model Village a siam tura an thlan khua te enkawl dan tur chungchang zirhona chu nimin khan Serchhip-ah neih a ni. SAGY chungchang zirhona nimin a Serchhip DC’s Meeting Room-a neih hi Teresy Vanlalhruaii, MCS, Project Director, DRDA, Serchhip chuan hawngin he hunah hian District Team of Trainers te leh MLA ten Serchhip District chhunga Model Village atana siam tura an thlan khaw hrang hrang vil tura ruat Charge Officer te an tel a ni.

SAGY hnuaiah Serchhip District chhunga khaw 7 te Model Village-ah siam tum a ni

Serchhip District chhunga Assebly bial 3 awm ah MLA ten Model Village a an siam tur khua 5 a awm a, hei bakah hian Mizoram in MP pahnih kan neih ten Model Village atana siam turah Serchhip District chhunga khua an thlan ve ve avangin Serchhip District chhunga Model Village a siam tur khua 7 a awm a ni.

Special Summary Revision of Photo Electoral Roll neih tur atan Serchhip District-ah inbuatsaihna kalpui \an a ni.

Election Commission of India in Special Summary Revision of Photo Electoral Roll nei tura hriattirna a chhuah chungchang ngaihtuahin Serchhip District-Level Standing Committee on Electoral Roll Revision, 2016 chu nimin khan SDO (Sadar), L. Rinliana, MCS hovin Serchhip-ah an \hukhawm a, Electoral Roll Revision neih dan tur sawiho a ni.

Serchhip Town chhunga VC Executive Body thar

Serchhip Town chhung Village Council hrang hranga Executive Body hetiang hian siamfel a ni :

Serchhip District-ah VC Executive body din thei vek

Serchhip District chhunga Village Council inthlan-pui neih zawh taka thlantlin thar te chuan Executive Body an din thei vek a ni.

Mi Sangha Dil-a Sangha man rutute man

Serchhip Hmar Veng mawng, Hmawngawn lui kama mi Sangha Dil a sangha man rutu nia hriat mi 4 te chu nizan hmasa khan helai hmuna ram riak ten an man.

Chief Minister in AROGYA Mela 2015 hawng.

Kumin ah Thenzawl-a AYUSH Hospital hawn beisei. Union Ministry of AYUSH leh Mizoram sorkar Health & Family Welfare Department (AYUSH) buatsaih AROGYA Mela 2015 vawi 4-na chu nimin khan Aizawl-ah neih \an a ni a, ni 4 chhung neih a ni ang.

Serchhip-VIII ah INC in sorkar siam dawn

Village Council inthlanpui neih zawh a nih hnuah VC Executive body insiam chhoh mek a ni a, Serchhip-VIII ah chuan MNF Candidate tling tam zawk mah se Congress VC a ding dawn nia thudawn a ni.

Zirlaite sum pe dawn

Nimin a HSLC Exam result chhuaka Govt. High School Ser-chhip a\anga 1st Division-a pass mi 4 te chu he School a\anga zir-chhuak, Lalhriatrenga Chhangte, Mining Engineer chuan Rs. 5000 \heuh a pe dawn a. He School Headmaster, S. Vanlalchhunga pawhin Rs. 1000 \heuh a pe dawn bawk.

HSLC Exam-2015 result chhuakah 68.30% in an pass.

Image
Mizoram Board of School Education (MBSE) chuan nimin khan High School Leaving Certificate (HSLC) Examination 2015 result a tichhuak.

Serchhip-a dawr rawktu darkar 6 chhungin manchhuak

Serchhip Venglai-a Mizo Canteen (Prop - Robert Lalmuanawma) chu nizan hmasa khan misual ten rawkin FIR thehluh a\anga darkar 6 chhungin dawr rawktu nia hriat hi Police ten an man nghal.

Vawiin ah District 6-ah VC thlanna neih a ni dawn.

Serchhip District-ah inbuatsaihna a tluang.Vawiin April 30, 2015 hian Mizoram District 6-ah Village Council leh Local Council inthlanna chu neih a ni dawn a, zing dar 7:00 a\anga vote thlak \anin zanin tlai hian vote tla te chhiar nghal a ni ang.

Serchhip District-a Polling Station List

April ni 30, 2015 (Ningani) a Village Council inthlan lo awm tura Serchhip District chhunga Vote thlak theihna (Polling Station) hming, Polling Station khat huam chhunga chhungkaw awmzat leh vote thlak thei zat bakah Polling Booth leh Voting Compartment awm zat a hnuai ami ang hian ruahman a ni :

Education Director inthlak zing MZP in \ha an tilo

Kum 2009 a\anga tun thleng (kum 6 chhung) in Mizoram sorkar School Education Department chuan Director 9 a nei tawh a, hei hi MZP chuan \ha an tihloh thu an sawi.

Serchhip Bazar Building rawk a ni

Inrinni (April 25, 2015) zan khan Serchhip Bazar building chu rawk leh a ni a, Bazar rawktute hian thawmhnawi chi hrang hrang, pheikhawk leh Make-up an zawrh Rs. 70,000/- chuang hu ruin hemi chungchang hi Serchhip Police te chuan chhui zui nghalin he thila inhnamhnawih nia hriat- C. Lalramhluna (22) leh Lalruatfela (22), New Serchhip North nia insawi ve ve chu nimin khan an man nghal a ni.

SEC in vote neih zat sawifiahna siam

Mizoram State Election Commission chuan Village Council leh Local Council inthlanna neih tura vote neih dan tur sawifiahna thuchhuah a siam.

Polling Station ven ngun ngai bik 21 awm.

April ni 30,2015 a Mizoram District 6-a Village Council leh Local Council inthlanna lo awm turah Polling Station ven ngun bik ngai 21 a awm a. Zirtawpni thleng khan State Election Commission (SEC) chuan Model Code of Conduct bawhchhiaa puhna, complaint 5 a dawng tawh bawk.

Alkatra rukbo tum leh a rutu a puh Serchhip Police ten man.

East Lungdar leh Sailulak inkar kawngpui siamna tur Alkatra barrel 15 rubotute chu nimin zing khan Serchhip Police ten Kei\um-ah an man.

Inremna la nei theilo

Serchhip-a Nursing School sak mek, a rem neitute thilphut tih hlawhtlin a nih loh avanga hun engemaw chen chawlhsan tawh chungchang chu niminpiah khan Chief Secretary hovin Aizawl-ah sawiho a ni a. Thutlukna mumal tak erawh an siam theilo nia thudawn a ni.

Heroine zuartu a puh man

YMA Sub-Hqrs. Serchhip Anti-Drug Squad te chuan nimin khan Serchhip-a Heroine zuar \hin a puh, Vanlalsiama (30) s/o Liansiami, Aizawl Bawngkawn-a khawsa mek nia insawi chu an man.

Assembly Budget Session tluang taka zawhfel a ni

Ni 7 chhung neih a nih hnuah Mizo-ram Legislative Assembly Budget Session chu nimin khan zawhfel a ni ta a. Session neih chhung hian harsatna awm lovin Sorkar a\anga lut bill 7 pass vek a ni.

Zokhawthar-ah Land Custom Station hawn a ni.

Union Minister of State for Commerce and Industry Pi Nirmala Sitharaman chuan nimin India leh Myanmar insumdawn tawnna tur Zokhawthar Land Custom Station chu a hawng.

Tripura-a Tuikuk hruailet tur enfiah nan Kum 1995 Electoral Roll behchhan ah la hmang.

Home Minister, R Lalzirliana chuan Mizoram a\anga Tripura a pem thla, Tuikuk hruaikir leh turte chu Mizoram mi an ni ngei em tih enfiah nan kum 1995 Electoral roll behchhana hman a la ni reng tih a sawi.

SSA kalpui mek chungchang thlirho

Serchhip District-a SSA Mission thuneitu sang ber District Education Committee chu nimin khan an Chairman, District Bawrhsap, Juhi Mukherjee, IAS hovin a Office Chamber-ah an \hukhawm.

Serchhip-ah World TB Day hman a ni.

Kumin ah TB vei 23 hmuhchhuah an ni tawh.Nimin March 24, 2015 kha World TB Day niin Serchhip-ah pawh he Ni pual hian zingkar ah inkhawm neih a ni a. Kumin chhungin Serchhip ah TB vei 23 hmuhchhuah an ni tawh tih he hunah hian tarlan a ni.

MSU in School Timing sawn lo turin hma la

Mizo Students’ Union (MSU) Gen. Hqrs. hruaitute chuan nimin khan Serchhip-a thuthar lakhawmtute kawmin sorkar in School kai hun tihhma a tum chu mipui tam zawk duhdan anga tih danglam a nih loh chuan Session thara School kai Ni a\angin lungawilohna lantir an tum thu an sawi.

Swachh Bharat Mission Faina Hapta khar a ni.

YMA Area fai berah Serchhip Vengchung.Rampuma Faina kawnga hmalakna, Swachh Bharat Mission tih hlawhtlinna atana kar kalta a National Rural Drinking Water and Sanitation Week hman puala Serchhip-a YMA Area fai thlanna neih ah Serchhip Vengchung Branch chu Veng fai berah thlan a ni.

Chhiahtlang dai-ah Truck chesual ah 1 thi

Inrinni (March 21, 2015) zan dar 6:30 leh 7:00 inkar vel khan Chhiahtlang leh Chhingchhip inkarah balu phurtu Truck pakhat chu chesualin Truck khalhtu hi a hmunah a boral.

Vawiin a\angin Zu zawrh tum; Zu zuar tur ten harsatna tawk.

Mizoram sorkar in Mizoram-a Zu khuahkhirhna Dan thar, Mizoram Liquor Prohibition & Control (MLPC) Act a siam angin Vawiin a\ang hian Zu zawrhchhuah tum a ni a, amaherawh chu Zu zawrh tumna Ven hrang hrang 5 zingah Veng 4 chuan an Veng huamchhung ah zu zawrh an remtilo tih an sawi thung.

April ah VC leh LC inthlan hun puan beisei

Mizoram District 6-a Village Council leh Local Council inthlan hun chu April thla tirah puan hman beisei a ni tih Mizoram State Election Commission thawktute chuan an sawi.

World Consumer Rights Day pualin Serchhip-ah Consumers te chanvo inhrilhhriatna neih a ni.

Nimin March 15, 2014 kha ‘World Consumer Rights Day’ a ni a, he Ni hi Pathianni a nih avangin Serchhip-ah chuan Inrinni, March 14, 2015 khan he Ni pual hian inkhawm neih niin thupui ah 'Healthy Diets' tih hman a ni.

Serchhip Town-ah VC Member 57 awm dawn

Village Council inthlanpui neih tura hman tur Electoral Roll nimin a tarchhuah tak a\anga a lan danin Serchhip Town chhungah Village Council 11 a awm dawn a, heng VC 11-ah hian Member 57 awm theiin heng zingah hian VC member 45 te chu mipa an ni anga, VC Member 12 te chu hmeichhia an ni ang.

VC inthlanna hman tur E. Roll tlangzarh a ni. VC 52-ah vote nei thei 45,945 awm dawn.

 Kumin a Mizoram District 6-a Villaeg Council inthlanpui neih tura hman tur Electoral Roll chu nimin khan tarchhuah a ni ta a, Ser-chhip District chhung Village Council 52-ah vote nei thei mi 45,945 an awm ang.

Zofate Chawlhbuk sa \an

Mizo Zirlai Pawl (MZP) chuan Zirtawpni, Feb. 6, 2015 a\ang khan Bo-rapansury-ah Zofate Chawlhbuk sak hna chu an thawk \an.

NGO 37 ten hna thawk mumal theilo

HIV/AIDS dona kawnga Mizorama hma latu, NGO 37 te chuan sum an hmuh \hin ang an hmuh theih tawhloh avangin hna an thawk mumal thei lo a, ruihhlo ti \hinte leh KS te an enkawlna tam zawk an titawp tawh.

Model Village-a vui leh vaina thlenna tur sawihona nei.

MP Model Village “Sansaad Adarsh Gram Yojana (SAGY)” Programme kalpui mekah Zirtawpni (Feb. 6, 2015) khan Chhiahtlang Community Centre-ah khawtlang mipui ten sorkar hmalakna chungchanga an vui leh vaina leh an ngaihpawimawhte an sawichhuahna hun buatsaih a ni.

Serchhip District chhunga DBTL hmang tura inziaklutlo te hmanhmawh turin ngen.

Eirawngbawlna Gas hmangtu mipui ten man tlawm zawka eirawngbawlna Gas an hmuh zui zel theihna tur, Direct Benefit Transfer for LPG (DBTL) hmang turin Serchhip District mipuite hmanhmawh turin ngen an ni.

Feb. 12, 2015-ah Total Bandh neih tum

MNF Gen. Hqrs. chuan tun thla ni 12 khian Mi-zoram pumah ‘Total Bandh’ neih nise an ti.

YMA in thisen pe; Thisen man chawi ngailo

Serchhip Chanmari Branch YMA chuan nimin Jan. 28, 2015 khan JN Hospital Serchhip Blood Bank-a dah turin thisen Unit 12 an pe a, hetihlai hian sorkar in thisen dawng turte hnena Processing Fee, thisen Unit khat (1) ah Rs. 550/- la tura a tih chu a taka kalpui ala ni lo.

Niti Aayog-ah NLUP sawifiah

Mizoram Flagship Programme NLUP hnuaiah Sorkar kum kal mek chhungin Mizoram sorkarin central a\angin sum hmuh a la nei lo a, NLUP sum hman danah Mizoram sorkar chu Niti Aayog hmaa a insawifiah hnuin sum hmuh tura beisei cheng vbc. 317 chu hmuh thuai beisei a ni tih NLUP Implementing Board Vice Chairman, PL Thanga chuan a sawi.

Model Village-a a hnathawk turte tan Serchhip-ah training neih \an a ni.

Mizoram-a MP ten Model Village atana Serchhip District a khaw pahnih an thlan, Khawlailung leh Chhiahtlang khua a hma la tura ruat bikte tan a training ni 5 awh tur chu nimin khan Serchhip-ah neih \an a ni.

Serchhip-ah India Republic Day hmangin District Bawrhsap in Hnam puanzar a pawtpharh.

India Republic Day vawi 66-na chu nimin Jan. 26, 2015 khan Serchhip-ah pawh urhsun takin Leisekawt Field-ah hman a ni a. District Bawrhsap, Juhi Mukherjee, IAS chuan India Hnam Puanzar a pawrpharh a ni.

Form lachhuak tam tawh

Mizoram-a Zu khuahkhirhna Dan thar, MLPC Act hnuaia Zu in leh kawl phalna nei turin nimin Jan. 20, 2015 thleng khan Serchhip District-ah mi 1580 ten dilna Form an lachhuak tawh.

OFC phum chungchang sawihona nei

Airtel Company ten Serchhip khawpui chhunga 3G Fibre Cable phumna tur an laih avanga mipui ten har-satna an tawh chungchang chu nimin khan sorkar thuneitute nen sawiho a ni.

‘Mipuite thlavang hauhna kawngzawh’ neih turah Thilman tihsan duhlotu te tel turin sawm.

Serchhip Block East MNF chuan naktuk-a ‘Mipui thlavang hauhna kawngzawh’ an neih turah sorkar in tunhnaia thil man chi hrang hrang a tihsan dulotute chu ‘Party’ sawi lova tel \heuh turin an sawm.

Serchhip-ah Fire Prevention Week hawng. Kumin ah khauh lehzualin Dan lekkawh tum a ni.

Mizoram sorkar in ruahmanna a siam angin nimin Jan. 19, 2015 khan Serchhip-ah kangmei laka fimkhur a \ul zia inzirtirna Hapta, Fire Prevention Week chu Serchhip-ah pawh a hawnna neih a ni.

DIPRO in MJA Member te kawm

Serchhip District Information & Public Relations Officer (DIPRO), Andrew H. Lalremruata chuan nimin khan Serchhip District MJA Member te Kumthar thing-pui inpuiin Mizoram sorkar in Press Accreditation Rules a siam thar chungchang a sawipui.

VC leh LC inthlanpui buatsaih turin inbuatsaih mek a ni.

Mizoram District 6-a Village Council leh Local Council inthlanpui chu February thla tawplam a buatsaih turin Mizoram State Election Commission chuan hma a la mek.

Serchhip |halai Pawl in Tuikhur tui enfiah

Serchhip |halai Pawl chuan tunhnai khan Ser-chhip khawpui chhung Veng \henkhat a mipui ten an tlan Tuikhur tui te enfiahin Tukhur \henkhata tui chu a thianghlim tawklo niin an sawi.

Tuialhthei man thar

Zirtawpni zan zanlai a\anga tuialhthei man tihhniam a nih hnuah Serchhip-ah chuan Petrol man hi litre khat zelah Rs. 57.76 a ni tawh anga, Diesel man pawh litre khat zelah Rs. 47.66 a ni tawh ang.

‘NLUP hi kan hek lova, Congress sorkar tih dikloh kan sawi mai a ni’ - ZNP Vice President

Zoram Nationalist Party (ZNP) Vice President K. Liantlinga chuan, "NLUP hi kan hek lova, NLUP dawngtu tur an thlan dan leh pek dan ah Congress sorkar tih dikloh kan sawi mai a ni," a ti.

MLPC Act hnuaiah PSU 3 ten Zu zawrhchhuah dilna thehlut.

Nimin a\anga Mizoram-a Zu khuahkhirhna Dan thar, MLPC Act hman a nih laiin Public Sector Undertaking (PSU) te zingah MIFCO, ZIDCO leh MMACO ten zu zawrh chhuah hna kalpui turin dilna an pelut tawh.

Mizoram pumah vote nei thei mi 713,574 an awm.

Election Commission of India remtihna in Electoral Roll Special Summary Revision ni 01.01.2015 a kumtling chinte tana buatsaih chu zawhfel a nih hnuah nimin khan Mizoram pumah Electoral Roll chu tlangzarh a ni ta a, Mizoram pumah vote nei thei 7,13,574 an awm a ni.

Social Network hmang fimkhur turin Home Minister in chah.

Home Minister R. Lalzirliana chuan Mizoram mipuite chu Social Network chi hrang hrang hman kawngah fimkhur turin a ngen tih a sawi a, ni 13.01.2015-a Tuikhuahtlang nula pawngsual rawna thi ni awm a WhatsApp lama thawndarh-a bul tumtu ni a ngaih Ruth Chalthansawmi (22), Saron Veng-a khawsa chu man a nih tawh thu a sawi.

Serchhip-ah Electoral Roll 2015 tlangzarh.

'Serchhip District-ah vote nei thei 831 in a pung.' Kumin January ni 1-a kum 18 tling chinte laa Electoral Roll siamthar hna chu zawhfel a nih hnuah nimin Jan. 15, 2015 khan Electoral Roll thar tlangzarh a ni a, Serchhip District pumah vote nei thei (General Voters) 46,388 leh Service Electors 334 an awm a ni.

Mizoram in kawng KM 7548-a thui nei

Mizoram sorkar in record a neih danin Mizoram-ah kawng km. 7548.00 thu neih mek a ni.

Hunpui denchhena Kawn chawimawi te chawimawina hlan.

Kum 2014 Krismas Kumthar (2015) denchhena Aizawl khawpui huamchhung Veng hrang hrang cheimawi te enfiah a nih hnuah a ti\hate hnenah Home Minister, R. Lalzirliana chuan nimin khan ‘Certificate of Appreciation’ a hlan.

Election Observer in Serchhip District a rawn tlawh.

Electoral Roll Special Summary Revision neih meka Serchhip District tana Observer tura ruat, Zothankhuma, IAS chuan nimin Jan. 13, 2015 khan Serchhip District-a Electoral Roll Special Summary Revision a rawn enfiah a, chawhnu dar 1:00 khan Serchhip District Addl. DC, VL Remliana, MCS Pisa-ah official pawimawhte a kawm nghal bawk.

NYK in District Level Sports Meet nei

Nehru Yuva Kendra (NYK) Serchhip District buatsaihin nimin (Jan. 13, 2015) khan National Youth Week pualin District Level Sports Meet neih a ni.

Dan siam\hatna tura MZP in rawtna an thlen tun thlengin sorkar in ala siam\ha lo.

MZP in ‘The Mizoram (Selection of Candidates for Higher Technical Courses) Rules, 1999’ siam\hatna atana sorkar hnen a rawtna a thlen te chu tun thlengin sorkar in ala siam\ha lo.

DBTL scheme-a inziaklut vek turin ngen

FCS&CA Minister John Rotluangliana chuan mipuite chu Direct Benefit Transfer of LPG (DBTL) Scheme hnuaia inziaklut vek turin a ngen.

Intlansiakna nei dawn

Nehru Yuva Kendra (NYK) buatsaihin Jan. 13, 2015 dar 11:00 AM hian Leisekawt Field, Ser-chhip P&E Veng ah Athletics Open Competition neiin Jan. 1, 2015-a kum 15-25 inkar tling chinte tan Meter 100, 500 leh 1000 intlansiakna, mipa leh hmeichhia tan neih a ni dawn a, a duh apiang tel theih a ni anga, lawmma pakhatna a\anga pathumna thleng \heuh siam a ni ang. He intihsiakna a tel duh te tan Ph. No. 9612027815-ah zawhfiah theih a ni ang.

Chhungkaw pakhat-a Member 5 te rawng taka thah an ni.

Zirtawp zan dar 7:30 bawr vela Aizawl Republic Veng a misualin chhungkaw pakhat-a mi 5 a thah te ruang chu Inrinni khan Republic Veng Community Hall-ah vui niin tlai lamah phum a ni.

National Youth Festival-ah Sports Minister tel. Lawngtlai tan Astro Turf tihfel thuai beisei.

Sports & Youth Service Minister, Zodintluanga chuan India ram hi ram nuamah a siam theih tih sawiin, \halaite chakna chu hman \angkai a nih chuan India hian nasa takin hma a sawn dawn a ni, a ti.

Serchhip-a END in chhiah chhung hnem

Serchhip-a Excise & Narcotics Department chuan kum kalta (2014) chhung khan zu leh ruihhlo chi hrang hrang \hahnem tak manin sorkar-ah chhiah Rs. 15,66,715/- zet an chhunglut.

Kum 2014-ah Police ten thubuai 75 ziaklut

Nikum (2014) chhung khan Serchhip Police Station-ah thubuai 75 ziahluh a ni a, thubuai ziahluh zingah hian rukruk thubuai a tam ber a ni.

Presbyterian Mizoram Synod hmalakna in Serchhip-ah FG&C Centre hawn a ni.

Presbyterian Mizoram Synod chuan nimin Jan. 8, 2014 khan Serchhip-ah Family Guidance & Counselling Centre(FG&CC) hawngin he Centre-a Councillor tur, Rev. C. Lalrintluanga chu dahnghehna neih nghal a ni.

Serkhan - Bagha Road Black topping enfiah duh.

Saipum Branch YMA chuan NEC sum a\anga Serkhan to Bagha Road kawng siam hna thawh mek chu awmze awm lovin sum a luanral an hlauh thu an sawi.

Liquour Card dilna hun hawn mek a ni

Mizoram hmun hrang hranga Excise & Narcotics Department chuan Dan hmanga Zu in phalna nei duhte hnenah dilna Form an hralhchhuak mek.

Sipai-a \ang duh tan

Army Recruiting Office, Sil-char chuan January 16-23, 2015 chhung hian Tripura state khawpui Agartala-ah India hmarchhak state hrang hranga \halaite tan sipai chi hrang hrang- Soldier Technical, Soldier Nursing Assistant, Soldier Clerk/Store Keeper Technical/ Clerk Inventory Management te a la dawn a. Hrechiang duh tan District Bawrhsap Pisa-ah Office hun chhungin zawhchian theih a ni.

DBTS hman hnuah Bank Account tifello ten eirawngbawlna Gas an dawng thei dawnlo.

Sorkar laipui in mipuite hnena eirawngbawlna Gas a man tlawma a pekchhuah ah April 1, 2015 a\angin Direct Benefit Transfer Scheme hman a nih dawn avangin hemi hmaa inziaklut fel hmanlo ten eirawngbawlna Gas an dawng thei dawnlo.

Mizoram larsap thar atan Dr. Aziz Qureshi lalut dawn

Uttarakhand Larsap \anglai, Dr. Aziz Qureshi chu sorkar laipuiin Mizo-ram Larsap atan a sawn a, hemi atan hian Dec. 30, 2014 zan khan khan sorkar laipui chuan hriattirna a chhuah a, Larsap a nih hun chhung chhiar zawmin kum 2017 May thla thleng, Mizorama awm tura tih a ni.

MLPC Act atan Official Gazette tun thla ah chhuah tum a ni.

Zu khuahkhirhna dan thar, MLPC Act 2014 hmang thei tura hriattirna, Official Gazette chu tun thla chhunga tihchhuah a ni dawn.

Boruak muanawm tak hnuaiah Hunpui hmang

Kristian te hunpui Krismas 2014 leh Kumthar 2015 lawmna chu Serchhip-ah pawh boruak muanawm tak hnuai ah neih a ni.

Kangmei venna kawnga hmalak dan tur ruahman. March 15, 2015 hmain Lo leh huan hal tur.

Mizoram pumah tun thla ni 19 leh 25 chhung khian Fire Prevention Week chu hman a ni dawn a, March ni 15, 2015 hmain Lo leh huan hal tur zawng zawng ten hal tur a ni bawk ang.

KUMTHAR CHIBAI VEK U