Posts

Showing posts from October 5, 2014

Mizoram sorkar sum hman dan zirchianna neih a ni.

Mizoram sorkar Finance Department hotute leh State Planning Board a hotute chuan nimin khan October, 2012 a\anga March, 2013 inkar leh April, 2013 a\anga September,2014 inkara Mizoram sorkar sum hmanna hrang hrangte zirchiangin Mizoram sum dinhmun te an sawiho.

UN peng te leh Mizoram sorkar thawkdun dawn

Mizoram ei leh bar dinhmun leh khawsak phung chawikang turin Mizoram sorkar leh UN Organisation hrang hrang te an thawkho dawn a, he project hi tun thla ni 16 khian Chief Minister Pu Lal Thanhawla chuan Aizawl-a Vanapa Hall-ah a hawng ang.

VC in Ui khuahkhirh tum

Serchhip-IV Village Council/Court chuan an huam-chhung ah Ui khuahkhirh tumin hma an la mek a, hemi chungchangah hian an area a YMA Branch ten hma la \an mekin Ui khuahkhirhloh khawlaia chhuak man te chu Rs. 200/- chawitir zel an ni ang.

Mizoram State Roads-II RTCP hawnna neih a ni.

Chief Minister Pu Lal Thanhawla chuan nimin khan Aijal Club-ah World Bank bultum Mizoram State Roads-II Regional Transport Connectivity Project a hawng.

MZP Assembly-2014 neih \an a ni

Mizo Zirlai Pawl (MZP) Assembly-2014 chu nizan hmasa khan Farkawn khuaa ‘Zofate Run’ ah neih \an a ni a, zanin hian a \iak ang.

Petrol la harsa zel

Kar hmasa tawplam a\anga Serchhip-ah Petrol ala thlen mumal loh avangin Petrol chu khuahkhirh mek zel ala ni a, nimin lam khan lir-thei hrang hrangte tan bithliah awm sa hmanga pekchhuah leh niin tun dinhmun ah Petrol dahkhawlsa hi a tlem tawh avangin Vawiin a\ang hian mipui hnenah pekchhuah a ni tawh dawnlo nia thudawn a ni a. Tuna Petrol la awm ang angte hi sorkar in rikrum thil leh thil pawi-mawh bik atana a hman theih turin dah a ni dawn nia thudawn a ni.
X Hetihlai hian Mizoram sorkar chuan thuchhuah siamin nimin khan Petrol phur Truck 4 leh Diesel phur Truck 10 te chuan Aizawl an rawn thlen beisei a ni tih tarlangin, Vawiin hian Petrol phur Truck 12 leh Diesel phur Truck 15 ten Aizawl an thlen beisei a nih thu a tarlang bawk.

Serchhip-ah Faina Hapta khar a ni. VC Area fai berah Chhiahtlang thlan a ni.

Serchhip-a Oct. 2, 2014 a\anga Faina Hapta hman chu nimin khan a kharna leh inelna buatsaiha ti\hate lawmman semna neih a ni a, Serchhip Town-a VC Area fai berah Chhiahtlang VC chu thlan a ni.

DIET in zirlai lawmlut

IGNOU Programme Study Centre, DIET Serchhip chuan nimin khan D.El.Ed (Diploma in Elementary Education) zirlai tharte lawmluhna hun an hmang a, he hun hi Serchhip DIET Principal, Pu Lalrammawia chuan hmanpuiin zirlai tharte fuihna thu sawiin, zirlaite chu IGNOU a nih avanga inthlahdah lo turin a chah a ni. IGNOU Prog-ramme Study Centre No. 1930, DIET Serchhip hian tun dinhmunah D.EL.Ed ti mek mi 200 awmin Course dang dang te nen an vaiin zirlai 205 an awm mek a ni.

Zangnadawmna sem chhunzawm zel

Serchhip leh Buarpui inkar kawng Asian Development Bank (ADB) sum hmanga laihzauh tur atana ram neitute hnena zawngnadawmna pek hna chu kalpui mek a ni a, zangnadawmna la turte hi a hming putu ngei kal tura beisei niin Voters ID leh ram pass/patta-na lehkha (Original) ken tur a ni a, mahni ngei kal theilo te tan VC ten anmahni  chhungte ngei an ni tih an hriatpuina lehkha kentel a \ul thung a ni.

Tuialhthei-ah harsatna thleng mek zel

Mizoram in tuialhthei a harsatna kan tawh mek angin Serchhip-ah pawh Petrol leh Diesel a harsa zui zel.

Mizoram hmundangte rualin Serchhip-ah Disaster Risk Reduction Day hman a ni.

Serchhip District Disaster Management Authority (SDDMA) buatsaihin nimin Oct. 8, 2014 khan Serchhip DC’s Conference Hall-ah Disaster Risk Reduction Day hman a ni.

Serchhip-ah Zonunmawi leh Career Awareness Campaign nei.

YMA Sub-Hqrs. Serchhip-a Education & Youth Affairs Sub-Committee buatsaih in nimin Oct. 8, 2014 khan Zonunmawi leh Career Awareness Campaign neih a ni.

Silai License nei in-report tur

Sor kar thu angin Silai License zawng zawng chu Online Registration tih vek a n dawn a, hei vang hian Serchhip District-a silai license nei zawng zawng chu Oct. 2014 chhunga DC’s Office-a in report vek tura hriattir an ni.

Best Discipline lawmman

All Mizoram Karate Association buatsaih, Inter District Karate Championship vawi 13-na chu In-rinni, Oct. 4, 2014 khan Lunglei ah zawhfel a ni a, District hrang hrang a\angin infiammi telin Serchhip District a\anga kal ten Best Discipline lawmman an la a ni.

Kumin ah Mizoram-ah Cyber Crime thubuai 14 ziaklut tawh.

Mizoram-ah kum 2009 a\anga kumin 2014 inkar chhung hian Cyber Crime thubuai 37 ziahluh a ni tawh a, heng zinga 14 te chu kumin chhunga ziahluh a ni a. Hetihlai hian Mizoram-ah Cyber Crime Investigation Cell chu kumin May ni 21 khan din a ni tawh bawk.

Heroine No. 4 man leh

Niminpiah Oct. 5, 2014 (Pa-thianni) khan Sub-Hqrs. YMA Ser-chhip Anti-Drug Squad (SADS) leh Excise & Narcotics Department te chuan Tuirial Airfield Peng-ah Heroine No. 4 Cane 6 an man.

Serchhip-ah tuialhthei a harsa mek

Tunhnaiah Mizoram-a Oil phurluh chungchang ah harsatna a thlen avangin Serchhip-ah pawh Petrol leh Diesel a harsa mek.

Buhfai mamawh Myanmar a\anga la turin FCS&CA Minister in Myanmar tlawh dawn.

Mizoram mamawh buhfai te Myanmar a\anga lakluh a nih theih dan tur chungchang ngaihtuah turin FCS&CA Minister, Pu John Ro-tluangliana chuan nimin khan Champhai thlengin Vawiin ah Tidim (Myanmar) a tlawh zui leh nghal ang.

E&N Deptt. in cheng vbc. 5 hu zet ruihhlo man tawh

Kumin chhungin Excise & Narcotics Department chuan zu leh ruihhlo, cheng vbc 5 chuang man an man tawh.

Oil zawn man cheng vbc. 15 sorkarah chhunglut tawh.

Mizoram a Oil leh Gas zawngtu Company te chuan an thil zawn man (license fee) atan Mizoram sorkar hnenah Rs. 1,52,372,541 an chhung lut tawh.

Squad Drive nei leh

Serchhip District Anti-Tobacco Squad te Inrinni kalta zing khan Serchhip Bazar leh a chhehvel-ah Squad Drive neiin dan in a phallohna hmuna mei zu mi 4 an man a, heng mite hi Dan angin pawisa chawitir an ni. Hemi hmalam hian sorkar Pisa hrang hrangah Squad Drive hi an lo nei tawh bawk a, heng ah te hian Awareness campaign neih nghal zel a ni bawk.

SADS in Serchhip-a hralh tur Heroine man

Sub-Hqrs. YMA Anti-Drug Squad (SADS) te chuan Inrinni (Oct. 4, 2014) tlai dar 4:45 vel khan Serchhipa hralh tur Heroine No. 4, Rs. 13,000/- hu vel an man.

IMR hniam avanga lawmman hmanga lei Motor te hman theih turin vailiam a ni.

Nausen kum khat hnuailam thihna tihtlem kawnga Mizoram in hma a sawn avanga 13th Finance Commission in Incentive Grant a pek a\anga lei Bolero 14 te chu Inrinni, Oct. 4, 2014 khan Aizawl a\angin vailiam a ni.