Posts

Showing posts from August 24, 2014

Minister hovin Contract hna pek chungchang sawiho.

PWD Minister Pu Lal Thanzara; PWD hotute leh Mizoram-a Class-I & Class-II Contractors hruaitute chuan nimin Aug. 29, 2014 khan Mizoram a contract hna pek leh thawh chungchang an sawiho.

Staff Nurse lak chungchangah tih theih neilo niin sawi.

Home Minister Pu R. Lalzirliana chuan Staff Nurse 20 lak turte chu Mizoram Public Service Commission (MPSC) kut a nih avangin sorkar-in tih theih a nei lo tih a sawi a, Nurse dang lak leh tur erawh Written Test tel lova la turin sorkar-in a ngaihtuah dawn a ni, a ti.

PMEGP hmu tur tifel

Kumin a Serchhip District-a PMEGP–Margin Money Scheme hnuaia loan lak dil te tana Interview chu neih zawh a nih hnuah Loan pek turte hi tihfel a ni tawh a. KVIC hnuaiah State Bank of India (SBI) in mi 23, Mizoram Rural Bank (MRB) in mi 29 leh Apex Bank in mi 3 thlengin KVIB hnuaiah SBI in mi 10, MRB in 28 leh Apex Bank in mi 14 an thlang a, District Industry Centre (DIC) hnuaiah SBI in mi 16 leh Apex Bank in mi 10 an thlang a, Loan pek tura thlan hi an vaiin mi 133 niin heng mite tana Margin Money dah chu cheng nuai 158.3 a ni.

Ramchhung hmundangte rualin Serchhip-ah Pradhan Mantri Jan-Dhan Yojan (PMJDY) hawng.

India ram mipui, Bank hmang \angkai pha lo tena pawisa  dah kher lova Bank Account an neih theihna tur Scheme- Pradhan Mantri Jan-Dhan Yojana (PMJDY) chu Aug. 28, 2014 tlai khan Serchhip-ah pawh hawn a ni. 

E. Lungdar-Sailulak kawng sawihona nei

Tuichangral Zirlai Pawl (TZP) hmalakna in nimin khan East Lungdar leh Sailulak inkar kawng siam\hat hna chak zawka thawh dan tur sawihona neih a ni.

K-Deposit zirchiang dawn

Mizoram Sorkarin kum tam tak a lo kalpui tawh leh Sorkar tin in a an buaipui, K.Deposit chu zirchian ngai nia hriat avangin sorkar chuan Joint Secretary (EA), Pu Lalmalsawma kaihhruaina hnuaiah a zirchiangtu tur Committee a din a. He Committee hian K-Deposit a sum dah a tam tial tial chhan leh a \obul, a \ulna chhan te, K-Deposit a\anga sum pekchhuah dan tur \ha zawk awm thei leh K-deposit head a dah pumpelh theih dan tur te an zirchiang dawn a, thla khat chhunga report thehlut tura tih an ni.

STEE 2014 chungchang H&TE Deptt. in sawifiahna siam.

Higher & Technical Education Department chuan thuchhuah siamin STEE 2014 chungchanga Mizoram sorkar dinhmun leh hmalakna te tarlangin, Zirlai pawl in August thla chhunga heng seat te cancel tura an ngenna chu ngaihtuah nawna, fel taka chinfel tlan hun nghak turin a ngen bawk.

Serchhip-ah Court building sak mek a ni

Serchhip-a Chief Judicial Magistrate cum Senior Civil Judge building chu ngawrh taka sak mek niin kumin October thla hian zawhfel hman tura ruahman a ni.

NIB Chairman in Serchhip-a NLUP Line Deptt. hotute a kawm.

NLUP Implementing Board Chairman, Pu JH. Ro\huama chuan nimin Aug. 28, 2014 khan Serchhip District chhunga NLUP hmalakna hrang hrangte a hmunah tlawhin, Serchhip-ah NLUP Line Department Official te a kawm nghal bawk.

NLUP Implementing Board Chairman in a \halam chauh puangzarlo turin Media te a chah.

NLUP Implementing Board Chairman, Pu JH. Ro\huama chuan nimin Aug. 28, 2014 khan Serchhip-a thuthar thehdarhtute kawmin NLUP hmalakna ah a \halam chauh ni lova a chhelam pawh puangzar zel turin a chah.

Court thleng lovin Zu man hralh theilo

Serchhip-a Chief Judicial Magistrate, Sr. Civil Judge ni bawk, Pi Lalrochami  Ralte chuan Force mi ten MLTP Act hnuaia Zu an man te chu Court thleng lovin an hralhchhuak theilo tih a sawi.

Thingtlang khua ah Solar Street Light dahna tur hawn a ni.

Thingtlang khaw hrang hranga Ni zung hmanga kawtthler tih enna tur- Solar Street Light engmawzat dahna tur bul \anna programme nimin Aug. 27, 2014 khan Aizawl a DLAO Conference Hall-ah neih a ni a, LAD Minister Pu P.C. Lalthanliana chuan Solar Light hmet eng in a hawng a ni.

Serchhip tlawh dawn

NLUP Implementing Board Chairman, Pu JH. Ro\huama chuan Vawiin leh naktuk hian Serchhip District chhunga NLUP hmalakna \henkhat a rawn tlawh dawn a, ruahman lawk ang chuan Baktawng Tlangnuam, Serchhip leh Thenzawl te a tlawh anga, Vawiin tlai hian Serchhip DC leh NLUP Line Department hotute a kawm dawn bakah MJA Member te a kawm nghal bawk ang. Pu JH. Ro\huama hi Mizoram KVI Board Chairman atana ruat thar, Pu K. Lianzuala, NIB Secretary Pu James Lalrin-chhana leh NLUP Chief Media Officer, Pu David L. Thangliana ten an rawn \awiawm ang.

Serchhip District-a Media te tan Dan leh hrai zirhona Serchhip-ah neih a ni.

Serchhip District Legal Services Authority chuan nimin Aug. 27, 2014 khan MJA Serchhip District Member te tan Dan hrang hrang zirna an buatsaih a, District Bawrhsap, Pi Juhi Mukherjee, IAS chuan a hmanpui a ni.

MJA Serchhip District thuchhuah

Image
Mizoram Journalists Association
Serchhip District


PRESS RELEASE

ADVERTISEMENT ATANA SERCHHIP A SORKAR DEPTT. THENKHATTE
INSENSO DAN SERCHHIP DIST. MJA TEN RTI HMANGIN AN DILCHHUAK


    Mizoram Journalists’ Association(MJA) Serchhip District chuan tunhnai khan Serchhip a sorkar Department lian zual te Right to Information (RTI) hmangin Kum 2013 - 2014 sorkar kum kan hman liam tak chhunga Development hnathawhna atana an sum hmuhzat leh Serchhip District MJA Member te enkawl Chanchinbu/Cable TV a Advertisement atana an sum sen tawh zat kan zawt a, hetiang hi chhanna kan hmuh khaikhawmna a ni.


Heng a chunga sorkar department hrang hrang te sum hmuhdan leh mipuiin an sum hmanna an hriat ve theihna tur Advertisement tihchhuah nana an insen dan han thlir vang vang hian Serchhip a sorkar Department hrang hrang te hian an hnathawh dan mipui hriat an hlau emaw tih mai tur a ni a, Department \henkhat te phei chuan an hnathawh dan hi mipui hriatpui an hlau hle niin a lang a, a bik takin PWD, …

Lok Adalat thukhawm

Thubuai nei ten Court thleng kher lova an thubuaia in-siamremna an neih theih dan tur sawihona hun, Lok Adalat chu nimin Aug. 26, 2014 khan Serchhip DC’s Office Video Conferencing Hall-ah neih a ni a, he hunah hian thubuai 6 ngaihtuah niin heng zingah hian pawisa inbat sak, nupa inkar chungchang leh inpuh hmingchhiat chungchang thubuai te a tel a ni. Lok Adalat -ah hian eng thubuai pawh ngaihtuah theih a ni a, Ukil rawih leh pawisa sen a ngai lova, Lok Adalat a thutlukna reng reng hi khawi hmunah mah zualko theih a ni lo bawk.

NLUP dawngtu insawifiah turin ti

Serchhip District-a NLUP No-dal Officer, Pu Lawmkima, MCS chuan report an dawn bawhzuiin Soil & Water Conservation Department hnuaia NLUP 2nd Phase-a beneficiary hma la \halo mi 13 hnenah September ni 13, 2014 ral hma ngeia insawifiah turin a hriattir a. Hemi hmalam hian Agriculture Department chuan NLUP-a hma la \halo mi 10 te chu hna an thawh \hatloh avangin insawifiah turin an lo hriattir tawh bawk a ni.

Lalvulmawia inkaphlum

Nimin Aug. 26, 2014 zing dar 4:00 vel khan Pu Lalvulmawia (39), Pu Pa\hiaua (L) fapa, Serchhip Din-thar Veng chu ama silai in a inkaphlum nia hriat a ni a, nimin vek khan vuiliam nghal a ni.

Serchhip Police ten kumtlinglo humhalhna Dan an zirho

Serchhip District chhunga Police Officer te tan naupangte humhalhna Dan hrang hrang zirhona chu nimin Aug. 26, 2014 khan Serchhip-ah neih a ni.

Khawpuia miretheite chawikanna tur RAY chungchang zirhona Serchhip-ah neih a ni.

Sorkar laipui in khawpuia miretheite chawikanna atana ruahmanna a siam, Rajiv Awas Yojana (RAY) chu Serchhip-ah pawh kalpui tum niin he ruahmanna zirhona hi nimin Aug. 26, 2014 khan Serchhip-ah neih a ni.

ZUALKO

Serchhip-II Village Council-a Vice President nilai, Pu T. Lalrin-sanga (63), Pi Liannghaki pasal, Serchhip Dinthar Farm Mual chu nimin Aug. 25 khan lungphuchawl in a boral a, Vawiin hian vuiliam a ni ang. Thudawn danin Pu Lalrinsanga hi nimin zing khan VC Sitting-ah pawh kalin an Sitting zawh hnua tuk\huan an eikham ah nikhaw hrelo in a awm thut a, JN Hospital panpui ni mah se damdawi In thlenpui a nih hma hian a boral hman nia thudawn a ni.

Revenue Department in mipuite hriattir

Revenue Department chuan Dan thar ‘The Mizoram (Land Revenue) Act leh Rules, 2013’ hmangin In hmun leh lo ram tehin pass chi hrang hrangte a siam chho mek zel a. Hetihlai hian Revenue Department hnuaia hnathawkte pawh mipui hnen a\anga sum leh therhlo la lo tur leh chutiang ti an awm chuan an chungah dan anga hremna lekkawh tur a nih thu hriattir an ni tawh tih sorkar chuan thuchhuah siamin a tarlang a. Chuvangin, Revenue Department dawr tuten Revenue Department hnuaia thawkte sum pe lo tur leh sum phut an awm pawhin Director, Land Revenue & Settlement hnenah emaw, Nodal Officer, Public Grievances, Directorate of Land Revenue and Settlement hnenah emaw, District Revenue hotu Settlement Officer emaw Asst. Settlement Officer hnenah emaw ziaka hriattir tura ngen an ni tih a tarlang bawk.

Mizoram-ah CTS hman diklohna a hluar hle niin sawi.

Tlangram leh hmun kilkhawr zawka thilsiamna hmun te \anpuina tura Central Sorkar in kum 1971-a a duan, Central Transport Subsidy (CTS) chu Mizoram-ah hman dikloh a hluar hle.

PRISM in Lokayuka Draft Bill awmze neilo ah an ngai.

Mizoram sorkarin Lokayuka Draft Bill a siam chu PRISM chuan hmantlak loh leh awmze nei lo ah an ngai tih sawiin, Lokayukta awmze nei leh hmantlak zawk an duh thu an sawi.

MZP in Mizoram Governor tur ruat dan Mizo mipui hmuhsitna leh thamlohna ah an ngai.

MZP chuan sorkar laipui in Mizoram Governor a ruat dan chu Central sorkar in Mizo mipuite a hmuhsitna leh a thamlohna ah an ngai tih sawiin, Prime Minister hnenah ziaka thlen an tum thu an sawi.