Posts

Showing posts from August 17, 2014

Maxi cab leh Lang bus dinna tur siam thar

Serchhip District Superintendent of Police, Pu Romil Baaniya, IPS chuan MV Act Sec 116 & Sec 17 (Act 59 of 1988) in thuneihna a pek angin Maxi Cab leh Bus stand a siam thar a.

Mizoram Police in mipuite fimkhur turin an chah

Mizoram Police chuan Facebook a mi bum ching laka fimkhur turin mipuite an chah.

DIG (SR) in chhimlama Police hmalakna te sawipui.

DIG (Southern Range) kalchhuak tur Pu LH. Shanliana, IPS chuan nimin Aug. 21, 2014 khan Lunglei-a tlawmngai pawl hrang hrangte kawmin Police te hmalakna leh mipuite tana hriat tur pawimawh hrang hrang a sawipui.

Chhingchhip-a lei tlahniam vangin chenna In 1 \hiah leh a ni.

Chhingchhip Mualpui-a National Highway-54 kawng chhuat tlahniam \hin kal zelah nimin Aug. 21, 2014 khan chenna In 1 chu \hiah leh a ni a. Hetihlai hian he lei tlahniam \hin helna tura kawng siam tur atana hmalakna ah tun thlengin ram lak fel ala nilo thung.

Sorkar pawm chanchinbu nilo a Display Advertisement pe tawhlo turin sorkar ngen.

Mizoram Journalists Association (MJA) chuan sorkar pawm chanchinbu nilo hnena Display Advertisement pe tawhlo turin Mizoram sorkar ngenin hemi chungchang hi an thlirzui tur an sawi bawk.

SEDNOC \hiat fel ta

Serchhip District NGO Co-Ordination Committee (SEDNOC) chu nimin Aug. 20, 2014 khan an Chairman, Pu R. Laldaihzauva In, Serchhip Bazar-ah \hukhawmin tunhnaiah Sub-Hqrs. YMA Serchhip huaihawta NGO Co-Ordination Committee dang a lo din takah chuan an pawl chu tihtawp mai nise an ti a, an sum la neih Rs. 2750/- chu MZP ten Borapansury-a Zofate Chawlhbuk an sakna tur atan MZP Gen. Hqrs. a chhunluh relin nimin vek khan MZP Hqrs. Serchhip kal-tlangin an hlan nghal a ni.

Indigenous leh Permanent sawifiah turin thawn.

State Technical Entrance Examination 2014 Category-I a Chakma zirlai 38 leh hnamdang 3 dahluh an nih chungchangah Higher & Technical Education chuan ‘The Mizoram Selection of Candidates for Higher Technical Courses Rules, 1999’ in Indigenous leh Permanent a tih chu hrilhfiah chiang turin Law Department-ah an thawn.

Serchhip Kawnpui kum 60-na sawiho

Serchhip Kawnpui, tuna Serchhip khua tih takin nakum (2015) a kum 60 a tlinna tur chungchang sawihona chu nimin Aug. 20, 2014 khan Serchhip-ah neih a ni.

M/s Mizo Carbon Products Pvt. Ltd. chhuifiah turin thlen.

Central YMA chuan M/s Mizo Carbon Products Pvt. Ltd. chhuichiangtu tur High Level Committee din \ha an tih thu Mizoram sorkar-a Industry Minister, Parliament Secretary, Secretary leh Director-ah lehkha siamin an thlen.

School kai hun sawn hma chungchang zirchiangtu tur sorkar in a din.

Mizoram sorkar in Mizoram-a School kai hun sawn hma a tum chu duhlo an awm mek laiin sorkar chuan School timing tih danglam chu \ha tiin zirchiang lehzualtu tur Committee din a ni.

MGNREGS hnuaiah ni 3 chauh inhlawhna pekchhuah ala ni.

Ni za inhlawhna MGNREGS sum hmuh tlem vangin State chhungah ni 3 chauh inhlawhna pek chhuah a ni.

Buhfai dinhmun tha niin sawi

MPCC Media Department chuan thuchhuah siamin Aug. 13, 2014 thleng khan Mizoram puma Public Distribution Centre 121 ah Buhfai Quintal 82,597 a awm nia tarlangin, khawi Centre-ah mah Stock awmlohna a awmlo niin an tarlang a. He thuchhuah a an tarlan dan chuan Aug. 13, 2014 khan Serchhip District-a PDS Centre 12 ah buhfai quintal 8447 a awm a ni.

Congress Thalai ten thisen pe

Serchhip Block Youth Congress Committee chuan nimin Aug. 19, 2014 khan JN Hospital Ser-chhip Blood Bank-a dah turin a thlawnin thisen an pe a. Thisen petu te hi Mipa 20 leh hmeichhia 4, an vaiin mi 24 niin Blood Bank-ah kalin an thisen te hi an pe a ni. Serchhip Block Youth Congress Committee te hian nikum  April thla khan thisen Unit 19 an lo pe tawh bawk a ni.

Serchhip DRDA Project Director thar

Serchhip District Rural Development Agency (DRDA) Project Director hna chelh tura ruat, Pi Teressy Van-lalhruaii, MCS chuan nimin Aug. 19, 2014 khan he hna lo chelh lailawktu, District Bawrhsap, Pi Juhi Mukherjee, IAS hnen a\angin a mawhphurhna a la ta a. Pi Teressy Vanlalhruaii hi Serchhip mi niin MCS 1998 Batch a ni a, Serchhip in District kan nih tirh khan Serchhip-ah Asst. Deputy Commission (ADC), tuna SDC kan tih tak ang hna hi alo chelh tawh a ni.

BSI Meeting neih a ni

Bible Society of India (BSI) Ai-zawl Auxilliary chu nimin Aug. 19, 2014 khan \hukhawmin Mizo Bible Revised Version siam chungchang leh pawimawh dangte te sawiho a ni.

Zirlai Pawl in School timing sawn hma duhlo

Mizo Students Union (MSU) in Mizoram-a School timing sawn hma an duhloh thu an sawi hnuah Lai Students’ Association (LSA) leh Mara Students’ Orga-nisation (MSO) te pawhin School timing hi sawn hma an duhloh thu an sawi.

AMC Licensing Regulation 2012 chungchangah NGO ten an dinna ala danglamlo tih an sawi.

Mizoram-a tlawmngai pawl hrang hrangte chuan AMC Licensing Regulation, 2012 chungchangah an dinna ala ngai reng tih sawiin, an ngenna te tih hlawhtlin a nih loh chuan Sept. 1, 2014 a\angin AMC Office kai turte an dan tur thu an sawi bawk.

Mizoram-a Motor 56,387 ah HSRP vuah a ni tawh

Mizoram sorkar in April 27, 2012 a\anga High Security Registration Plate (HSRP) vuah a kalpui a\angin lirthei 56,387-ah HSRP an vuah tawh.

Serchhip-a Gas dah tur man

Kar kalta Zirtawpni, Aug. 15, 2014 khan Serchhip a eirawngbawlna Gas dah tur phurtu Truck khalhtu chuan Aizawl-ah a Gas phurhlai bur 2 chu hralhin hei hi Supply Minister hovin man a ni nia thudawn a ni a. Hetianga Gas hralhru lai man a nih avang hian a Gas phurh hi Ai-zawl Zuangtui-ah hlanthlak a ni a. Gas hralhtu Driver hi thuneitute chuan hrem ngei an tum nia thudawn niin, amaherawh chu tunah  hian Motor leh a khalhtu bakah a Gas phurh te hi hren mek la niin karkhat chhunga Gas te hi Challan tihfel a nih si loh chuan Gas supply lo kal lehzel turah harsatna a thleng mai thei nia thudawn a ni.

YMA General Conference neih tur thlir lawk

YMA Sub-Hqrs. Serchhip-a Sub-Hqrs. Coordination Committee (SCC) chu nimin Aug. 18, 2014 khan \hukhawmin kumin a YMA General Conference neih tur atan thil pawimawh te an sawiho.

Technical Course zir tur thlanna result August thla chhunga siam\ha turin sorkar phut.

 Mizo Zirlai Pawl (MZP) chuan kumina Technical Course zir tur thlanna-a dan kalha Caterory-I pek nia an sawi, ram leilung fa nilo mi 41 te August, 2014 chhunga siam\ha leh turin Sorkar an ngen nawn.

UN in NLUP sum hmuh belh dan tur a dap sak dawn.

NLUP Implementing Board (NIB) Chairman, Pu JH. Ro\huama chuan NLUP sum hmuh belh dan tur United Nations in a dapsak dawn niin a sawi.

Vaihlo hralhchhuah kawm ah a hlauhawmzia 40% tarlan ngai.

Mizoram State Tobacco Control Society (MSTCS) chuan thuchhuah siamin 'Cigarette and Other Tobacco Product Acts 2003( vaihlo khuahkhirhna dan) section 7' in a tarlan angin Vaihlo hralh chhuahna reng rengah 40% khuhin vaihlo in hriselna a khawih chhiat theih dan (Vaukhanna thu) a lem leh a thu tarlan tur a ni, a ti.

Thuthar thenkhat :

YMA \hukhawm dawn

MLPC Dan tesep tun thla ah duan fel hman beisei

Mizoram-a Zu khap burna dan MLTP Act, 1995 thlakna atana tunhnaia Assembly in dan thar an siam Mizoram Liquor Prohibition and Control Act, 2014 a taka hman theihna tura dan tesep (rules) duan mek chu tun August thla chhunga zawh fel hman beisei a ni.

Mizoram-a PRRS leng in ziaawm lam pan zelin PRRS vei 872 hmuhchhuah an ni tawh.

Mizoram-ah Vawk 8542 te chu Porcine Respiratory and Reproductive Syndrome (PRRS) an vei leh veiloh enfiah tawh ah Vawk 872 in he natna hi an kai tih hmuhchhuah a ni tawh a, Serchhip District-ah pawh Vawk 154 te chuan he natna hi an kai tih hmuhchhuah a ni tawh bawk.