Posts

Showing posts from July 13, 2014

AH&Vety Department in NLUP sem

Serchhip District chhunga NLUP 2nd Phase AH&Vety Department hnuaia Poultry Beneficiaries te hnenah nimin July 17, 2014 khan \anpuina thawh hnihna sem a ni a, tun \umah hian beneficiaries mi 35 te hnenah Ar note 150 leh Archaw man tur Rs.8000/- pek an ni. NLUP 2nd Phase ah hian Serchhip Cluster-ah 19, Tuikum Cluster-ah 21 leh Hrangturzo Cluster-ah 25, an vaiin mi 65 an ni a, heng mite hnenah hian 1st Installment atan Ar In sakna tur atan Rs. 20,000/- \heuh pek tawh niin, 2nd Installment-ah hmanraw leina tu Rs. 4500/-; Tuizem siamna tur Rs.3000/- leh Dam-dawi lei na tur Rs1100/- \heuh pek an ni tawh a ni.

Phallohna hmuna Mei zu dapchhuak

Serchhip District Anti Tobacco Squad te chuan nimin July 17, 2014 khan Serchhip Bazar leh a chheh-vela mipui punkhawmna hmun leh mipui vantlang phur chu lirthei a meizuk khapna hmuna meizu te dap-chhuah hna thawkin COTPA 2003 in meizuk a khapna hmuna meizu mi 2 an man a, heng mite hi Dan angin pawisa chawitir nghal an ni.

Ha Doctor OPD-ah rawn theih ta

Serchhip District NGO Coordination Committee (SDCC) leh YMA Sub-Hqrs. Serchhip ten sorkar thuneitute hnenah an ngen angin JN Hospital Serchhip OPD ah Ha Doctor chu mipuite rawn theih turin an \hu ve leh ta a. Ser-chhip-ah hian sorkar-a a ngheta thawk Ha Doctor hi an awmloh avang leh NRHM hnuaia thawk Ha Doctor awm mek te chu OPD-ah \hu lova zirna In leh Anganwadi Centre te tlawh kual tura tih an nih avangin hun engemaw chen OPD-ah hian Ha Doctor rawn tur an awm tawhlo a ni.

Hna zawngtute tan Job Portal ruahman mek a ni.

Mizorama hna zawngtu ten awlsam taka hna an zawn theihna tur Mizoram Youth Commission hnuaiah Job Portal duan mek a ni.

AMC Chairman in thlawptu a ngah tawklo niin sawi.

Aizawl Municipal Council-a Opposition Councillor te chu intelkhawmin, rorellai Congress Chairman paihthlak an tum a, nimin khan MNF, ZNP leh MPC Councillor 10 te chuan Aizawl District Magistrate leh Urban Development & Poverty Alleviation Director hnenah resolution thehlutin, ‘AMC Chairman chuan Councillor thlawptu a ngah tawk tawh lo a ni’ an ti a, a nihna atanga paih tura ngenna an siam a ni.

Kumin ah MSHCS-ah mi 111,678 inziaklutin RSBY-ah mi 152,983 an inziaklut bawk.

Kumin sorkar kum kal mek 2014-2015 chhungin Mizoram State Health Care Scheme (MSHCS) hnuaiah mi 111,678 inziaklutin Rash-triya Swasthya Bima Yojana (RSBY) hnuaiah mi 152,983 an inziaklut bawk.

Vawk leh vawk note tipung turin hma la

AH&Vety Minister, Pu C. Ngunlianchunga hova sorkar mi pawimawh te nimina a Office Chamber-a \hu-khawm chuan PRRS leh natna dang avanga Mizoram-a Vawk leh Vawk note tlahniam ta tihpun leh dan tur an sawiho.

Ganja tam tham tak man

Serchhip-a Excise & Narcotics Department chuan nizan hmasa (July 15, 2014) zan dar 10:00 vel khan Serchhip Sailiamkawn-ah Ganja Kg. 44 zet an man.

Animal Feed Plant-ah ran chaw her hnem tawh.

AH&Vety Department chuan Tanhril hmuna Animal Feed Plant an neih a\angin Ar, Vawk leh Bawng chaw Kgs. 108,17,500 an herchhuak tawh a, heng te hi ranvulhtute hnenah man tlawm zawka hralhchhuah \hin a ni.

AMC huamchhungah Dawr khar dawn

Mizoram Merchant Association (MIMA) in AMC Licensing Regulations, 2012 an duhlohna an lantirna atan Vawiin July 17, 2014 hian AMC huamchhunga Dawr te khar a ni dawn.

Mizoram-a RGGVY hmalakna tur DRP thehluh tlai a nih avangin a muan phah.

Ramchhunga thingtlang khua zawng zawng Eng pekna tura ruahmanna, RGGVY hnuaiah Mizoram sorkar chuan ruahmanna kimchang (Detailed ProjectReport) a thehluh tlai avangin hnathawh a muan phah.

Sericulture Department in tanpuina sem

Sericulture Department chuan nimin July 15, 2014 khan Serchhip District Sericulture Office, Sericulture Complex, Kikawn-ah Institute of Village Programme (IVLP) kaltlanga Central Silk Board leh Sericulture Department, Govt. of Mizoram te hmalakna in pangang (Silkworm) keu sa leh khawi len sa (chowki-worm) an semchhuak a, heng te hi NLUP hnuaia pangngai khawi thlangtu mi 150 te hnenah 7500 Dfls (Disease Free Laying Eggs) zela sem niin a dawngtute hi Chhiahtlang, Serchhip, Thenzawl, Baktawng, Chhingchhip, Keitum leh Khawlailung khua te an ni.

BDFM hel nia hriat mi 4 Mizoram Police ten an man.

Mizoram Police te chuan tun thla ni 12 zan khan Silchar-ah Tuikuk hel, Bru Democratic Front of Mizoram (BDFM) mi nia hriat mi 4 an man.

Aizawl-a In chim ah hnamdang pakhat chin hriatloh in awm.

Niminpiah July 14, 2014 tlai khan ruahsur nasa avangin Aizawl Falkland Hebrai Veng-ah vai mistiri pakhat, Amar Hussein chenna In Assam Type chu a chim a, he In a cheng mi 6 chu In chim hian hnawlin mi 5 chu dam taka lak chhuah an niin nu ber chu he thu buatsaih lai theng hian hmuh ala ni lo.

Quarry-a thawkte hnenah Safety Helmet 226 sem a ni.

Mizoram Building and Other Construction Workers Welfare Board hmalakna in nimin July 15, 2014 khan Hlimen leh Melthum-a quarry hnathawktute hnenah Safety Helmet 226 sem a ni a, Central YMA hnenah Disaster Volunteer te hman tur Helmet 30 pek a ni bawk.

AMC Licensing Regulation 2012-ah ngaihdan thuhmun ala awm theilo.

Aizawl Municipal Council in Licensing Regulation a siam chu sumdawng pawl leh tlawmngai pawl te chuan an duhloh thu an la sawi zui zel a. AMC thuneitute chuan AMC Licensing Regulation chu sumdawn phalna ni lovin Sanitation Rules tihzauhna ang chauh a nih thu an sawi thung.

World Cup khaikhawmna thenkhat :

## FIFA World Cup 2014 chu ni-min, July 14, 2014 zing khan zawhfel a ni ta a,

MZP Hqrs. Serchhip in hmalak tum

MZP Hqrs. Serchhip chuan tunhnai khan Executive Meeting neiin Serchhip khawchhunga zirna In ten harsatna an neih te sutkian a nih theih nan sorkar ah theihtawp chhuaha hmalak nise an ti a. Tun dinhmun ah NIOS (Open School) te enfiahin MZP te nen a inremna an siam te inhrilhhriat leh nise an ti a. Govt. Higher Secondary School Serchhip a zirtirtu transfer, an aiawh dah loh chungchang leh Govt. Serchhip College building hrang hrang sak chungchang te pawh zirchian nise an ti bawk.

Mobile Phone hmangtu zingah Airtel hmang an tam ber.

Mizoram a Mobile Phone Service Provider hrang hrang zingah Airtel hmangtu an tam ber a, Airtel hmangtu hi mi 376,666 awmin, Mizoram pumah Mobile Connection nei mi 930,024 kan awm mek bawk.

Mizoram-ah Cancer thihpuitu an tam fal

Statistical Abstract of Mizoram-2013 a tarlan a nih danin, natna malkhai ah Cancer chu Mizorama thihpui tam ber natna a ni a, hetihlai hian kum khat chhunga mitthi chhinchhiah zingah kum 70 leh a chunglam an tam ber.

Mizoram-a mipa 73.6% ten meizial zu in 83.1% in vaihlo a\anga siam an hmang bawk.

National Health Survey vawi 3-na in a tarlan danin Mizoram a Mipa 73.6% leh Hmeichhia 16.1% ten meizial an zu a, Mipa 83.1% leh Hmeichhia 60.8% ten vaihlo a\anga siam a hmuam leh a ei chi ti an awm.