Posts

Showing posts from July 6, 2014

MZP Serchhip in lawmthu sawi

MZP Hqrs. Serchhip chuan MZP in Borapansury a Zofate Chawlhbuk an sakna turin Serchhip-ah pawh Bawm an dawh a, hetah hian Rs. 2361/- zet tlingkhawmin hemi atana sum thawhtu Serchhip mipui chungah MZP chuan lawmthu an sawi bawk.

Serchhip-a PES leh zirlai in lawmman dawng

Presbyterian English School Serchhip chu kum 2014 HSLC Examination ah Mizoram puma Presbyterian School HSLC Exam hmachhawn zingah ti\ha ber an nih avangin Synod Education Committee (SEC) chuan lawmman ah Desktop Computer Full set chu nimin khan an hlan a. An zirlai te zing ami Lianthangpuii s/o Vanlalzika, Chanmari Veng chu Mizoram a PES a mimal ti\ha ber dawttu anih avangin Laptop Computer a pe bawk. PES Serchhip te hian HSLC Exam hi kum 3 an hmachhawn tawh a, 100% an la passed vek a ni.

Zu khapna dan chungchang in sawizui a hlawh.

Mizoram-a zu khap burna Dan hman mek, The Mizoram Liquor Total Prohibition Act, 1995 thlaka The Mizoram Liquor Prohibition and Control Act 2014 hmang tura Bill pass a nih hnuah he Bill hian sawizui a hlawh nasa hle.

LAD in BPL SHG te \anpuina sem

Serchhip-a LAD chuan BPL Self-Help Group (SHG) 37 te tan nimin July 11, 2014 khan \anpuina pe chhuakin SHG kalphung zirhona neih nghal a ni.

Serchhip District-a NSSP kalpui mekah Naupang tana School him theihna tur zirho a ni.

Serchhip District-a National School Safety Programme (NSSP) kalpui mekah nimin khan Serchhip District-a zirtirtu thlanbik te tan School a naupangte him taka an awm theih dan tur zirhona “Sensitization Workshop on Non-Structural Mitigation in Schools under NSSP” neih a ni.

Assembly Session zawhna leh chhanna

Nimin a Assembly Session-a zawhna leh chhanna huna tarlan thenkhat :

Khawchhung inkalpawhna kawng hawng

Serchhip-II Village Council in MGNREGS sum cheng nuai 9 senga Serchhip Darnam kawrh (Rora chhutna kawrh) a\anga Darnam tlang panna kawng an siam chu Serchhip DRDA Project Director, Pu FJ. Liantluanga chuan nimin July 10, 2014 zing khan a hawng.

Zu khap burna Dan thlakna tur House-ah pawm a ni.

Mizoram-a Zu khap burna dan ‘MLTP Act 1995’ thlakna tura Zu khapna leh khuah-khirhna dan thar, ‘The Mizoram Liquor (Prohibition and Control) Bill 2014’ chu nimin a Mizoram Legislative Assembly Session-ah sawiho a nih hnuin pawm a ni.

Sorkar laipui in ruahmanna a siamfel hma chuan Mizoram-ah Food Security Act hmang theilo.

Food Civil Supoplies & Consumers Affairs Minister Pu John Rotluangliana chuan Central Sorkar in ruahmanna kimchang a siam hma chuan Mizoram-ah Food Security Act hman theih a ni rihlo, a ti.

Assembly Session thuthar thenkhat :

Thla 4 chhunga sorkar sum hman tur House in a pawm.

Larsap thar atan Dr. Kamla Beniwal lalut in Larsap hlui in Mizoram a chhuahsan.

Mizoram Governor thar atan Dr. Kamla Beniwal chu nimin July 9, 2014 tlai khan rinawmna thu tiam tira lakluh niin Mizoram Governor Pu Vakkom B.Purushothaman chuan nimin khan Aizawl a chhuahsan bawk.

Zirtirtute tan D.T.Ed training \an a ni

District Institute of Education & Training, Ser-chhip buatsaih kum 2014-2015 Session atana In-service Diploma in Teacher’s Education (D.T.Ed) Training tur Primary leh Middle School zirtirtute tan Induction Prog-ramme chu nimin July 8, 2014 khan DIET Conference Hall, Serchhip-ah neih a ni a, he hun hi SCERT Joint Director, Pi Laldawngliani Chawngthu chuan khuallian niin a hmanpui a ni.

Mizoram Legislative Assembly Budget Session ah thla 4 chhunga sum hman tur pharh a ni.

Nithum chhung awh tur Mizoram Legislative Assembly Budget Session chu nimin July 8, 2014 khan neih \an a ni a, nimin khan thla 4 (August-November) thla chhunga Mizoram sorkar sum hman tur chu Vote-on-Account a phar niin Vawiin ah sawiho a ni ang.

Dawr hawng thar

Rawn pan ve rawh le

Chanchinthar thenkhat :

Tourist Lodge zofel tep

Mizoram Governor tur ruat thar a ni

Mizoram chuan a \umkhatna atan Governor atan Hmeichhia a nei dawn niin a lang a, Gujarat Governor Dr. Kamla Beniwal (87) chu Mizoram Governor atan ruat niin he hna chelh mektu, Pu Vakkom B. Purusho-thaman chu Nagaland State Governor atan sawn a ni a, Tripura State Governor hna a chelh kawp rih ang.

Mizoram Presbyterian Kohhran in MLA te Zu khuahkhirhna Dan thar thlawplo turin an ngen.

Mizoram Presbyterian Kohhran puipate chuan Zu khap burna dan hlipa a khuahkhirhna dan thar hman Sorkar in a tum chu thlawp lo turin MLA zawng zawngte an ngen tih an sawi.