Posts

Showing posts from June, 2014

Latest News

Serchhip District-ah Lok Sabha Inthlanpui atana inbuatsaihna kal mek thlirho a ni

Image
Lok Sabha Inthlanpui neih tur atan Serchhip District-ah inbuatsaihna kalpui mek a ni a, he Inthlanpui neih tur atana inbuatsaihna hrang hrangte thlir hian nimin khan Serchhip-ah District Election Offficer leh Bawrhsap David Lalthantluanga hovin Nodal Officer te chu an thukhawm a ni.

Pa ei vangin mi 6 enkawl mek

@@ Inrinni June 28, 2014 khan Ser-chhip District chhung Khawlailung-a nufa

Mizoram CM in Union Home Minister-ah thlen

Chief Minister Pu Lal Thanhawla chuan Inrinni June 28, 2014 khan Union Home Minister, Rajnath Singh hmuin Mizoram mamawh hrang hrang a sawipui.

Childline in kum 3 chhungin case 565 an dawng hman.

Naupang \anpui ngaite \anpui tura din Childline chuan an dintirh March 2011 a\anga kumin June thla laihawl thleng khan naupang \anpui ngaite \anpui tura ngenna case 565 an dawng tawh.

A thlawna inentirna nei

Presbyterian Chhiahtlang Pastor bial inkhawmpui in alo rel tawh angin nimin June 27, 2014 khan Presbyterian Kohhran Chhiahtlang Pastor Bial buatsaih in Synod Hospital, Durtlang-a thawktu ten Chhiahtlang Venghlun Kohhran Hall-ah a thlawna inentirna an buatsaih a. He hunah hian damlo mi 250 vel inentirin mi \hahnem tak a thlawnin an zun leh thisen enfiah sak an ni a, damdawi \hahnem tak a thlawna sem a ni bawk.

Serchhip-ah Photo Exhibition nei

Serchhip Photographers Association leh Mizo Photographers Society (Aizawl) chuan nimin chaw-hnu a\ang khan Serchhip Bazar tual-ah Photo Exhibition an buatsaih a, he Exhibition hi Pu James Lalsiam-liana,District Agriculture Officer (DAO), Serchhip Photographer Association-a Adviser ni bawk chuan a hawng a ni. He hunah hian thla-lak 49 phochhuah niin heng zinga 16 hi Aizawl lama thla lak thiam ten an lak niin a bak 33 hi Serchhip khawchhunga thla la thiam ten an lak a ni. He Photo Exhibition hi tukin zing hian Serchhip Bazar tual-ah hian neih chhunzawm leh a ni ang.

Doctor chungchangah YMA in hma la

YMA Sub-Hqrs. Serchhip hruaitute chuan nimin June 27, 2014 khan Principal Director, NHM leh Director, Hospital & Medical Education te chu hmuin JN Hospital, Serchhip-a thawktu indaihlohna leh harsatna awm te an sawipui a, National Health Mission (NHM) hnuaia Dental (Ha) Doctor awmsa te chu OPD-a \hu tawh tura Order tihchhuah a nih tur thu thuneitute hian YMA hruaitute hi an lo hrilh a, Gynaecologist pawh Serchhip-a dah ngei tura hmalak a nih thu an lo hrilh bawk a ni.

Serchhip District-a NRLM kalpui dan chungchang thlirho

Serchhip District Level Coordination Committee on Mizoram State Rural Livilihood Mission chu nimin June 27, 2014 chawhnu khan an Chairman, District Bawrh-sap ni bawk, Pi Juhi Mukherjee hovin a vawikhatna atan an \hukhawm.

YMA in Chakma chhiarpui neih relin Minister pakhat ban turin CM-ah thlen an rel.

Mizoram-a tlawmngai pawl lian ber YMA chuan Mizoram-a Chakma awm te chhiarpui neih nise tiin Dr. BD. Chakma chu Council of Ministers a\anga ban turin Chief Minister hnenah thlen nise an ti.

Mizoram-a Zu khuahkhirhna tur Dan thar Assembly Session neih turah putluh a ni dawn.

Mizoram-ah kum 17 zet Zu khap burna dan hman a nih tawh hnuah Zu khuahkhirhna dan thar, The Mizoram Liquor (Prohibition and Control) Bill 2014 chu July ni 8 a\anga \an tur Mizoram Legislative Assembly Session-ah putluh a ni dawn.

Serchhip District AH&Vety Deptt. Report

District AH & Vety Office Ser-chhip chuan May, 2014 chhung khan OPD-ah ran 1642 enkawlin Mobile Case in ran 184 an en bawk a, ran 152 te hri danna pein Sa ei tura ran talh an chhinchhiah zat chu 7671 a ni bawk. Hemi hun chhung hian vawkpui 211 kahrai niin Vawk kahrai a\angin Vawk note 107 a piang a, Bawngpui 12 kaprai in Bawng kahrai a\angin Bawng note 8 a piang bawk. Serchhip District ah hian mimal ranvulh 220,251 a awm anga chhinchhiah a ni bawk.

Convex Mirror tar ta

District Transport Officer (DTO) Office, Serchhip in Serchhip-a hman tur Convex Mirror pali (4) a dawn chu nimin khan Serchhip Bazar (Dam-dawi In peng), AOC (P&E Peng), IOC (DC Office peng) leh New Ser-chhip (College peng) ah te tar a ni ta a. Convex Mirror te hi District Transport Officer, Pu Lalhmingliana hovin ZDU, Taxi Owners Association, Auto Rickshaw Owners Association leh MJA hruaitu ten an tar a ni. Heng Convex Mirror te hi mipui te tan \angkai tak a nih a beisei thu DTO chuan sawiin, mipui himna atana ruahman a nih angin mipuite pawhin neitu rilru pu in dim-dawi se a duh thu a sawi bawk.

Serchhip District Jail kumin a hawn beisei

Serchhip District Jail, Chhiahtlang-a sak chu kum 14 vel zet sak a nih tawh hnuah kumin chhung hian hawn hman beisei a ni.

Serchhip Block MNF hruaitu thlang thar

Serchhip Block MNF chuan tunhnai khan hruaitu thar thlanna neiin President atan Pu K. Tlangthanmawia (Bazar Veng); Vice President-ah Pu H. Lalthianghlima (Chanmari Veng); Treasurer-ah Pu Abrahama Chhangte (New Serchhip Bazar Veng) leh National Council Member (NCM) atan Pu C. Vanlalsiamthara (P&E Veng) te thlan an ni.

DRDA PD sawn dawn

Serchhip District Rural Development Agency (DRDA) Project Director, Pu FJ. Liantluanga chu tunhnaia a kaisan hnuah Mizoram sorkar chuan Joint Chief Electoral Officer (Jt. CEO) hna chelh turin a sawn dawn a, hemi atan hian Order pawh tihchhuah a ni tawh a, PD thar awm hma chuan District Bawrhsap in h mawhphurhna hi a chelh rih bawk ang. Hemi hmalam hian sorkar in DRDA-a Officer, kum thum mahni post-a awm tawhte chu alo sawn tawh bawk a, hemi ang hian Serchhip-a DRDA Officer te awmna sawnna tur chu tihfel alo ni tawh bawk a ni.

Ramlai M/S rawk a ni

Tunkar Thawhlehni, June 24, 2014 zan khan Serchhip P&E Veng a Ramlai Middle School chu rawk a ni a, a tuk zing ah he School a IV-Grade a thawk Pu BB. Thapa chuan School Office kawngkapui kalhna Tala chhutchhiat hmuin School rawk hi hriatchhuah a ni. School rawktute hian pawisa an zawng ber nia rin a ni a, Steel almirah te pawh hawngin pawisa bo a awmlo a, Computer UPS pakhat leh Towel hmanlai pakhat a bo thung. Ramlai Middle School hi a awmna hmun hi fianrial tak a ni a, \um 8 zet rawk a tawk tawh a ni.

Porcine Reproductive Respiratory Syndrome vangin Mizoram-ah Vawk thi tam tawh.

NLUP hnuaia Vawkpui vulhtu, Piglet Multiplication Centre chuan PRRS natna avangin vawk 1901 an chan tawh a, he nathna avang hian AH & Vety Department chuan vawk 243 an suat tawh bawk.

District Child Protection Committee thukhawm

Serchhip District Child Protection Committee chu nimin June 25, 2014 khan an Chairman, District Bawrhsap, Pi Juhi Mukherjee, IAS hovin an \hukhawm a, he hunah hian naupangte himna chungchanga hmalak dan tur leh Home hrang hranga naupang awmte tih hmasawn dan tur chungchang te sawiho a ni.

Bawnghnute man tihsan a ni dawn

Serchhip-a Bawnglian vulhtu intelkhawm, Multi Commodity Cooperative Society Ltd. Serchhip chuan tunhnai khan Assembly neiin Serchhip-a Bawnghnute man, no 1 Rs. 10/- ni \hin chu July 1, 2014 a\angin Rs. 20/- ah tihsan an rel a. Hei bakah hian an Society member zawng zawng te chu Share khat (1) Rs. 100/- pek belh \heuh nise tiin, December 2014 ralhmaa pek belh lo te chu Society Member nizui duhlo ah ngaih an nih tur thu an rel bawk.

Serchhip District-a NLUP Beneficiary list siam thar thlirho.

Serchhip District NLUP Committee chu nimin June 24, 2014 khan an Chairman, District Bawrhsap Pi Juhi Mukherjee, IAS hovin Serchhip DC Committee Room-ah an \hukhawm a, NLUP 3rd & 4th Phase Beneficiary Final List an thlirho.

MGNREGS kalphung thar sawihona nei

Tunlai hian Serchhip khawpui chhunga VC hrang hrangah MGNREGS hnathawh dan kalphung thar atana inrawnkhawmna Gram Sabha chu neih mek a ni.

Mizoram sorkar hnuaia hnathawk service pawhsei te titawp turin MSU in sorkar ngen nawn.

Mizo Students’ Union (MSU) Gen. Hqrs. chuan Mizoram sorkar hnuaia hnathawk an service pawhsei sak leh te chu a rang thei ang bera titawp turin sorkar an ngen nawn leh tih an sawi.

Electric current in man

Inrinni kalta June 21, 2014 zing khan Pu Zairema (54) s/o R. Pakunga, Khawlailung, P&E Department-a MR-a thawklai chu an khua ah Electric siam tura Electric ban-a a lawn laiin current in man palhin electric ban a\angin a tla zui a, a tirah biak theihloha awmin dam-dawi In panpui nghal a ni a, amah-erawh chu ngaihtuahawm lutuk ni lovin Inrinni vek khan Serchhip dam-dawi In rawn thlenpui a ni. Khaw-lailung Dinthar Veng lam electric pekna Transformer ah hian line on/off-na hi a \ha vaklo niin kan thudawnna pakhat chuan sawiin, hei vang hian electric chhia siam a nih dawn pawh hian Transformer-ah hian an off ngai lemlo nia thudawn a ni bawk.

NGO ten Chief Minister leh Health Minister hmuh tum

Tunhnaia din thar Serchhip District NGO Coordination Committee (SDCC) chuan Inrinni kalta, June 21, 2014 khan MHIP Sub-Hqrs. Office-ah \hutkhawm hmasa ber neiin JN Hospital Serchhip-ah Gynaecologist, Dental Surgeon leh Paediatrician dah thuai a nih theihna tur leh khum 100 awm theihna tur Serchhip District Hospital, kum 2012-a a sakna tur lungphum phum tawh chu hmalak thuai a nih theihna turin Chief Minister leh Health Minister te hnenah ngenna thlenin fehchhuah nise an ti. Hei bakah hian SDCC chuan Serchhip-a District Employment Exchange hawn a nih theihna tur leh District Jail sak zawh tawh hawn a nih theihna turin hmalak nise an ti bawk.

Pa ei vangin naupang pakhat in nunna chan.

Phawngpui Tlang bul\hut, Sangau khaw bul Sentetfiang khua-ah naupang kum 10 mi chu Pa ei sual avangin a thi.

Rukbo te tlanchhuah nan cheng nuai 10 phut.

Tripura hel pawl, National Liberation Front of Tripura (NLFT) mi nia hriat te’n June 14, 2014-a Mizoram khawthlang lam Rajiv Nagar leh New Kawnpui inkara hnamdang sumdawng pahnih an rukbote tlanchhuahna’n cheng nuai 10 an phut.

Bru raltlan laklet thawh 6-na zofel ta

Tripura-a Bru Refugee Transit camp a\anga Bru refugee te laklet thawh 6-na, ni 5 chhung awh chu Inrinni khan zawhfel a ni.

NIOS-a zirlai ten harsatna an tawh \hin sutkian a nih theih nan MZP in hma an la.

Mizoram-a NIOS hnuaia zirlai ten harsatna an tawh \hin sutkian a nih theih nan MZP chuan hma lain zirlaite pawhin Scholarship Board a\anga Re-Imbursement an dawn chu an hmukim thei tawh dawn nia thudawn a ni. 

College Admission changlo awmlohna turin hma la mek zel.

Higher & Technical Education Minister, Pu R. Romawia chuan College-a Admission changlo zirlaite'n seat an chan theih nan sorkar-in theihtawp a chhuah niin a sawi.

Bye-election atan hming pelut la awmlo

Chakma Autonomous District Council (CADC) hnuaia Borapansuri-II biala by-election neih tura chuh tuma hming pelut nimin thleng khan la awm lovin he biala inthlanna neih tum hi Chakma pawl hrang hrangte chuan dodal an tum tawhlo nia thudawn a ni.

Mizoram-ah Pseudo-Ephedrine (khehpuam) cheng vbc. 44 chuang hu zet man a ni tawh.

Mizoram Excise & Narcotics Department chuan Pseudo-Ephedrine tablet 598,69,632 man tawhin hei hi tualchhung rate in cheng vbc. 44 chuang hu niin Methamphetamine engemaw zat man a ni tawh bawk.

YMA Day pual Article :

YMA CHU.. - Maro Colneya Bungsut     YMA hi kalsual thei lo tur khawpa \ha ah mi tam takin an ngai a, Mizoram a tlawmngai pawl lian ber a nih vang leh 'Kristian nun dan tha ngaihsan' thupuia ringtu an nih avang pawh a ni mahna le. Engatinge an sel \hin? :     YMA chuan thil\ha tih a tum tlat avangin a hmalakna reng reng ah mitam takin mit leh beng an chhi a, a thiltih tam chu a \ha zawngin an thlira, a chhe zawnga thlir an awm bawk \hin. A hmalakna chu alian emaw, a te emaw, Mizo zawng zawng inzawmkhawmna thiltih a nih avangin a hmalakna an ngaichanga, a thutlukna chu Mizo pa thutlukna a ni. Thu zuk leh hnihne a awm thian loh avangin YMA ngaihdan chu kan thlir \hup \hin a ni. YMA hian thilsual a ti thianglo turah kan ngai vek a, a ti ngailo bawk. Mizo kan insuihkhawmna hrui lian ber a nih avangin min kaihruaitu ah kan ngai a. Kan inhumhimna a ni. He ka inhumhimna hian chak takin hma ala a, Mizote \hatna tur zawng zawng a ngaihtuah a. Sorkar pawhin a thutlukna a zaha, YM

Zofate Chawlhbuk sak tum MNF in an thlawp

MNF party chuan MZP ten Bo-rapansury-a Zofate Chawlhbuk sak an tum chu an thlawp tih an sawi.

Tuikuk raltlan te laklet hna \an a ni.

Tripura-a Tuikuk raltlan te laklet thawh 6-na chu nimin, June 17, 2014 khan neih \an a ni ta a, hriat theih chinah nimin khan chhungkaw 24 an lo let a ni.

Tribal/Hnam hnufualte dikna leh chanvo palzuttu nia puh te lakah ZWO in FIR thehlut.

Zofa Welfare Organisation (ZWO) hruaitute chuan Tribal/Hnam hnufualte dikna leh chanvo palzutna kawnga dan bawhchhetute chungah kar kalta khan Aizawl Police Station-ah FIR 2 an thehlut tih an sawi.

Mizoram-a chengte lungrual taka chenho duh

Central YMA President Pu Lal-biakzuala chuan Mizoram chhunga cheng te chu in pumkhat a, inlungrual taka chengho turin a sawm.

YMA Day pual Article :

YMA nghet taka ding zelin

YMA Day vawi 79-na lawm a ni

Mizoram-a tlawmngai pawl lian ber, Young Mizo Association (YMA) din champha vawi 79-na chu nimin June 16, 2014 khan Mizoram chhung leh pawna YMA dinna hmun hrang hrangah urhsun taka hman a ni .

Tripura-a Bru raltlante laklet thawh 6-na Vawiin a\angin neih \an a ni dawn.

Vawiin June 17, 2014 a\ang hian Tripura-a Bru raltlante laklet thawh 6-na chu neih \an tum a ni a, hemi atan hian ruahmanna pawh peih ni tawhin Mizoram-a anmahni dawngsawng turte pawhin an duty-na tur an thleng tawh bawk a ni.

Serchhip-ah World Blood Donors Day hmangin tlawmngaia thisen pe tam te chawimawi a ni.

Khawvel puma World Blood Donors Day Inrinni kalta June 14, 2014-a hman a nih rualin Serchhip-ah pawh he Ni pual hian inkhawm neiin kum kalta chhunga thisen pe tam te hnenah chawimawina hlan an ni.

A thlawna thisen pek tam

Damlo thisen mamawh ten an mamawh ang thisen a thlawna an hmuh theihna tura hma la tu, Association for Voluntary Blood Donation (AV-BD) in an chhinchhiah danin kum 2013-2014 chhung khan Mizoram ah thisen Unit 22,226 pek a ni a, heng zinga Unit 20,699 chu mi tlawmngai ten a thlawna an pek, Voluntary Blood Donation a ni a, hei hi thisen pek zawng zawng a\angin 93.13% a tling a. A bak Unit 1527 chu damlo chhung ten Blood Bank ami an rulhna, Replacement a ni thung a ni.

Damlo thisen pek ngai ten sum an chawi ngai tawh dawn.

Health Minister Pu Lal Thanzara chuan damlo thisen pek ngai ten sum tlem azawng an chawi a ngai tawh dawn tih a sawi.

Thuthar thenkhat :

Naktuk YMA Day @@ Naktuk June 15, 2014 hi Mizoram-a tlawmngai pawl lian ber, Young Mizo Association (YMA) din champhaphak vawi 79-na a ni a, he Ni hi Sunday-ah a tlak avangin Mizo-ram sorkar chuan naktip, June 16, 2014 (Thawh\anni) khi Pisa chawlh ah puangin YMA Day hi lawm a ni dawn thung a ni. Hetihlai hian YMA Branch tam tak chuan Vawiin hian YMA Day pual hian hun an hmang dawn bawk a ni. ### Thisen petute Ni @@ Vawiin June 14, 2014 hi khaw-vel puma midangte tana thisen petu te Ni, World Blood Donors Day atan hman a ni dawn a, he Ni pual hian hmun hrang hrangah hun hman tur niin Serchhip-ah pawh chawhnu dar 1:00-ah CMO Conference Hall-ah he Ni pual hian inkhawm neih a ni dawn a, Pu Lawmkima, SDO (Sadar) chuan khuallian niin a hmanpui ang. He hun hmanna ah hian kum kalta chhunga midangte tana thisen pe tam pawl hrang hrangte hnenah chawimawina thilpek hlan a ni dawn bawk a ni. ### SECC Draft List tar dawn @@ Socio-Economic and Caste Census (SECC) 2011 Draft List chu tun thla

Loneitute hman tur Tractor leh Rotavator pekchhuah a ni.

Loneituten man tlawm zawk leh hlawk zawka buh an lo tharchhuah theihna tur a nih beiseiin Agriculture Department chuan nimin khan District hrang hranga loneitute hman turin Tractor leh Rotavator a pechhuak.

MZP in UPSC Civil Services Coaching Centre din ngei duh.

MZP Gen. Hqrs. chuan UPSC Civil Services Coaching Centre din tumna awm thuneitute lam a\anga tihtawp a ni ta mai chu pawi an tiin hriatthiam har an tih thu an sawi.

Football Tournament khelh zawh a ni

Serchhip District Football Association buatsaih Under-14 leh Under-17 Football Tournament chu nimin khan khelh zawh a ni ta.

Kawngpui tarlanna Map siam turin ruahman

Serchhip khawpui chhunga kawngpui hrang hrang te dinhmun kimchang taka tarlanna Map siam tuma rua-hman a ni.

Chanchinthar thenkhat :

Kawngpui siam zo

June 25-ah ‘Zofate Chawlhbuk’ sak bul\an tum a ni.

Mizo Zirlai Pawl (MZP) chuan Borapansury-a ‘Zofate Chawlhbuk’ sak an tum chu tun thla ni 25-ah \an an tum tih an sawi.

Khawzawl-a inthahna thlengah a fapa in a pa a that nia hriat a ni.

Nizan hmasa June 11, 2014 zan dar 12:00 vel khan Khawzawl Vengthar-a cheng, Lianhenga (83) chu a fapa |huankipmanga (Mang-manga) kum 35 mi chuan a that nia sawi a ni a, a taksaah hliam hnuhma, a nghawng, a awm leh a ban-ah te a tam hle a ni.

World Day Against Child Labour hmang

Nimin June 12, 2014 khan Serchhip-ah World Day Against Child Labour pualin hun hman a ni.

Mizoram-a Gas tihchingpen leh black-a hralh awm \hin khauh taka vil turin ruahmanna siam a ni.

Food, Civil Supplies & Consumer Affairs Department, Central YMA leh Consumer Union te chuan Gas tihchingpen awm \hin leh black-a hralh \hin te khauh taka vil nise an ti.

Tualchhung thuthar thenkhat :

Serchhip-ah thing phun

Mizoram-ah Green Mizoram Day hman a ni. Kangmei veng \ha ber - Mamit District.

Mizoram ti hring tura thingphunna Ni, Green Mizoram Day chu nimin June 11, 2014 khan Mizoram pumah urhsun taka hman a ni a, kumin a kangmei venna kawnga ti\ha ber District-ah Mamit District chu thlan a ni.

Naisingpara-a NGO ten Bru lakletna tur dodal tum

Tripura Bru Camp Naisingpara-a Bru NGO te chuan Bru lalet tura sorkar ruahmanna chu a tawp thlenga dodal an tum tih an sawi.

Home-a thawktu ten intuaitharna nei

Serchhip District chhunga Nau hnuchham enkawlna Home-a thawktute tan nimin khan intuaitharna hun hman a ni.

Assam Rifles CO te nupa in tlawh

Serchhip-a awm 14th Assam Rifles Commandant Kushal Singh Rajawat leh a nupui chuan nimin khan Serchhip Hmar Veng-a Orphanage Home tlawhin an building-a phah tur Carpet leh eitur chi hrang hrang an pe a, he Home-ah hian naupang 8 awm mekin thawktu tunhnaiah sorkar in a rawih thar sak angin mi 7 an awm mek bawk. Hemi hnu hian Assam Rifles Commandant leh a nupui hian Shalom Special School pawh tlawhin eitur chi hrang hrang an pe a, he School-ah hian zirlai 38 an awm mek a ni.

IWMP Serchhip hnuaia thawk ten training nei

Nimin June 10, 2014 khan IWMP Serchhip-a thawktu te tan Serchhip Hmar Veng YMA Hall-ah Training Needs Assesment (TNA) chungchang zirhona neih a ni a, he hun hi DRDA Serchhip District Project Director, Pu FJ. Liantluanga chuan hmanpuiin Serchhip District chhunga IWMP hmalakna hrang hrang kalpui tawh ah a hlawhtlinna hmel hmuh a ni zel chu lawmawm a tih thu leh, IWMP Scheme hnuaia a hlawhtlinna kan hmuh zel theih nan training chu hlawkpui taka hmang turin a chah bawk.

Kumtin a Lovah vangin Mizoram-ah rambua a tam phah.

National Remote Sensing Agency-in ‘Wastelands Atlas of India 2005’ a tarlan danin kumtina lovah vangin Mizoram zau zawng 21,081 SqKms-ah 4,469.88 SqKms zet chu rambua a ni a, hei hi a ram zau zawng a\angin 21.20% lai a tling a ni.

Mizoram-ah Gas phur Truck 94 leh Bullet 125 te rawn lut.

Kumin May 2014 chhung khan khan Mizoram-ah eirawngbawlna Gas phur Truck 94 lutin, heng Truck te Cylinder phurh zawng zawng hi 27,816 niin, hei bakah hian Bullet 125 Mualkhang mi tur phurh luh a ni bawk.

Class-XII pass Admission hmulo tam MZP in hriatthiam har ti.

Mizo Zirlai Pawl (MZP) Gen. Hqrs. chuan Class XII pass zirlai zanga (500) chuangin College Admission an hmu lo chu hriatthiam har an tih thu an sawi.

DCPU-a thawk ten intuaitharna nei

Naupangte chunga hleilenna thleng \hin dolettu leh an chanvo humhalh sak a, naupang thil tisual (child offender) leh rahbi tleu tawhte chhanchhuaktu pawl Serchhip District Child Protection Unit (DCPU) a thawktute chuan nimin June 10, 2014 khan Serchhip-a I&PR Conference Hall-ah intuaitharna hun ‘Capacity Building Programme on Soft Skills’ an hmang.

P&E Department Corporation-a leh hmaloh chuan Electric chhitman tisanglo turin sorkar phut.

Mizoram-a tlawmngai pawl hrang hrangte nimin a Aizawl a \hukhawm chuan Mizoram-a Power & Electricity Department chu Corporation-a leh a nih hma chuan Electric chhitman tisang lo turin sorkar an phut.

Serchhip District chhunga Hualtu khua ah inkaphlum

Image
Serchhip District chhung a Hualtu khuaah Inrinni zan zanlai vel khan in-kaphlum an awm a, mi kaphlumtu hi Police ten an man tawh a ni.

Kolasib-a Salvation Army pawl 2 ten inremna siam.

Image
Salvation Army Kolasib Vengthar Corps Biak In-a bungraw \henkhat niminpiah Pathianni-a lakchhuah a nih chungchangah nimin June 9, 2014 khan Sub-Divisional Police Officer (SDPO), Pu Lalchhuanawma office-ah pawl pahnihte inkarah inremna thuthlung siam a ni.

Mahni in hal hliam tuarchhuak zo lovin boral

Image
Zirtawpni kalta, June 6, 2014 zana mahni inhal, Vanlalnghaka (33) h/o Lalremruati, Serchhip Darnam Veng chu nimin zing dar 7:35 vel khan boralin nimin vek khan vuiliam nghal a ni.

RS MP chuh turin mi 2 in hming pelut

Image
Mizoram Rajya Sabha MP inthlanna neih tura chuh tumte tana hming pekluh hun chu nimin khan khar a ni ta a, he inthlanna chuh tur hian mi 2 in an hming an pelut a ni.

Mizoram Medical College atan inbuatsaih mek niin Aug. 2015-ah Class \an hman theih beisei a ni.

Image
Mizoram-a Medical College din turin inpuahchahna ngawrh taka kalpui mek zel a ni a, Mizoram Medical College-ah hian August, 2015 ah Class \an hman theih beisei a ni.

Vengchung Pastor Bial KTP in thisen pe

Image
Serchhip Vengchung Pastor Bial K|P chuan Bial khawmpui a an thurel tih hlawhtlinna atan Inrinni kalta, June 7, 2014 khan Synod Hospital, Durtlang-a dah turin thisen Unit 88 an pe a, thisen petute hi mipa 80 leh hmeichhia 8 an ni. Mi tlawm-ngaite thisen pek la tur hian Synod Hospital a\ang hian Doctor leh thawk-tu dangte rawn kalin Serchhip Bazar Biak In-ah thisen hi an pe a ni. Ser-chhip Vengchung Pastor Bial ah hian K|P Branch 5 awmin member mipa 620 leh hmeichhia 410, an vaiin 1030 an awm mek a ni.

Serchhip-ah ILP enfiah runpui nei

Image
Central YMA in Mizoram-a dan lova hnamdang awmte dapchhuah hna thawk tura ruahmanna a siam angin Zirtawpni kalta, June 6, 2014 zan khan Serchhip-ah pawh YMA Sub-Hqrs. hnuaia Branch hrang hrang leh Police ten ILP nei lova hnam-dang awmte dapchhuah hna an thawk a, he hunah hian ILP neilo leh ILP in a huam baka hnamdang mi Mi-zoram-a awm mi 37 zet hmuhchhuah niin heng mite hi thuneitute kutah hlan nghal an ni a, heng zinga mi 10 chu a chhawrtu ten Permit (ILP) an kawlsak te leh Permit tihfel mek leh tihfel tura kal mek te a nih avangin chhuah nghal niin midang 27 te erawh chu thubuai siam sak an ni.

NGO te thawhhona tur Pawl din thar a ni

Image
YMA Sub-Hqrs. Serchhip huaihawtin Inrinni kalta, June 7, 2014 khan YMA, MHIP, MUP, MZP leh MSU aiawhte chu YMA Sub-Hqrs. Office, Serchhip-ah inhmukhawmin Serchhip District hmasawnna atana hna thawk tur leh a \ul anga sorkar finchhuaha thawhpui turin Serchhip District NGO Coordination Committee (SDCC) an din a, hruaitu pawh insiam nghalin Chairman-ah Pu RL. Chhuanawma (YMA), Vice Chairman-ah Pu CL. Ram-ngaia (MUP), Secretary-ah Pu R. Sanghmingthanga (YMA), Asst. Secretary-ah Tv. T. Biakchamliana (MZP), Treasurer-ah Pi Saimawii Sailo (MHIP) leh Fin. Secretary-ah Tv. H. Lalhruaikima (MSU) te ruat an ni.

Serchhip-ah Cane Beer \hahnem tak man

Image
Serchhip-a Excise & Narcotics Department Staff te chuan Inrinni kalta (7th June, 2014) khan Serchhip Sailiam Kawn-ah Beer (Diablo) bur 624 zet an man.

Central YMA huaihawta ILP enfiah runpui ah ILP fello mi 500 chuang hmuhchhuah an ni.

Zirtawpni kalta June 6, 2014 zan khan Central YMA huaihawtin  Mizoram pumah hnamdangmi dan lova awm dapchhuah beihpui thlak niin ILP neilo leh nei felfailo mi 500 chuang zet man an ni.

Chanchinthar thenkhat :

Serchhip-ah ITI dah tum

Green Mizoram Day-ah thing\iak 26,69,187 phun a ni tawh.

Kum 1999 a\anga Mizoram-a Green Mizoram Day hman a nih a\angin nikum 2013 thleng khan thing \iak 26,69,187 he Ni puala phun tur hian Mizoram chhung hmun hrang hrangah sem darh a ni tawh.

MDC bye-election a vote tla chhiar a ni

Mizoram Chhimlam District Council pathum (3) a MDC bye-election neih a vote tla te chu nimin June 6, 2014 khan chhiar a ni a, vote thlaktu awmlohna, Borapansury-II erawh State Election in a kalpui dan tur hriat ala nilo thung.

Kumin ah Gas bur 17,226 chauh thlen vangin Serchhip khawpui ah eirawngbawlna Gas a harsa.

Serchhip khawpui a eirawngbawlna Gas harsatna chuan ziaawm lam ala pan thei meuhlo a, kumin January thla a\anga nimin 6th June, 2014) thleng khan Gas hi Serchhip-ah bur 17,226 a rawn thleng tawh a ni.

Bairabi-a Rel chhuak tur dan tihtawp rih a ni.

Bairabi North Branch YMA te'n mipui tam zawkin an chhawr \angkai theih tura Rail tlan hun siamrem ngiata Bairabi a\anga Passenger phur Rail chhuak tur an dan chu nimin June 5, 2014 khan an titawp.

Khawpawna Maxi Cab Stand sawn tumna duhlo

Mizoram Maxi Cab Owners Association chuan sorkar in Maxi Cab Counter Licence zawng zawng Cancel a Maxi Cab Stand pawh Aizawl khawpawna sawnchhuah vek a tumna chu \ha an tihloh thu an sawi.

NLUP kalpuina ah hmasawnna leh hlawhtlinna tam tak hmuh a ni tih Chief Minister in sawi.

Chief Minister leh Chairman, NLUP Apex Board ni bawk Pu Lal Thanhawla chuan NLUP kalpui naah hmasawnna leh hlawhtlinna tam tak hmu in tluang taka kalpui zel a ni, a ti. 

Mizoram-ah 4G service bun duh

Mizoram a 4G service bun a nih theih nan nimin khan khan Reliance Jio Infocomm Ltd. a thawktu te chuan Home Minister, Pu R. Lalzirliana leh Planning Board Vice Chairman leh Member Secretary te kawmin, 4G Service hman a nih chuan Reliance company in Mizo-ram tana ham\hatna an siam theihte an chhawpchhuak a. Heng an chhawp-chhuah zingah chuan internet leh a kaihhnawih hmanga hmun hla taka damlo awmte enkawl theihna (Tele-medicine)-te, Sipai Lammual-a Football Field cheibawl te, sorkar hmun pawimawh a dah tur CCTV pek te a tel a. Kum thum chhung bandwidth a thlawn a pek an tiam bawk a, tunah hian Survey zo tawhin Sor-kar-in a remtih chuan Aug. 15-a hna \an an inhuam tawh a ni.

NLUP hnuaia pung awm lova Loan la te hmalakna thlir.

NLUP hnuaia din ‘Committee for Review of Interest Free Loan’ chu nimin khan \hukhawmin NLUP hnuaia pung awm lova loan pek te an hnathawh dan an thlirho bakah, loan dawngtute dinhmun leh hmalak zel dan tur an sawiho.

Rajya Sabha MP inthlanna neih tur atan hriattirna chhuah a ni.

Mizoram State Rajya Sabha MP Seat khat hnawhkhahna tura inthlanna tun thla ni 19-a neih tur atana hriattirna chu nimin June 2, 2014 khan Returning Officer, Pu Ngurthanzuala, Assembly Secretary chuan a tichhuak a, hemi rual hian Arunachal Pradesh leh Karnataka State-ah te pawh inthlanna hi neih a ni ang.

Thlasik thlai chingtuten Assembly nei

Serchhip-a Thlasik thlai ching \hinte telna Serchhip Agriculture & Horticulture Co-operative Society te chuan nimin June 2, 2014 khan Lalpuithanga Hall, Serchhip Chhim Veng-ah Assembly an hmang.

MZP in ‘MZP Signboard’ pawhthlak a nih chuan thlirliam mai mai an tumlo tih an sawi.

MZP Gen. Hqrs. chuan Borapansury II-a MZP signboard chu pawh thlak a nih chuan thlirliam mai an tumlo tih sawiin, dan lova Mi-zoram-a lut Chakma te chungah Dan anga hmalak an tum thu an sawi bawk .

Zu khapna leh khuahkhirhna thar duang

Chief Minister leh MPCC President ni bawk, Pu Lal Thanhawla chuan The Mizoram Liquor Prohibition & Control Act duan mek a ni, a ti.

Khawvel hmundangte rualin Aizawl-ah World No Tobacco Day hman a ni.

Khawvel hmun dang rualin Inrinni kalta May 31, 2014 khan Mizoram-ah pawh World No Tobacco Day hman a ni a, Aizawl-a he Ni puala hun hman chu Health Minister, Pu Lal Thanzara’n a hmanpui a ni.