Posts

Showing posts from April 27, 2014

Chanchinthar thenkhat :

Licence neih tul ti

Zu leh a kaihhnawih a\angin Rs. 308,50,779/- chung hmu.

Kum 2013-2014 chhunga Mizoram Excise & Narcotics in Zu leh a kaihhnawih thildang a\anga sum a hmuhchhuah zawng zawng chu Rs. 308,50,779/- a tling a, MLTP Act vangin mi 2466 te chu thubuai an siamsak bawk.

Serchhip Khawpui chhung kawng siam mek zel

Serchhip khawpui chhung inkalpawhna kawng (Internal Road) Black top siam\hat hna chu chak taka kalpui mek a ni.

Mizo \halai 25,000 te eizawnna pe turin Kumkhat chhungin hmalak tum a ni.

Kumkhat chhungin Mizo \halai 25,000 te eizawnna pe turin Skill Development hrang hrangah training buatsaih tum a ni tih Labour, Employment & Industrial Training Director, Pu Rotluanga chuan a sawi.

Chanchinthar thenkhat :

Kawngpui siam leh mek

Serchhip District-ah Kumkhat hnuailam thi 59 zet awm

Nikum 2013 April a\anga kumin (2014) March thla tawp thleng khan Serchhip District chhungah Nausen Kum 1 hnuailam thi mi 59 an awm.

Assam leh Mizoram ramri a buaina thlenna Home Minister in nimin khan a tlawh.

Home Minister Pu R. Lalzirliana chuan, “Kan ram chhunga Kut hnathawktute Thlam leh an thlai chinte tu misual mahin an rawn tichhe tawh tur a ni lova, kan ban pakhat pawh an thiat tawh tur a ni lo,’’ a ti.

Chanchinthar thenkhat :

Sakhisih ngaw kang leh

MSTA Sub-Hqrs. Conference neih a ni

Mizoram Middle School Teachers’ Association (MSTA) Sub-Hqrs. Serchhip chuan nimin April 29, 2014 khan Serchhip Hmar Veng YMA Hall-ah Conference vawi 17-na an hmang a, he hun hi Pu PC. Lalngaizuala SDEO Serchhip chuan khuallian niin a hmanpui.

Kumin ah Tuikum lui-ah tui a tlem avangin PHE in dan pangngai in tui an sem theilo.

PHE Department in Serchhip khawpui chawmna atana Tuikum tui an lakna ah Tuikum-a tui a tlem avangin tui pump hleihtheih a ni lova, mipuite hnenah dan pangngaia tui sem theih a ni lo.

Chanchinthar thenkhat :

Home-a thawk tur la thar

Bawnghnute pack buktlinglo MULCO in sawifiah.

Mizoram Milk Producers’ Co-operative Union Ltd. (MULCO) chuan ni 24.4.2014 (Ningani)-a MULCO Bawnghnute buktlinglo chungchanga PRISM ten Legal Metrology hotute nena Press mite hmaa thu an puan chu a sawifiah.

Ramri chungchanga hma la turin phut

MNF |halaite chuan Congress sorkar chu ramri a buaina veilo ah puhin MZP chuan Assam leh Mizoram buaina thleng mek chu a hmuna kala enfiah an tum thu an tarlang.

Mizoram District zingah MGNREGS a\anga Ni 100 inhlawhna siam hman an awmlo.

Sorkar kum liamta 2013-2014 chhung khan Mizoram District hrang hrangah MGNREGA a\angin mipuite tan ni 100 inhlawhna siam hman a ni lova, Mizoram District hrang hrang 8 zingah Champhai District chu mipuite tana inhlawhna siam hnem ber an ni.

Chanchinthat thenkhat :

Ram kang mit hleitheilo

Upa boral Biak In-a vui tawhloh relUpa boral Biak In-a vui tawhloh rel

Mizoram-a Kohhran lian ber Presbyterian Kohhran chuan nimin Pathianni hmang khan bial khawmpui neiin Biate Pastor Bial chuan Kohhran Upa thite chu Biak In-a vui tawh loh ni se tiin an pawm.

Serchhip-a hmasawnna hna thawh mek te Chief Minister in a hmunah a tlawh.

Serchhip bialtu MLA leh Chief Minister ni bawk, Pu Lal Thanhawla chuan Inrinni, April 26, 2014 khan Serchhip khawpui chhunga hmasawnna hna hrang hrang thawh mek chu a hmunah kalin a enkual.

Kum 2013-2014 ah Mizoram pumah School 3890 a awm.

Economic Survey 2013-2014 a\anga a lan danin Mizoram-ah School 3890 a awm a, heng te hi Central enkawl 24, State sorkar enkawl 1611, Local Body enkawl 364, Deficit 26, Council Deficit 35, Adhoc Aided 206, Council Aided 7, Lumpsum Aided 76, School thar 479, Private sorkar a\anga \anpuina dawnglo 1086 te an ni.

Serchhip bial a\anga \um 7 zet MLA a thlantlin Pu Lal Thanhawla chawimawina neih a ni

Serchhip Block Congress Committee chuan nimin April 25, 2014 khan bialtu MLA leh Chief Minister ni bawk, Pu Lal Thanhawla Serchhip bial-a \um 7 thlantlin a nihna leh Mizoram Chief Minister \um 5 a nih lawmna chu ruai nen ropui takin Serchhip-ah an buatsaih.

MBSE in HSLC Exam 2014 result tichhuak

Image
Mizoram Board of School Education (MBSE) chuan niminpiah April 25, 2014 khan kumin a High School Leaving Certificate Examnination (HSLC) result a tichhuak a, Mizoram pumah zirlai za zela 67.51 ten pass in kum 2013-a pass 58.63% aiin kumin hian pass an \ha zawk a ni.