SJSRY kaltlanga Serchhip-a BPL chhungkua thiamthil zirchhuakte hnenah hmanrua sem a ni.

UD&PA Department in SJSRY kaltlanga BPL member Furniture Workshop, Handicrafts leh Puan\hui (Tailoring) zirna Serchhip-a a buatsaih a zirchhuakte hnenah nimin khan Certificate leh hmanrua sem a ni.
SJSRY kaltlanga BPL chhungkua te dawmkanna tura training buatsaiha zirchhuak te hnena Certificate leh hmanraw semna inkhawm hi Serchhip DLAO’s Conference Hall-ah nimin Dec. 2, 2014 chawhnu dar 1:00 khan neih niin District Bawrhsap, Pi Juhi Mukherjee chuan he hun hi khuallian niin a hmanpui a. He hunah hian Bawrhsap chuan training a zir-chhuak te chu mahni kutkawih ngeia eizawnna nghet neih tuma \hahnemngai taka an zirchhuah avanga a lawmpui thu sawiin, anmahni zirtirtute pawh an hnuaia zirchhuakte hlawhtlinna leh thlen chin apiang chu an hlawhtlinna ani ve zel tih a hrilh a. Training chhuak ten an mamawh bungrua an dawn nghal avangin hna an \an nghal theih thu sawiin, sorkarin a tih tur chanpual a hlen tawh avangin anmahni pawhin an mawhphurhna an hlen ve ngei a ngaih thu leh, hlawhtlinna chu anmahni kutah liau liau a innghat tawh tih sawiin, midangte tana malsawmna ni turin a chah bawk.
    Heng training chhuakte hnena Certificate leh hmanrua semna hun hi Pu ST. Lalhmingmawia, DPO (SJSRY) chuan kaihruaiin SJSRY hnuaia BPL Training hi Serchhip ah kum 2011 a\angin kum tin buatsaih a nih thu leh kumin ah Training 93 awmin; kum 2011-2014 chhungin mi 249 in Training hi an zo tawh tih a sawi a. Training Centre atan hian Furniture Workshop 5, Tailoring Centre 4 leh Handicraft zirna 1, an vaiin Training Centre 10 thlanchhuah a ni a, hengah te hian Trainee te an tuina ang zawnga sem darh an ni. Trainee ten thla tina an stipend dawn tur Rs. 500/- chu Department in khawl sakin an training chhuah rual a an chhawr zui theih tur puan\hui khawl (sewing machine), Design Machine leh Electronic Randa a lei sak a, hengte hi nimin inkhawm ah hian sem nghal \heuh niin sum bang awmte pawh pek an ni bawk.

Popular News

Mizoram-ah Faina Hapta hman \an leh a ni

Retailer bukna diklo 3 man