Serchhip-ah World AIDS Day hman a ni. Mizoram-a HIV+ ah Sex a\anga kai an tam ber.

Nimin Dec. 1, 2014 khan khawvel pumah ‘World AIDS Day’ hman a ni a, Serchhip-ah pawh he Ni pual hian inkhawm neiin Dr. ZD. Lalmuanawma, District Medical Superintendent chu khuallian a ni.
Kumin a World AIDS Day-ah hian ‘Focus, Partner, Achieve; An AIDS Free Generation’ tih chu thupui ah hman niin Serchhip-ah chuan CMO Conference Hall-ah Project Axshya, Christian Medical Association of India (CMAI), DIC, District TB Forum, ICTC Serchhip Hospital leh NSS Unit GHSS Serchhip \angkawp buatsaiha hman niin he huna khual-lian, Dr. ZD. Lalmuanawma chuan HIV/AIDS dona kawngah mitin te kan \anrual a \ul thu sawiin, Mizoram-ah a hun hmaa mipat/hmeichhiatna hman a hluar thu leh hei hi HIV/AIDS darh chakna ber a nih thu a sawi a. HIV/AIDS vei te endawng chuan a chhe zawngin khaw-tlang ah nghawng a nei thui tih sawiin, endawng lova \anpui turin kalkhawmte chu a chah bawk.
    Serchhip a World AIDS Day puala hun hman hi Dr. Lalhlunpuii, MO, RNTCP, JN Hospital in a kaihruai a, Dr. Rita Lalrampari, MO, ICTC JN Hospital chuan he Ni an hman chhan te a sawilan bakah HIV+ te a\angin Testimony ngaihthlak a ni bawk. Kum 1990 a\anga kumin March thla thlengin Mizoram-ah mi 2,72,081 te thisen enfiah ah HIV hrik pai hmuchhuah mi 8883 awmin AIDS vanga thi mi 515 an awm tawh a. HIV+ hmuhchhuah zingah hian 68% chu hmeichhiat/mipatna a\anga kai niin, 25% chu inchiuna a\anga kai niin, 3.69% chu nu in a naupai ah a kaichhawn leh thildang a\anga kai 2.78% an nih thu he hunah hian tarlan a ni a. HIV+ zingah hian kum 14 hnuailam 354 awmin, kum 15-24 zingah 1991, kum 25-34 inkar mi 3748 leh kum 35-49 inkar 2415 awmin kum 50 chung lam mi 375 an awm bawk a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai