MP te Model Village enkawl zui dan tur zirhona Serchhip-ah neih a ni.

India rama Member of Parliament (MP) ten Model Village an neih \heuhna tura ruahmanna chungchang zirhona chu nimin khan Serchhip DC’s Conference Hall-ah neih a ni.
Mizoram sorkar Rural Development Department leh State Institute of Rural Development (SIRD) \angkawp buatsaih ‘MP Model Village/Saansad Adarsh Gram Yojana (SAGY)’ chungchang zirhona hi District Bawrhsap, Pi Juhi Mukherjee chuan hmanpuiin Serchhip a kum hnih chuang a awm tawh thu leh official hrang hrangte chakna leh chaklohna a hriatchian tawh thu sawiin, an chakna leh theihna nasa lehzuala hman theihna hun SAGY kaltlanga a inhawng thar chu lawmawm a tih thu leh hnathawh thuai thuai a chakawm tawha a hriat thu a sawi a. Centrally Sponsored Scheme hrang hrangte chu Model Village tihhmasawnna atan hian chhunkhawm tur a nih thu sawiin, Department hrang hrang ten thawhhona \ha an neih a pawimawh dawn thu leh he ruahmanna hi hunbi tiam neia thawh tur a nih avangin inthlahdah hman a nih dawnloh thu hre reng turin he huna tel te chu a chah bawk.
    SAGY hi Oct. 11, 2014 khan Prime Minister Narendra Modi chuan New Delhi ah a puang a, MP ten Model Village a an puan te tihhmasawnna tur ruangam Village Development Plan chu a bialtu Bawrhsap kaihhruaina hnuaiah May 11, 2015 hma in peihfel vek tur niin peihfel anih a\anga thlakhat ral hma in hnathawhna tur sum pawh pekchhuah hman tura ruahman a ni a. He hun hmanpuitu Pu Lalengmawia Vantawl, MCS, Deputy Secretary, RD chuan he ruahmanna hnuaiah hian Lok Sabha MP Pu CL. Ruala’n Serchhip District a Khawlailung khua a thlan thu leh Pu Ronald Sapa Tlau, Rajya Sabha MP pawhin Serchhip District ami tho Chhiahtlang khua a thlan thu a sawi a, heng Model Village te tihhmasawnna tura hmalak dan tur te a sawi bawk. Lok Sabha MP leh Rajya Sabha MP te hian nakum ah Model Village dang pakhat ve ve an thlang leh dawn a, kum 2019 ah chuan Model Village pathum ve ve thlang hman tura beisei niin kum 2024 thleng kumtin Model Village pakhat ve ve an thlan belh zel dawn a ni. SAGY ah hian a hranpa a sum ruahman a ni lova, CSS hrang hrang 31 ten ngaih pawimawh khua ah neiin heng CSS a\anga pawisa awm sa a\ang hian hma lak ani dawn thung a ni. Ruahman lawk ang chuan vawiin hian Khawlailung-ah SAGY zirhona hi neih a ni anga, naktuk ah Chhiahtlang-ah neih leh a ni ang.

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn